1 John 4:21 - Sümi Tiqhelimi Bible

²¹ Eno pa no azakütsü hipau ningu tsüvae: Khukhumu Alhou kimiye chekemi ye panongu thiküzümi eno achelimi ghí kimiye moayesae.

BAIBEL (BSI)

²¹ Khristo no ahza ningu tsupua keuye hike: khunono Alhou kimiye cheni keno athikuzumi ghi kimiyelu kepue.

Sumi Naga CL (Re-edited) Bible (BSI)

²¹ Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.

1 John 4:21 Mawu Ofanana

MATTHEW 5:43

“Nongu no ishi pipüa keu chiluvae, ‘O kisüghümi kimiye lo eno O ghümi mithi lo.’

Luke 10:37

Ayeza kükütsüu hu no khochile, “Kimiyekini kümlà shikeu hunoe.” Jisü no pa vilo pi, “Wu no titoi shilo!”

John 15:12

I zakütsü ye hike: I no nongu kimiye ketoi nongu lakhi no lakhi kimiyekilé lo.

Galatiami 5:14

Kughengu azakütsü lakhi, “O likhi O toi O kisüghümi kimiye lo,” ipikeu hipau papelu keu vechewo ayeza kümtsü shikupuluve anie.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

1 Thes. 4:9

Itehi nongu vilo lakhi no lakhi kimiye nikeu vehu lo ningu ye nongu lau yè akepu kiumu kühavae, kughengu nongu lakhi no lakhi kimiye nikeu vehu ye Alhou ampi no nongu kütsüvae.

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

1 Peter 4:8

Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

1 John 2:7

Kimiye chekemi shompamiqo, ni ye nongu lau azakütsü akithé yè anike kumoe ikemu aqau hu ke, tiye khikhi abothu lonomu nongu no ache keno tipau ke. Azakütsü aqau hipau ye nongu no akükütsütsa chiluve keu ke.

1 John 3:11

Kughengu nongu no abothu lono akükütsütsa chilu keu ye hipau ke: Ningu ye lakhi no lakhi kimiyekilé moayesae.

1 John 3:14

Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.

1 John 3:23

Eno pa zakütsü ye hipau ke: pa Nu Jisü Khristo je lo pülübe nikeu, eno pa no azah tsüve keu toi lakhi no lakhi kimiye nikeu ke.

1 John 4:11

Kimiye chekemi shompamiqo, Alhou no shishe ningu kimiye ke ghenguno ningu ghí lakhi no lakhi kimiye moayesae.