1 John 3:2 - Sümi Tiqhelimi Bible

² Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

BAIBEL (BSI)

² Ino kimiye chekemiqo, itehi ninguye Alhou nuliqoke ikemu ninguye kiu shiuve nani keno pephepiye mphike, ikemu kughou Khristo no ipeghini keno ninguye pa toive nani kepi nino ithi ani, kughengu paye kuchouno kiukeno ninguno ithulu nani.

Sumi Naga CL (Re-edited) Bible (BSI)

² Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

1 John 3:2 Mawu Ofanana

MATTHEW 5:8

Amlo mithemithei kemi kümghae, kughengu panongu ye Alhou ithulu nani.

Luke 17:30

“Timi Nu pephe-piye ke tsalà lo ghí hitoi shi nani.

Luke 20:36

eno panongu ye khilemu thimove nani; kughengu panongu ye kungumi toive nani. Panongu ye Alhou nuliqo ke, kughengu panongu ye xülethuve kemi nuliqo ke.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Rommi 8:16

Aghungu ampiu no ningu ghungu gholo küqha no ningu ye Alhou nuliqo kepi thopi shitsü cheni.

Rommi 8:18

I no kiqiphelu keu ye ningu no itodolo ime akeqo ye khilemu ighi nikeu juküvü khikhi ningu lolo pephe-piye niye ani keno tipau sasü kimghi mülae.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

Rommi 8:29

Alhou no azüu no khunoqo ithi akeno panoqo ghengu ye pa nu jukimihi lo küsaje penike püzüu no kughuchho pe qhive ke, tishianguno pa pelo athiküzümi eno achelimiqo kutomo gholo amsüu shilu peniye ke.

1 Kor. 13:12

Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

1 Kor. 15:49

Eno ningu no ayeghi lo timi julho xapu akeu toi, ningu ye kungughalomi julho xapuve nani ke.

1 Kor. 2:9

Ikemu ishi yèpüa ani: “Anhethi no kiu ithumla aphi keno, akìní no kiu chimla aphi keno, timi mlo no kiu kümsüphe müla aphi keno”— khunoqo no Alhou kimiye cheni keno tipaqo ghenguno pa no thime hipaqo kutò pe qhipüani ke—

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Galatiami 4:6

Kughengu nongu ye pa nuliqo kehu, nongu pelo, “Abba, Apùo,” ipi ku penike ghenguno Alhou no ningu mlo lo pa Nu Ghungu puwu ke.

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

2 Peter 1:4

Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

1 John 2:7

Kimiye chekemi shompamiqo, ni ye nongu lau azakütsü akithé yè anike kumoe ikemu aqau hu ke, tiye khikhi abothu lonomu nongu no ache keno tipau ke. Azakütsü aqau hipau ye nongu no akükütsütsa chiluve keu ke.

1 John 3:1

Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 3:21

Kimiye chekemi shompamiqo, tsalá ningu mlo no ningu kiléqhimo aye, ningu ye Alhou zülo pülükibe shilu nani

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

Piyeküsü 2:28

I no inaqhe yepu ghí pa tsü nani.

Piyeküsü 22:4

Panongu no Alhou ithulu nani, eno panongu kishe lo Alhou je yèpuku pe anani.