1 John 4:7 - Sümi Tiqhelimi Bible

⁷ Kimiye chekemi shompamiqo, ningu lakhi no lakhi kimiye kileni nolo, kughengu kikimiye ye Alhou lau no ighi cheni. Khunoqo no kimiye cheni keno panongu ye Alhou lau no ighike eno Alhou ithi akemi ke.

BAIBEL (BSI)

⁷ Kimiyechekemiqo, ningu lakhino lakhi kimiyekileni nolo, kughengu kimiyekeuye Alhou launo ighike. Khunono kimiye cheni keno paye Alhou nuli shiluvekemike eno Alhou ithitoi ani.

Sumi Naga CL (Re-edited) Bible (BSI)

⁷ Kimiye chekemiqo, ningu lakhino lakhi kimiyekileni nolo, kughengu kikimiye ye Alhou launo ighi ke, khunono kimiye cheni keno Alhou nuli shiluvae eno Alhou ithitoi ani.

1 John 4:7 Mawu Ofanana

John 13:34

“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

1 Kor. 8:3

Ikemu timi khuno no Alhou kimiye cheni keno Alhou no pano ithi acheni.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

2 Tim. 1:7

Kughengu Alhou no anguagha ningu tsü keu ye ningu pelo msaichive peniye ke kumoe, ikemu aküka, kikimiye eno alikhi aghasükulupu ningu tsü cheni ke.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 John 2:10

Khukhumu panongu thiküzümi eno achelimi kimiye aye aküvü lo xü anie, eno tiye pano lolo panongu pelo küpüxalu pe kepu kiumu kühae.

1 John 2:29

Tsalá nongu no pa ye amikucho kepi ithi aghí aye, khukhumu kiu no achipi keno tipau shi chekemi ye pa vechewo punuluvea kepi nongu no ithi ani.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 2:4

Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

1 John 2:7

Kimiye chekemi shompamiqo, ni ye nongu lau azakütsü akithé yè anike kumoe ikemu aqau hu ke, tiye khikhi abothu lonomu nongu no ache keno tipau ke. Azakütsü aqau hipau ye nongu no akükütsütsa chiluve keu ke.

1 John 3:9

Khukhumu Alhou lau no punú kitheve kemi ye axiné shiauve chemoe, kughengu Alhou tsa no pano lolo acheni ke; panongu ye axiné shiauve mülae, kughengu panongu ye Alhou lau no punú kitheluvea ke.

1 John 4:11

Kimiye chekemi shompamiqo, Alhou no shishe ningu kimiye ke ghenguno ningu ghí lakhi no lakhi kimiye moayesae.

1 John 4:12

Timi khuu nomu khilemu Alhou ithumla aphie; ikemu ningu no lakhi no lakhi kimiye aye, Alhou no nilo lo xüani eno paw kikimiye ye ningu vechewo kupukülai shilu anike.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.

1 John 4:8

Khunoqo no kimiye chemo keno panongu ye Alhou mthae, kughengu Alhou ye kimiyekiniu ke.

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

2 John 1:5

Eno itehi ye, kimiye chekeu totimio, ni ye O lau azakütsü akithé ye anike kumoe ikemu khikhi ningu no abothu lono acheni keno tipau hu yè anike. Ningu lakhi no lakhi kimiye kileni ipi I no qhüiniju ani.