1 John 3:10 - Sümi Tiqhelimi Bible

¹⁰ Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

BAIBEL (BSI)

¹⁰ Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

Sumi Naga CL (Re-edited) Bible (BSI)

¹⁰ Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 3:10 Mawu Ofanana

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

John 8:47

Khukhumu Alhou laumi ye Alhou tsa ini cheni. Nongu no inimo keu ye nongu no Alhou laumi kumo keu ghenguno ke.”

Apostolmi 13:10

“No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

Rommi 13:8

Lakhi no lakhi kimiyekilé nikeu piashe nguno alau ye api-ashe lakhimu qhi kevilo. Kughengu timi khuu no kütami kimiye cheni keno pa ye ayeza shikupuluvae.

Ephesiami 5:1

Tighenguno, kimiye chekemi anuliqo toi Alhou’w kiche-kipiye papelo

Kolosiami 3:14

Eno alhoaye kivi hipaqo kümtsü shou kikimiye pepulo, kughengu kikimiye no alhoaye kiviqo kümtsü kupukülai shi tsüghaküqha tsü cheni.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

1 John 2:29

Tsalá nongu no pa ye amikucho kepi ithi aghí aye, khukhumu kiu no achipi keno tipau shi chekemi ye pa vechewo punuluvea kepi nongu no ithi ani.

1 John 3:1

Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

1 John 4:21

Eno pa no azakütsü hipau ningu tsüvae: Khukhumu Alhou kimiye chekemi ye panongu thiküzümi eno achelimi ghí kimiye moayesae.

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

1 John 4:8

Khunoqo no kimiye chemo keno panongu ye Alhou mthae, kughengu Alhou ye kimiyekiniu ke.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

1 John 5:2

Ningu ye Alhou nuliqo kimiye cheni kepi ningu no hitoi ithi cheni: tiye Alhou kimiye keu eno pa zakütsüqo papelu keu vechewo no ke.

3 John 1:11

Kimiye chekeu I küsàu, kiu no küsakügha keno tipau kishishi kevilo ikemu kiu no akivi keno tipau kíshi shilo. Khukhumu akivi shikeu ye Alhou lau no ighi kemi ke. Khukhumu kiu no küsakügha keno tipau shikeu ye Alhou ithulu mphie.