1 Kor. 11:2 - Sümi Tiqhelimi Bible

² Ni ye nongu akishé tsü ani, kughengu nongu no thowkha kümtsü lo I kümsülu eno I no akükütsü tsaqo pekishe süwo nongu lau tsü keu toi nongu no tipaqo pape ke.

BAIBEL (BSI)

² Niye nongu akishe tsuani, kughengu nonguno pulhapuju ikumsulu acheni eno ino nongu lau pekishe suwo tsukeu kukutsuqo nonguno papeluke.

Sumi Naga CL (Re-edited) Bible (BSI)

² Ni ye nongu akishe tsü ani, kughengu nongu no thokha lo I kümsülu eno I no nongu lau pekiye tsükeu khuaye papelu ke.

1 Kor. 11:2 Mawu Ofanana

Luke 1:6

Pama kinikujo Alhou zülo amikucho shi xüche eno Ampeu zakütsü ngò ayeza kümtsü kupukülai shi pape chekemi ke.

1 Kor. 11:17

Itehi kichetsü niye shi akeu lo ni ye nongu akishé tsü kepu kühae, kughengu nongu ye aqoshi kusholu akeu lo akivi shini keu nguno alau shiküpüsapu shi anike.

1 Kor. 11:22

Nongu ye chu-sho nike ghenguno pütüta ki küha keshea? Ikeo nongu ye kiumu küha kemi thogha keu vechewo Alhou kukuhou thaigha ani kea? Ni ye nongu vilo kiu pìní kea? Ni ye nongu sheqhelo pi keshea? Hipau vehu lo khilemu tishimlae!

1 Kor. 15:2

I no nongu lau Alhou tsa kütsü keu nongu no ithamo no tsüqüpe aye, atsakiviu no nongu xaluvae. Tishimo aye, nongu ye adou lono pülüvae.

1 Kor. 4:17

Hi ghenguno I no Khristo lono kimiye chekeu eno pülübe chekeu I nu Timothy nongu lau puwuva ke. Pa no nongu vilo I no Khristo Jisü pape ghi xü chekeu ghola nongu vilo pikithe nani. Tino aqha kuchopu lo eno akukuhou kümtsü lo I no kiu kütsü cheni keno tipau gholo kimshilu nani.

1 Kor. 7:17

Tishiepimu, timi kümtsü no Ampeu no panongu pichetsüpüa keu toi kiu-kiu toi keu tüqhüdo lo aghíe pimu Alhou no panongu kulù keu kiqi lono küpülümi lakhi shi xü moayesa ke. Ayeza hipau ye I no akukuho kümtsü lo qhitsü anike.

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

1 Thes. 3:6

Ikemu Timothy ye itehi no anileshi ningu lau ighi ani eno nongu küpülü eno kikimiye vehu lo asütsa kivi pesü ighi anie. Pa no ningu vilo pikeu no nongu ye alhokuthu lono ningu kümsüpivi acheni eno ningu no nongu sasü kusholu nishi akeu toi nongu ghí ningu sasü kusholu nishi ani ipi ke.

2 Thes. 2:15

Tishiaye, athiküzümi eno achelimiqo, ithamo no puthugho lo eno ningu no akichi tsa lono momu yèsü vechewo akükütsü tsaqo nongu tsü keqo mutotoi tsüqülulo.

2 Thes. 3:6

Athiküzümi eno achelimiqo, Ampeu Jisü Khristo je lono küpülümi khunoqo no akipichi shi xü acheni eno nongu no ningu lau no akükütsü ithulu keu ghola lono xü chemo keno panongu lau no putosü apenike ningu no azah nongu tsü ani.