1 Kor. 1:6 - Sümi Tiqhelimi Bible

⁶ Hipau vechewo Alhou no ningu pelo nongu gholo Khristo’w thopi shi akeu shikumto tsü ani.

BAIBEL (BSI)

⁶ tiye Khristo ghili pesu ashepe shikeu nongu gholo mutotoi alupekehuke.

Sumi Naga CL (Re-edited) Bible (BSI)

⁶ ti ye Khristo ghili pesü ashepe shikeu nongu gholo mtotoilu ke—

1 Kor. 1:6 Mawu Ofanana

Mark 16:20

Tisheno akhopemiqo no chewu püzü aqha kümtsü lo kütsüe, eno Ampeu no panoqo gholo mülà eno pa tsa shikupu akeu shi amichipu kümlàqo mülàe.

Apostolmi 11:17

Ike Alhou no aghò pesü ningu tsü keu toi Ampeu Jisü Khristo pülüluve kemiqo ghí tsü aye, ni ye khuu keno I no Alhou lakha kulupu kea?”

Apostolmi 11:21

Ampeu küká panongu gholo ae, eno timi kutomo no pülüluve püzü Ampeu lau xaideghiluve.

Apostolmi 18:5

Kughou Silas ngò Timothy pama no Macedonia lono ighive keno, Paul ye ado kümtsü ikhiphe no kütsü eno Jewmiqo vilo Jisü ye Messiah kepi ashepe shiae.

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 22:18

eno Ampeu ithulu no pa no I vilo pi ‘Papashi lo! Mtazü Jerusalem qhivelo, kughengu timi hile akemiqo ye nono I shepe shikeu ikhilutsümo nani ke.’

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

Galatiami 3:5

I no itaghi iniju ani, Alhou no pa Ghungu nongu tsü no akichiqhipu kümlàqo shi chekeu ye ayeza lo shikupulu keu vechewo no keo nongu no kiu chilu keno tipau pülü keu vechewo no kea?

2 Thes. 1:10

Tipau tsalà lo Ampeu’w akimthemiqo no pa juküvü shi nani eno pa pülüluve kemiqo kümtsü no pa sümsa ghi sheqhe nani. Nongu ghí hilehi kihisü ani, kughengu nongu no ningu küxü shepe nongu tsü keu pülü ke.

1 Tim. 2:6

Khristo Jisü ye timi kümtsü ghenguno xakipheu lakhi kimhi shi pa likhi pa ikhiphe pe tsüve ke. Hiye ado achipi lono thopi shivae.

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Piyeküsü 6:9

Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.