1 John 2:4 - Sümi Tiqhelimi Bible

⁴ Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

BAIBEL (BSI)

⁴ Timi khuno,”Niye pa ithitoi ani” ipi puzu pano ahza tsukeu papemoni keno pa ye kimkimi lakhie eno pa lolo kuchou kuhae.

Sumi Naga CL (Re-edited) Bible (BSI)

⁴ Khuu no “Ni ye Pa ithitoi ani” ipi ani kemu Pa zakütsü pemoni keno pa ye kimkimi, eno pa lolo kuchou kühae,

1 John 2:4 Mawu Ofanana

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Titus 1:10

Kughengu hebide chekemi kutomo ani, ameküha keu küküpütsa eno pishikiqhi no chhitoi akemi, tiye akhotoshi aphighüyiko-küghá mqo lo akemiqo ke.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

1 John 1:10

Tsalá ningu no axiné shichemo kepi pükha aye, ningu ye pa pesü kimkimi lakhi shive tsü ani eno pa tsa ye ningu lolo kühae.

1 John 1:6

Ningu no pa sasü kuposhu cheni ipi pükha aghí namu àküzǘ lo xü aye, ningu ye mikí ani eno kuchou shi xülu chemoe.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 2:9

Khukhumu aküvü lo ani kepi pükha püzü athiküzümi momu achelimi lakhi mithi aye àküzǘ lo aphie.

1 John 3:6

Pa gholo xüluve kemi ye axiné shiauve chemoe. Tamo no axiné shi ache kemi ye khunomu pa ithulu ke kumo no pa mtha aphie.

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.

1 John 4:7

Kimiye chekemi shompamiqo, ningu lakhi no lakhi kimiye kileni nolo, kughengu kikimiye ye Alhou lau no ighi cheni. Khunoqo no kimiye cheni keno panongu ye Alhou lau no ighike eno Alhou ithi akemi ke.