1 John 2:5 - Sümi Tiqhelimi Bible

⁵ Ikemu khukhumu pa tsa ghokulu shi aye, Alhou kimiye chekeu ye kuchou no panongu vechewo shikupuvae. Hitoi shikeu vechewo ningu ye pa lolo ani kepi ithi cheni:

BAIBEL (BSI)

⁵ Ikemu khuno pa tsa papeluni keno timi tipau lolo kuchouno Alhou kimiyechekeu shikupulu ani. Ninguye Alhou gholo xukimelu akeu mutsuqheyi shilunikeuye hipauke:

Sumi Naga CL (Re-edited) Bible (BSI)

⁵ ikemu khunono Pa tsa peluni keno, kuchou no Alhou kikimiye ye pa launo kupukülailu cheni. Hipau vecheo ningu ye Alhou küdau ani kepi ithilu nani:

1 John 2:5 Mawu Ofanana

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

John 14:21

I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 15:5

“Ni ye atsaibo eno nongu ye alokaqo ke. Nongu no I gholo kimepe aye eno I no nongu gholo aye, nongu ye axathi kutomo pithí nani; I sümo kelo nongu ye kiumu shimlae.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

Rommi 8:1

Tighenguno Khristo Jisü’w shiluve kemi shou ye küghathabemo nani,

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

James 2:22

Pa küpülü eno pa kümlà küma ye kümtsa mülà küqha akeu nono ithulu ani, eno pa no kiu shi keno tipau no pa küpülü kupukülai tsüke.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

1 John 4:17

Ningu pelo küghakütha tsalà lo pülüqhiyilu penike ghenguno ningu gholo kikimiye ye hitoi kupukülailu cheni: Hipau yeghi lo ningu ye Jisü toi acheni ke.

1 John 4:18

Kikimiye lo akümsa kühae. Ikemu viwotolu keu kikimiye ye akümsa hapheve cheni, kughengu akümsa ye aghime tsü chekeu ke. Timi khuu no msà cheni keno pa ye kikimiye lono kupukülai mphie.

1 John 5:2

Ningu ye Alhou nuliqo kimiye cheni kepi ningu no hitoi ithi cheni: tiye Alhou kimiye keu eno pa zakütsüqo papelu keu vechewo no ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

2 John 1:6

Eno hino kikimiye ke: tiye ningu aghokulu shi pa zakütsüqo qholo xü nikeu ke. Nongu no abothu lono chiluve ketoi, pa zakütsü tiye nongu pelo kikimiye lono xüpe nikeu ke.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.