1 John 3:1 - Sümi Tiqhelimi Bible

¹ Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

BAIBEL (BSI)

¹ Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

Sumi Naga CL (Re-edited) Bible (BSI)

¹ Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.

1 John 3:1 Mawu Ofanana

Luke 20:36

eno panongu ye khilemu thimove nani; kughengu panongu ye kungumi toive nani. Panongu ye Alhou nuliqo ke, kughengu panongu ye xülethuve kemi nuliqo ke.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

John 16:3

Panongu no tipaphi kümlàqo shi nani kughengu panongu ye Apù momu ni mtha ke.

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

Rommi 5:8

Ikemu Alhou no hipau lono pa likhi paw kikimiye ningu lau pephe-piye ke: Ike tiye ningu no axinemi shi aphi lono Khristo no ningu ghenguno thive ke.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

Rommi 8:21

lhoqhipüa keqo pelo tsümave niye akeu kütsügha lono kuqhopheve no Alhou nuliqo juküvü gholo küsajelu pe nikeu ghenguno ke.

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Galatiami 3:29

Nongu no Khristo laumi aye, nongu ye Abraham kughukoqo ke, eno Alhou no piqhipüa keu kiqi lono nongu ye amheghi ighílu nani.

Kolosiami 3:3

Kughengu nongu ye thivae, eno itehi nongu küxü ye Khristo gholo no Alhou no küsüpe qhivae.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

1 John 4:17

Ningu pelo küghakütha tsalà lo pülüqhiyilu penike ghenguno ningu gholo kikimiye ye hitoi kupukülailu cheni: Hipau yeghi lo ningu ye Jisü toi acheni ke.

Piyeküsü 21:7

Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.