1 John 2:1 - Sümi Tiqhelimi Bible

¹ I no kimiye chekemi anuliqo, I no nongu lau hipau yè akeu ye nongu pelo axiné shipemo niye ke. Ikemu tsalá khukhumu axiné shi aye, ningu ye Apù gholo Shikumtokütsüu lakhi ani—tiye Jisü Khristo, Amikuchou Lakhi hu ke.

BAIBEL (BSI)

¹ Itianuliqo,ino hipau nongu lau yepuwu ani, tishianguno nongu pelo axine shipemo niyeke, ikemu nongu gholo khualano axine shiaye, Apu vilo nizuqhushi qhuinijutsu nikemi milakhi ani, pa ye amikuchou Jisu Khristo ke.

Sumi Naga CL (Re-edited) Bible (BSI)

¹ I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 2:1 Mawu Ofanana

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 10:15

tiye I pù no ni ithi eno I no I pù ithi akeu toi ke—eno I no ambeqo ghenguno I küxü tsüve cheni.

John 13:33

“I nuliqo, ni ye ado kitila likhi nongu gholo ananie. Nongu no I phuju nani, eno I no Jewmiqo vilo pike toi, itehi I no nongu vilo piani; I no khile wucheni keno, nongu ye ighi müla nanie.

John 14:16

I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 21:5

Jisü no panongu vilo pi, “Aküsàmiqo, nongu ye akha lakhimu khalu mphi keshea?” “Khalu mphie,” ipi panongu no khochile.

John 5:14

Ado hami thiu Jisü no achineki lo pa ithulu no pa vilo ishi pi, “Julo, no ye viluvae. Axiné shi kevilo tishimo aye alhoküsa hinguno aküsàu O shou ikughi nosake.”

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 8:11

Li no pi, “Akijeu, khunomu tishimoe.” Ikelo Jisü no ishi ipi, “Tishiaye ni ghí O pipütha amoe. Wulo eno axiné shikithe kevilo.”

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 6:15

Tishiaye ningu ye kiu pìní kea? Ningu ye ayeza qholo kumo no küpükini qholo anike ghenguno axiné shi aní keshea? Khilemu tishimoe!

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

1 Kor. 15:34

Nongu no shi moayesa keu toi nongu ye alopütsü kithe luvelo, eno axiné shiauve kevilo; kughengu I no hi piakeu lo nongu shikukujove ani kemu nongu gholo Alhou mtha-mithe kemi khami anike.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 4:19

I no kimiye chekemi anuliqo, nongu lolo Khristo gholuvemo ke kutólo ni ye apunu küsǜ sǜ akeshi nongu ghenguno itaghi sǜ anie,

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

Ephesiami 4:26

“Amloide namu axiné shi kevilo”: Atsala kupuju amloide auve kevilo.

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

1 Tim. 3:14

Ni ye nongu lau pai ighi niye laju ani kemu I no nongu lau shikakütsü hipaqo yè akeu ye

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

James 3:9

Amili vechewo ningu no ningu Mpeu eno Apù sheqhe cheni, eno amili tipau pesü ningu no Alhou julho lono lhosüpüa kemi timiqo ghusho cheni.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

1 John 3:7

Kimiye chekemi anuliqo, khuu pelomu nongu saküghüzü pe kevilo. Khukhumu kiu achipi keno tipau shi chekemi ye amikucho ke, kughengu pa ye amikucho ke.

1 John 4:4

Kimiye chekemi anuliqo, nongu ye Alhou lau no ighike eno kichileu tungkupumiqo theqhiluvea ke, kughengu nongu lolo akeu ye ayeghiqha lo küau nguno akijeu ke.

1 John 5:17

Achipikumo shikeu kümtsü axiné ke, eno akithipu lo sawu chemo keu xiné acheni.

1 John 5:21

Kimiye chekemi anuliqo, thime khipaqo no Alhou theli lo nongu mlo lo ngo luvi keno tipaqo lau putosü pe achelo.

3 John 1:4

Ni ye I nuliqo no kuchou lo xüani ipikeu sütsa chilu keu lokiqi nguno akijeu kühae.