1 Kor. 1:9 - Sümi Tiqhelimi Bible

⁹ Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

BAIBEL (BSI)

⁹ Alhou ye pukhubekuluke, pa Nu Jisu Khristo, ningu Mipeu gholo kuposhulukeu apenike pano nongu kulukeu Lhou huke.

Sumi Naga CL (Re-edited) Bible (BSI)

⁹ Alhou ye pükhükulupu, Pa vecheo nongu kusawo Pa nu, ni Mpeu Jisü Khristo gholo kuposhulu peke.

1 Kor. 1:9 Mawu Ofanana

MATTHEW 24:35

Atsütsǘ eno ayeghi ye hauve nani, ikemu I tsa ye khilemu hauvemo nani.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

Rommi 11:17

Pighi achekeu olive sübo lo aloka khami no icheiqive kelo aghalow olive loka süwo tipau gholo kimepe qhive keu toi, nongu Jewkumomiqo ye aghasa lo olive sübo müzü toi kemu itehi ye lojiputhuve keu olive kuhu lo küsajelu ake toi Jewmi küxü lo kinikülü küsajelu anie.

Rommi 8:28

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülà tsü cheni. Panongu ye pa kimiji kiqi lono kulùve kemiqo ke.

Rommi 8:30

Eno khunoqo azüu no kughuchho pe qhive keno, pa no panoqo ghí kulùve; pa no khunoqo kulùve keno, panoqo pelo no ghí achipikaluve pe: pa no khunoqo achipikaluve pe keno, panoqo pelo no ghí pa kimthe juküvü küsajelu pe ke.

Rommi 9:24

Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 10:13

Ghukuju khijehi nongu zülo ighi keno kütami sheamzü lo ghí titoi ighino puju-shijuvea ke ipi kümsülulo. Alhou ye pükhübekuluu ke; pa ye nongu no puqhelu kepu nguno alau ye nongu ghuju pemo nani. Ikemu kughou O ghujuni keno, pa no O pelo theqhiluve pe kepu laghi O tsü nani.

1 Kor. 10:16

Ningu no Ampeu ghulhu lo kükümgha jikhu khikhi Alhou shikimthi ghi peitha cheni keno tiye Khristo jì gholo küsaje anike kumo keshea? Eno ningu no asho süpho chekeu ye Khristo phimpi gholo küsaje anike kumo keshea?

2 Kor. 1:18

Ikemu mütsüqhei no Alhou ye pükhübekulu ke ghenguno ningu kükütsü sütsa lo nongu vilo “Iye” eno “Moe” ipimoe.

Galatiami 1:15

Ikemu kughou Alhou khuu I zá po lono I kütashi qhivetsü eno paw küpükini vechewo I kulù keno, pa ye

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

2 Thes. 2:14

Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Thes. 3:3

Ikemu Ampeu ye pükhübekulu ke, eno pa no nongu shikumto tsü nani eno küsaküghau lau no nongu süsho nani.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

2 Tim. 2:13

ningu no aküpülüpu shimla namu pa ye aküpülüpu shi acheni kughengu pa ye pa likhi pa milive mülae.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

IBRIMI 10:23

Ningu ye khilemu iqemo no ningu no piche keu lajupu tsüqüpeni nolo, kughengu Alhou ye pa no piqhipüa keu lo pükhükulu shi cheni ke.

IBRIMI 11:11

Eno aküpülü vechewo Sarah ghí angá mishílu nikeu mpe vecheve kethiu ghí angá mishí kulupu shilu pe ke, kughengu li ye khuu no pikiqhi shipüa keno pa ye pülübekulu kepi ithi cheke.

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 4:13

Ningu no pa lolo xü eno pa no ningu lolo xü akeu ningu no hitoi ithi cheni: Pa no pa Ghungu pesü ningu tsüvae.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.