1 John 5:11 - Sümi Tiqhelimi Bible

¹¹ Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.

BAIBEL (BSI)

¹¹ Ashepe shipuakeu huye hike: Alhou no lhokta kuxu ningu tsuvae eno akuxu hipauye pa Nu launo ani.

Sumi Naga CL (Re-edited) Bible (BSI)

¹¹ Ashepe ye hike: Alhou no lhokta küxü pesü ningu tsü, eno aküxü hipau ye Pa Nu lau ani.

1 John 5:11 Mawu Ofanana

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

John 1:19

Kughou Jewmi sakiphemiqo no Jerusalem lo achinemi ngò Levimiqo pelo John ye khuu keno iniju peniye puwu keno, John no hitoi pa shepe shie.

John 1:4

Pa lolo aküxü ae, eno aküxü tipau no timi jeli kümtsü ghenguno aküvü hu ke.

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 12:50

I no ithi akeu ye pa yeza no lhokta küxüpu lo sawu cheni. Ike I no kiu pi cheni keno tiye Apù no I vilo pilo pikeu ke.”

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 19:35

Tipau ithulu keu timi hu no ashepe tsü, eno pa shepe ye kuchou ke. Pa ye kuchou tsa piani kepi ithi ake, eno nongu ghí pülülu peniye pa no ashepe shike.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 4:36

Itehimu timi khuu no ghile hu keno ajume lu cheni eno lhokta küxü ghenguno athì pekütsü cheni, tishianguno vesü keu ngò ghile hu keu pama alovi küqha niye ke.

John 4:4

Pa ye Samaria kathasü wu kepu shive.

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

1 Tim. 1:16

Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

1 John 2:25

Eno pa no ningu lau piqhipüa keu ye hike—tiye lhokta küxü ke.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

1 John 4:9

Alhou no hitoi paw kikimiye ningu lau pìye ke: Pa no pa Nu lakhi likhi akeu pesü ayeghi lo puwu ke, tishianguno ningu pelo pa vechewo xülu peniye ke.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:7

Kughengu thopi shi chekeu küthü ani:

3 John 1:12

Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü