1 Kor. 2:4 - Sümi Tiqhelimi Bible

⁴ I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke,

BAIBEL (BSI)

⁴ eno itsapi ngo ino asheshukeulo zukide kudakeu tsa eno timi suqekighithi peithamoe, ikemu Alhou Ghungu kuka shipe piyekeu ino peithake.

Sumi Naga CL (Re-edited) Bible (BSI)

⁴ I tsapi eno I tsape ye alokütsü lono züizalu kepu shimoe, ikemu Aghungu küka lono shipiye lue,

1 Kor. 2:4 Mawu Ofanana

Apostolmi 20:27

Kughengu ni ye Alhou pulou kümtsü pesü nongu vilo pikülha nikeu lo süchile pe püamoe.

Apostolmi 26:28

Tile no Agrippa no Paul vilo pi, “No ye hi ikhonhei dolo no I pütsaqhiluve püzü I pelo Khristomi shiluve nani küghashi kümsü ani keshea?”

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

1 Kor. 1:17

Kughengu Khristo ye baptiz shipe niye I puwumoe, ikemu atsakiviu kütsü peniye ke. Eno tiye alokütsü eno pikulu vechewo kumoe, tishianguno Khristo’w kros küká hu ye adou shivepemo niye ke.

1 Kor. 2:1

Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe.

1 Kor. 2:13

Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni.

1 Kor. 4:20

Kughengu Alhou kükaphu ye atsa no piakeu vehu kumoe ikemu aküka vehu ke.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Kolosiami 2:4

I no hipau nongu vilo piakeu ye timi khuu pelo nomu pishikiqhi tsa vechewo nongu pishiqhive pemo niye ke.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

2 Peter 1:16

Kughengu kughou ningu no ningu Mpeu Jisü Khristo no aküka lono ighi nikeu ghili pesü nongu vilo pi keno ningu ye amqükini shi akukughu shikeu xüghili papemo ke, ikemu ningu ye ningu nhethi no pa kükanguaghaw thopi shikeqo ke.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.