Taitasi 3:13 - Panake Pi La: Ula: Buka pita: Kine Pieke Buka

¹³ Mo Kapomanina꞉ pi ula꞉eki tikitiki yao hala꞉ hali Senasi make mo hande Apolosi kota꞉ hali yaapo ipilika꞉ pi walo polo pelepeeki kini pina꞉ nakana꞉ma꞉ epeke tamba꞉ muluekema꞉ taapa꞉peke. Ipilika꞉ mea polo pelepe ale manuta꞉ ana꞉na꞉ mea wilipipe laa handa꞉ handa꞉peke.

Taitasi 3:13 Mawu Ofanana

Ma꞉tiu 22:35

Kutupata꞉ mo Lo Pi walo hayeke hali homekema꞉ Yesu tamuluekema꞉ta꞉ pi dupa lota꞉ piekeme.

Luku 10:25

Mo Lo Pi walo hayeke hali homekema꞉ Yesu tamuluekema꞉ la handolo alota꞉ Disao. Deto hala꞉eki muluekema꞉ eki pionope laa lota꞉ piekeme.

Luku 11:45

Koto leeke mo Lo Pi walo haemeke hali ma꞉nda꞉ma꞉ Yesu pa꞉ta꞉ alota꞉ Disao. Nakana꞉ma꞉ kutupiki pi ale ekima꞉ta꞉ niki manda꞉ meake nono piteleme leekeme.

Luku 11:52

Mo Lo Pi walo haleme haliweki ika꞉ hoke yenki tiekena꞉ I̱ paala꞉e. Ikana꞉ma꞉ta꞉ mo hande hone wotu mia꞉peke da pota꞉na꞉ kita꞉ ika꞉ wia halemepate koneta꞉ ika꞉ kone na honda꞉ pambeketa꞉ mo honda꞉ pambuluekema꞉ taapeleme wanda꞉halita꞉ sa꞉sa꞉ pu halememe leekeme.

Luku 14:3

Kutu pieke Yesuma꞉ mo hande Lo Pi walo haemeke haliweki make mo mandane Pa꞉tisi haliweki pa꞉ta꞉ make lota꞉ pitolo hata꞉ alota꞉ Nika꞉ hande Lo Pi ula꞉eki manuma꞉ta꞉ hoto pila꞉ nate nina꞉ wanda꞉hali mea epeamonota꞉ waleke ku hala꞉pe o dia꞉ ya꞉la꞉pe leekeme.

Luku 7:30

Pate mo Pa꞉tisi haliweki pita꞉ Lo Pi walo haemeke haliwekima꞉ta꞉ Koda꞉ma꞉ iki pa꞉ta꞉ hone pa꞉la꞉eki manuta꞉ kiaasota꞉ Dionima꞉ iki bapitaisi peaapa꞉na꞉yeke kiaemekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 18:24

Diu hali ma꞉nda꞉ Apolosita꞉ A꞉lekesa꞉ndia da hali mo Epesese da pa꞉ta꞉ epeekeme. Ipikita꞉ Baibolo buka pi hone wotu wia pi wotu yoka la꞉tiki pieke halie.

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

Aposolo 21:5

Koto lemepate nikita꞉ koto da pa꞉ta꞉ iki ame̱le̱ haoma꞉ di paeyeketa꞉ iki mina꞉pa꞉lao poma꞉me. Koto haliweki paeyaoma꞉ ika꞉ weki wanda꞉ paeyao ame̱le̱ make daoni nane niki hatuku tapaalo epememe. Kutupa niki paeyaoma꞉ koto dawala ikali tea꞉na꞉ tumiki yotuao pita꞉ yeni puma꞉me.

Aposolo 28:10

Niki pa꞉ta꞉ ala꞉ta꞉ ala꞉ta꞉ wopu kiaata꞉ kutupa palai kawaso ma꞉nda꞉na꞉ paa poluekema꞉ hamono nika꞉ mea pua꞉peke yea꞉ alemanu kimime.

Loma꞉ 15:24

ame ipulueke laa hone pa꞉la꞉me. I̱ta꞉ Sipeini kenke nane yapuluekema꞉ yopuluta꞉ titina꞉ amba꞉la iki handuluekema꞉ hone pa꞉la꞉me. Iki ame̱le̱ hosiki a꞉pa haota꞉ pa mo Sipeini kenke nane poa꞉ka꞉na꞉ta꞉ kota꞉ ikana꞉ma꞉ I̱ tamba꞉ mimika꞉na꞉ta꞉ epelieke hone witolome.

1 Kotindi 16:11

Kutupa hali homeke a꞉nda꞉ma꞉ ipiki pa꞉ta꞉ honditi hone na wia꞉pa꞉peke. Ikana꞉ma꞉ ipiki I̱ pa꞉ta꞉ epena꞉ alo hata꞉ ta꞉na꞉ma꞉ homolo hata꞉ tapaapa꞉peke. Ipikana꞉ma꞉ mandane Ketiso yankeketiti ame̱le̱ do ane epena꞉yeke handeteke halome.

1 Kotindi 16:12

I̱ma꞉ nika꞉ kame Apolosita꞉ mo mandane kametiti ame̱le̱ iki handolo pena꞉yeke hoto eleke eleke sutiaatiki pua꞉pate pa ipika꞉ honema꞉ta꞉ ame do kone a̱i̱ handolo pua꞉peke na ya꞉la꞉me. Wetepena꞉ nate ana꞉ pia꞉ka꞉na꞉ta꞉ iki handolo pelieke.