1 John 1:6 - Sümi Tiqhelimi Bible

⁶ Ningu no pa sasü kuposhu cheni ipi pükha aghí namu àküzǘ lo xü aye, ningu ye mikí ani eno kuchou shi xülu chemoe.

BAIBEL (BSI)

⁶ Tishiaye, ninguno akuzulo cheche pulaghi ninguye pa gholo kuposhulu ani kepi aye, ninguye miki ani eno kuchou kiqi lono xuchemoe.

Sumi Naga CL (Re-edited) Bible (BSI)

⁶ Tsala nino aküzü lo cheche pülaghi ningu ye Pa gholo kuposhu chenie pi aye, ningu ye miki ani eno kuchou pesü xüchemoe.

1 John 1:6 Mawu Ofanana

MATTHEW 7:22

Küghakütha tsalà lo timi kutomo no I vilo, ‘Ampeu, Ampeu, ningu ye O je lono tungkuptsa pi eno O je lono tüghaküsaqo haphe eno O je lono akümzapu kümlàqo kutomo shiche ke kumo keshea?’ ipi nani.

John 11:10

Ikemu kughou timi no putho lono alà cheni keno panongu no küpüxalu cheni, kughengu pano ye aküvü küha ke.”

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

John 12:46

I pülü kemiqo pelo àküzǘ lo ngo pemo nike ghenguno ni ye aküvü lakhi shi püzü ayeghi lo ighivae.

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

John 8:55

Nongu no pa mtha aghimu, ni ye pa ithi anie. Tsalá I no pa mtha ipi aghí aye, ni ye nongu toi akimikimi lakhi shini ake, ikemu ni ye pa ithi ani eno pa tsa lucheni ke.

1 Tim. 4:2

Shiküka hitoi keqo ye kühakügha kimkimiqo lau no ighi cheni. Panongu lolo kighithi ye ayì külǘ no pitive keu toivae.

James 2:14

I thiküzümi eno I chelimiqo, tsalá timi khami no aküpülü ani kepi pükha anamu akümlàqo küha aye tiye kiu akivi ani kea? Aküpülü titoi keu ye panongu xalu nani keshea?

James 2:16

Tsalá nongu lakhi no panongu vilo, “Aloino ghi wolo; lüvüi ngo alo eno aloshi chu-sho alo,” ipi kemu panongu küxü lo avehupu shi akeu kiumu tsümo aye, tiye kiu alá ani kea?

James 2:18

Ikemu timi khami ye ishi pi nani, “Nono aküpülü ani; I no akümlà ani.” Akümlàqo sümo no O küpülü I piyeju lo, eno I no I kümlàqo vechewo I küpülü O pìye nani.

1 John 1:10

Tsalá ningu no axiné shichemo kepi pükha aye, ningu ye pa pesü kimkimi lakhi shive tsü ani eno pa tsa ye ningu lolo kühae.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

1 John 2:4

Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.