1 John 3:22 - Sümi Tiqhelimi Bible

²² eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

BAIBEL (BSI)

²² Ninguno pa vilo kiukiumu khukeu ninguno ithulu cheni, kughengu ninguno pano ahza tsukeu pelu cheni eno pa pulou shi cheni.

Sumi Naga CL (Re-edited) Bible (BSI)

²² eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

1 John 3:22 Mawu Ofanana

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 21:22

Nongu no aküpülü aghí aye, akighini lono kiu-kiumu khu keu nongu no ti ithulu nanie.”

Mark 11:24

Tighenguno I no nongu vilo pìní, nongu no akighini lono kiu-kiumu khu kelo tipau ithuluvea kepi pülülo, eno tipau hu nonguw shiluve nani.

John 14:13

Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

John 15:10

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 6:29

Jisü no khochile, “Alhou kümlà hu ye hike: pa no puwu keu shou pülüni keu.”

John 8:29

Khuu I puwu keno pa ye I gholo ani; pa ye I likhi qhive mphi, kughengu ni ye alhokuthu kiu no pa pulou keno tipau shi cheni.”

John 9:31

Ningu no ithi akeu no Alhou ye axinemiqo kighini chilutsü chemoe. Pa ye khuno no Alhou sümsa no pa gholu cheni keno tipaqo kighini chilutsü chenie.

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

FILIPIAMI 4:18

Ni ye I jume kuchopu ithuluvea eno lukümkhapu shi ani. Nongu no Epaphroditus lau no aghò I tsüpuwu keu hu ithulu no ni ye kupukuno shi anie. Tipaqo ye axokütsüngü kümlagho, Alhou mlokiqipu eno pa lau ikhikulupu aghakishi lakhi ke.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

IBRIMI 13:21

pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

James 4:3

Kughou nongu no khuni keno, nongu ye ithulu chemo, kughengu nongu no achipikumo kükümsüqo xapu khu cheni, tishi keu vechewo nongu no kiu lono alokivipu ithulu cheni keno tipau lo puwove niye khu cheni ke.

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 5:14

Alhou lau ighilu achekeu lo ningu ye pülükibe hipau ani: tiye ningu no pa pulou kiqi lono kiu-kiumu khu aye, pa no chilutsü cheni.