1 Kor. 5:1 - Sümi Tiqhelimi Bible

¹ Nongu dolo kipito xüküpsa kümlà shi akeu sütsa kuchou no ighivae, eno tikithipu ye Jewkumomiqo dolo ghí shichemo keu ke: Tiye timi lakhi no papù nipu sasü küghünave keu ke.

BAIBEL (BSI)

¹ Mtsuqheyino nongu gholo kipti toti dolo mithemovekeu pi-ighivae, eno tikithipuye Alhou mthakemi gholo ghi khilemu shichemokeu ghilike: tiye timi lakhino papuh nipu sasu kughuna akeu ivilo pivae!

Sumi Naga CL (Re-edited) Bible (BSI)

¹ Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.

1 Kor. 5:1 Mawu Ofanana

Apostolmi 15:20

Tishini ke züqhulo ningu ye panongu lau akiyé lono ajulho lhouqo müláve keu chuqu chumo nikeu, kipito xüküpsa shimo nikeu, lhoxü tshüqhi-pìthí keu shì eno ajì chumo kepu shi pive kepue.

Apostolmi 15:29

Nongu ye ajulho lhouqo lau aghashi pe müláve keu chuqu chumo nikeu, lhoxü tshüqhi-pìthí keu shì eno ajì chumo nikeu eno kipito xüküpsa shimo nikeu shivea. Nongu no hipaqo lono kutokupuiluve aye achipi shi anani. Akivishi alo.

1 Kor. 1:11

I thiküzümi eno I chelimiqo, nongu dolo kütsala kilé ani kepi Chloe kibolomi dolo khami no I vilo kütüghüvae.

1 Kor. 5:11

Ikemu I no nongu lau yè akeu ye khukhumu nongu thiküzümi momu nongu chelimi lakhi kepi pükha püzü kipito kimthe kumo kümlà shi momu alakimine shi, ajulho mülá momu timi pipüsa, shomzü momu pishikiqhi ishi kemi gholo nongu pelo kuloji pemo niye hipau yè anike. Hikithipu timi sasü ye kümtsa ghí chu-sho kevilo.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

1 Kor. 6:18

Kipito xüküpsa lau no pove lo. Timi lakhi no axiné kütau shikeu kümtsü aphimpi nguno khalau ke, ikemu timi khuu no kipito xiné shini keno, pa ye pa likhi pa phimpi shou axiné shipuku anie.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

2 Kor. 12:21

Kughou I no tilau ideghini keno ni ye I Lhou no nongu gizü lono I shikukujo nikeu msà ani, eno timi kutomo no püzüu axiné shive no panonguw mithekumo, kipito xiné eno ghüpoghüzü kümlàqo shikeu lau no amlo pebidemo keu ghenguno ni ye amlokighishi shiveni cheni ke.

2 Kor. 2:5

Ni ye alá sü no pi anike kumoe, ikemu timi khuu no amlokighishi süghi cheni keno pa ye nongu lau amlokighishi süghi keu qhemi I lau amlokighishi süghi ke kumoe.

2 Kor. 7:12

Ikehu I no nongu lau yèsü yè kemu tiye khuu no achipikumo shi keno pa ghenguno yèmoe momu izave kemi loji ghenguno yèmoe, ikemu nongu ye kíshi ningu lau alokiqishi acheni keno Alhou zülo nolikhi nongu no ithulu kepu shilu peniye ke.

Galatiami 5:19

Timi lhoaye no shi chekeu ye mütsüqhei no hipaqo ke: kipito xüküpsa, mithekumo eno ghüpoghüzü;

Ephesiami 5:3

Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

Piyeküsü 2:21

Li xüküpsa lau no xaideve penike I no ado li tsüke, ikemu li ye pulo amoe.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”