1 John 2:10 - Sümi Tiqhelimi Bible

¹⁰ Khukhumu panongu thiküzümi eno achelimi kimiye aye aküvü lo xü anie, eno tiye pano lolo panongu pelo küpüxalu pe kepu kiumu kühae.

BAIBEL (BSI)

¹⁰ Khunono pa thikuzumi kimiye cheni keno paye akuvulo acheni eno pa loloye timi pelo kupuxalukepu kuhae.

Sumi Naga CL (Re-edited) Bible (BSI)

¹⁰ Khunono pa thiküzümi kimiye cheni keno pa ye aküvü lo acheni eno pa lau ye küpxalu kepu kühae.

1 John 2:10 Mawu Ofanana

MATTHEW 13:21

Ikemu panongu ye akuhu qüsümo kehu, ado ikhonhei likhi xü cheni. Kughou atsakiviu ghenguno aküpüna eno pishi-puju keu ighini keno, panongu ye paikhavi ikiqive cheni.

MATTHEW 18:7

Ayeghiqha ghengu ahaküsapue! Kughengu ayeghiqha’w thimeqo no timiqo pelo axiné lo ilove pe cheni ke. Hitoi keu ye ighi anani ke, ikemu timi khuu vechewo tipaqo ighini keno ahaküsapue.

John 11:9

Jisü no khochile, “Ayì kihedo chighikini atsala vü acheni ke kumo keshea? Khukhumu atsala küvü lo cheche kemi ye küpüxalumo nani, kughengu panongu ye ayeghi hipau küvü vechewo ithulu cheni.

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

John 8:31

Jisü no pa pülüluve kemi Jewmiqo vilo ishi pi, “Nongu no I kükütsü papelu aye nongu ye kuchou no I khopemiqo ke.

Rommi 14:13

Tighenguno ningu lakhi no lakhi shou küghathabe chekeu taveni nolo. Tishini ke züqhulo athiküzümi momu achelimi pelo axiné lo ikiqive pemo nikeu momu shokukho kepu kiumu qhitsümo nikeu küxü xü nikeu xakütha shilulo.

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

1 John 2:11

Ikemu khukhumu athiküzümi momu achelimi lakhi mithi aye àküzǘ lo ani eno àküzǘ lo xü anike. Panongu ye khilau wucheni keno mtha ke, kughengu àküzǘ no panongu nhethi kighicheve tsü ake.

1 John 3:14

Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.