1 John 1:9 - Sümi Tiqhelimi Bible

⁹ Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

BAIBEL (BSI)

⁹ Ikemu ninguno nixineqo Alhou vilo pipheluaye, paye pukhukulupu eno achipiu shi cheni, pano nixineqo pevetsu nani eno alhoksa kumla kumtsu launo nishikimthe nani.

Sumi Naga CL (Re-edited) Bible (BSI)

⁹ Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

1 John 1:9 Mawu Ofanana

MATTHEW 3:6

Panongu no pütüta xinéqo piphe püzü John no Jordan Ghoki lono panongu baptiz shitsüe.

Mark 1:5

Tishikehu Judea qha kümtsü lo eno Jerusalem lo timiqo kümtsü no pa lau ighie. Panongu no pütüta xinéqo piphe püzü John no Jordan Ghoki lono panongu baptiz shitsüe.

Luke 22:57

Ikemu Peter no li lachile ghi pi, “Totimio, ni ye pa mthae.”

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

Apostolmi 19:18

Khunoqo anileshi pülüluve keno kutomo no ighi püzü panongu no kiu mülà che keno aqha zülo no piphe.

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

1 Kor. 1:9

Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

1 Tim. 1:15

Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 10:23

Ningu ye khilemu iqemo no ningu no piche keu lajupu tsüqüpeni nolo, kughengu Alhou ye pa no piqhipüa keu lo pükhükulu shi cheni ke.

IBRIMI 11:11

Eno aküpülü vechewo Sarah ghí angá mishílu nikeu mpe vecheve kethiu ghí angá mishí kulupu shilu pe ke, kughengu li ye khuu no pikiqhi shipüa keno pa ye pülübekulu kepi ithi cheke.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.