1 Peter 1:2 - Sümi Tiqhelimi Bible

² Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

BAIBEL (BSI)

² Nonguye Apu Alhou no kumsupulope akeu kiqi lono kisheluvae eno Aghungu Kimthe no shikimthe pesu Jisu papelupeni eno pa ji pesu mitheluve peniyeke. Kupukini ngo alokiqipu nongu lau kighishelu apeniu!

Sumi Naga CL (Re-edited) Bible (BSI)

² Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 1:2 Mawu Ofanana

MATTHEW 24:22

“Tsalá atsala tipaqo no kughukhove moaye, timi khumu xüluni chemoe, ikemu kisheluve kemiqo je lono atsala hipaqo ye kughukhove nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

Mark 13:20

“Tsalá Ampeu no atsala tipaqo kughukhove moaye, timi khumu xüluni chemoe, ikemu pa no khunoqo kisheluvea keno, tipaqo je lono atsala tipaqo ye kughukhove nani.

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Mark 13:27

Eno pa no paw kungumiqo puwu no ayeghi cheku bidí lono pa no kisheluve kemiqo hekütsü nani, eno tiye ayeghi ashekha lono ashekha kutólo kisheluve kemiqo hekütsü nani.

Luke 18:7

Eno Alhou ye pa no kisheluve kemi khunoqo no putho-pucho pa lau ighamuku acheni keno saphumoni keshea? Pa ye panongu kuphuni keu munu auve nani keshea?

Apostolmi 15:18

hiye khaghi no ithi akeu thimeqo ke.

Apostolmi 2:23

Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 11:2

Alhou ye azüu no paw timi ithi pe ache kemiqo milivemoe. Kuchoyesü lo Elijah ghili kiu pipüani keno nongu ye mtha keshea. Pa ye Alhou lau Israelmi ghenguno muchho ghi ishi pike:

Rommi 11:28

Jewmi kutomo no nongu jeku lono atsakiviu ghümi shivae, ike tipau kiqi lo nongu Jewkumomi no alá shivae. Tishiaghimu Alhou no panongu pù-asüqo kishelu keu ghenguno panongu kimiye acheni.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 16:19

Nongu no Alhou ghokulu shiluve keu ghili timi kümtsü no chiluvae eno hi ghenguno ni ye alovishe ani; ikemu ni ye nongu pelo kiu no akivi keno tipau lo alokütsü shi eno kiu no küsakügha keno tipau lo kumu mtha kemi shipe nishi ani.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

Rommi 8:33

Khuu no Alhou no kisheluve kemiqo shou akipimí tsülu nani kea? Achipikalu pe chekeu ye Alhou no ke.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

2 Kor. 10:5

Ningu no akikigheqo eno Alhou kighithi mujo niye keghilikishi shi pesü akeu jeli kümtsü hexave cheni, eno ningu no akükümsü kümtsü tshüsawo Khristo lau aghokulu shiluve pe cheni.

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

2 Thes. 2:13

Ampeu no kimiye chekemi athiküzümi eno achelimiqo, ningu ye nongu ghenguno alhokuthu Alhou shikimthi acheni pütsá ke, kughengu Alhou no Aghungu vechewo kishekimthe keu kümlà eno kuchou lo aküpülü akeu vechewo amsüu xathi toi nongu pelo xaluve peniye kishelu ke.

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 11:28

Pa ye aküpülü vechewo Hechekulu ghulhu eno ajì hu pesü pepimhe ke, tishi keu vechewo anu punú tüghiu kütsave chekeu pelo Israelmiqow anu punú tüghiu bupemo niye ke.

IBRIMI 12:24

nongu ye Jisü puloshoqhi akitheuw alakipiu eno Abel jì nguno akiviu shi atsa piche keu küzüteve keu jì lau ighivae.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

1 Peter 1:14

Aghokulumi itimi toi shilo, nongu no kümthami küxü lo xüache ke ghuloki lo küsakügha shinishiqhiyi keu nongu lolo achekeu lau puloküqha kevilo.

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

2 Peter 1:2

Alhou eno ningu Mpeu Jisü kighithi akeu vechewo küpükini eno aloino keu kupukuno shi nonguw shilu peniu.

2 John 1:1

Kichimi lau no, Alhou no kisheluve keu totimi eno li nuliqo lau, khuu I no kuchou lono kimiye cheni keno—eno I likhi kumoe, ikemu kuchou ithi akemi kümtsü no kimiye cheni—

2 John 1:13

Nongu chelimi nuliqo, khunoqo Alhou no kisheluvea keno, panongu no petha tsüpuwu ani.

Jude 1:2

Kimiyekini, alokughuno eno kikimiye kupukuno shi nonguw shilu peniu.