Taitasi 3:11 - Panake Pi La: Ula: Buka pita: Kine Pieke Buka

¹¹ Naka꞉ handeleme. Kutu piki hau pita꞉la꞉ someta꞉ ipika꞉ hoke hau manuma꞉ kone mea hoeyao keaasa꞉me.

Taitasi 3:11 Mawu Ofanana

Luku 19:22

Hande kinima꞉ mo halina꞉ pi hombo peaaso alota꞉ Neketa꞉ hoke e pokao hale halie. Naka꞉ ale pima꞉ kone naka꞉ hoke hau peleeki peneme yaalueke. Naka꞉ honema꞉ta꞉ I̱ta꞉ taka꞉lake hali haloma꞉ hone ta wika꞉ta꞉me. I̱ma꞉ na nokopekeeki no halo make na tandelekeeki tulu no halome hone witele yekea.

Luku 7:30

Pate mo Pa꞉tisi haliweki pita꞉ Lo Pi walo haemeke haliwekima꞉ta꞉ Koda꞉ma꞉ iki pa꞉ta꞉ hone pa꞉la꞉eki manuta꞉ kiaasota꞉ Dionima꞉ iki bapitaisi peaapa꞉na꞉yeke kiaemekeme.

Dioni 3:18

Kutupa hali epima꞉ mo hande Weki pa꞉ta꞉ hone tulao haya꞉ka꞉na꞉ta꞉ pi yokaalu pilieeki pa꞉ta꞉ na pelieke. Pate hali epima꞉ hone na tulao haya꞉ka꞉na꞉ta꞉ hande pi yokaalu pilie natena꞉ Koda꞉na꞉ Weki homeke pa꞉ta꞉ hone na tulao hayeke ekina꞉ ipikana꞉ma꞉ wini pea꞉peke na ya꞉la꞉me.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

Aposolo 23:25

Koto laata꞉ mo ami you halima꞉ tameiya꞉ homeke dupa wape piekeme.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

2 Timodi 2:14

Do ekita꞉ naka꞉ wanda꞉hali hone u tiaaso hata꞉ la halo hapeke. Kutu pika꞉na꞉ta꞉ kota꞉ Koda꞉na꞉ leke popelekena꞉ iki kinki pitolo hata꞉ta꞉ dupa lapeke. Ikana꞉ma꞉ mo pi teke manuna꞉ tekena꞉ta꞉ pi yokaalu alu pu ape ape na lapa꞉peke lapeke. Kutu piki hauma꞉ta꞉ ma꞉nda꞉ na tamba꞉ mulu pa꞉la꞉pate mo opilimi wanda꞉hali pa꞉ta꞉ta꞉ paa hoeyaasa꞉eki homeke wilieke.

Taitasi 1:11

Kutupiki yala꞉ mea꞉peke haumanu piteleme hauta꞉ pa yanaaso hata꞉ wanda꞉halina꞉ manimanu muluekema꞉ pitelememe. Mo wala꞉peke na yeke pimanu walemeke ekima꞉ta꞉ mandane haliwekina꞉ hone make ika꞉ wekiwanda꞉na꞉ hone make u hoeyaena꞉ lo halememe. Kutu paama꞉na꞉ ika꞉ lo haleme pimanu sa꞉sa꞉ pea꞉peke.

Taitasi 1:14

Koto ekina꞉ta꞉ ikana꞉ma꞉ mo hande Diu wanda꞉halina꞉ pa pimanu make o ota꞉ pi na opiki haliwekina꞉ pi ula꞉ ekimanu make ipua teliaama꞉na꞉ kutu puelena꞉e.

Hibulu 10:26

Nikana꞉ma꞉ mo Koda꞉na꞉ ota꞉ pi opua hone witolo hata꞉ kone hoke hau pa pua꞉tiki pu haoma꞉ka꞉na꞉ta꞉ kota꞉ koto hoke hau paeyawaena꞉ hala꞉peke we ma꞉nda꞉ dia꞉ ya꞉la꞉pate