Taitasi 2:12 - Panake Pi La: Ula: Buka pita: Kine Pieke Buka

¹² Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Taitasi 2:12 Mawu Ofanana

Ma꞉tiu 12:32

Mandali epita꞉ mo Wanda꞉halina꞉ Eiyekena꞉ biki pa꞉ta꞉ pi lea꞉ka꞉na꞉ta꞉ kota꞉ koto hoke pi aleme ekita꞉ Koda꞉ma꞉ ana꞉na꞉ paeyaapeke ya꞉la꞉pate pa mo Holi Sipitidi hoeyaaluekema꞉ pi ma꞉nda꞉ lea꞉ka꞉na꞉ta꞉ kota꞉ ipika꞉ ekita꞉ Koda꞉ma꞉ ame do make wetepe make ota꞉ na paeyawalieke.

Ma꞉tiu 16:24

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Luku 1:6

Mo wanda꞉ hali yaapota꞉ Koda꞉na꞉ leke popelekena꞉ tikitiki yao hata꞉ ipika꞉ pi ula꞉ ekimanu paeyao opu haepekeme.

Luku 1:75

yaka e pokao hata꞉ yako piki wanda꞉hali make tikitiki yao haleme wanda꞉hali make I̱ pa꞉ta꞉ bapi paeyao koto tupa꞉ hamena꞉yeke ika꞉ a꞉nda꞉ tunkuliki haliwekima꞉ iki bepolaapa꞉na꞉ I̱ma꞉ iki tamba꞉ mulueke laa pi la꞉ wiekeme leekeme.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Dioni 6:25

Mo wanda꞉halima꞉ta꞉ Yesuta꞉ mo hande tunkula꞉pa pitieke ikali mone tea꞉na꞉ hayekeeki handaata꞉ ipiki pa꞉ta꞉ alota꞉ Disao. Do pa꞉ta꞉ handima꞉ a꞉pa pipe lemekeme.

Aposolo 24:16

Kutu pulu pa꞉la꞉ ekina꞉ I̱ma꞉ta꞉ nate paeyao Koda꞉na꞉ leke minekena꞉ hata꞉ make wanda꞉halina꞉ leke minekena꞉ hata꞉ make yaka pu halo hau pa꞉ta꞉ hokeeki ma꞉nda꞉ taapa꞉paapa꞉na꞉ hone wotu wia hao halome.

Aposolo 24:25

tikitiki hau pita꞉la꞉eki hone tulaasa꞉ pi teke la halolo kone ana꞉na꞉ handeteke hala꞉eki pa꞉ta꞉ make Koda꞉ma꞉ wanda꞉hali paeyao pa꞉ta꞉ pi yokaalu pulu pa꞉la꞉eki pa꞉ta꞉ make kutupiki pi leekepate Pilikisima꞉ paala꞉ma꞉ homolo hata꞉ alota꞉ Ameta꞉ pue laa Nate ma꞉nda꞉na꞉ waleke wia꞉ka꞉na꞉ta꞉ epoelena꞉ paa wi loluekema꞉ ameta꞉ pue leekeme.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

Loma꞉ 6:19

Ika꞉ hone a̱i̱ na tikitiki yao wimi ekina꞉ I̱ma꞉ da wanda꞉halima꞉ lo haleme tupa꞉ alome. Amba꞉ ikita꞉ hoke hoke haumanu paeyao puluekema꞉ pa hameke e pokaaseme wanda꞉hali leke hata꞉ suseke haasa꞉ haumanu make hoke haumanu make ika꞉ hone wia wenoko tikitikina꞉ mea wia hata꞉ pu haemekeme. Koto tupa꞉ kone ame ikita꞉ yakopiki haumanu puluekema꞉ yeke koto hauna꞉ e pa hameke pokaaseme wanda꞉hali leke hata꞉ tikitiki haumanu ika꞉ hone wia wenoko tikitikina꞉ mea wia hata꞉ pu hapa꞉peke ya꞉la꞉me.

Loma꞉ 8:13

Ikana꞉ma꞉ ika꞉ lokena꞉ hone pa꞉la꞉ ekimanu pea꞉tiki pu haemeka꞉na꞉ta꞉ ota꞉ homilimikie. Kutu pulu pelemepate Sipitidi ipika꞉ wele pita꞉la꞉ ekina꞉ ikana꞉ma꞉ ika꞉ lokema꞉ hoke hau piteleme ekimanu lu homaemeka꞉na꞉ta꞉ kota꞉ iki da꞉ta halimikie.

2 Kotindi 1:12

Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Kolosi 1:22

Pate ameta꞉ ipika꞉ Eiyeke kenke hali tupa꞉ homa꞉la꞉ ekima꞉ta꞉ Koda꞉ma꞉ ikita꞉ ipika꞉ yankeke tonu hamena꞉ la꞉la꞉me. Ikita꞉ ipika꞉ leke popelekena꞉ eki a꞉nda꞉ na piki wanda꞉hali leke hake peao yako pealuekema꞉ pa꞉la꞉me.

1 Desalonaika 4:7

Nikita꞉ suseke haasa꞉ hau peomono Koda꞉ma꞉ wi na lea꞉pate yakopiki hauna꞉ hamono wi lea꞉me.

1 Desalonaika 4:9

Ika꞉ Ketiso yankeketiti pa꞉ta꞉ pukima꞉ homolo peleme ekina꞉ I̱ma꞉ wape ma꞉nda꞉ na pitolome. Pa ekipeke. Do hau pulu pimi ekita꞉ Koda꞉ma꞉ iki pa꞉ta꞉ amba꞉ walea꞉me.

1 Timodi 4:12

Wanda꞉halima꞉ neke wekihali hale ekina꞉ handolo hata꞉ ipikita꞉ pa wekie laama꞉na꞉ nakana꞉ma꞉ ota꞉ Ketiso hau moka꞉la꞉ tiaapeke. Koto puluekema꞉ta꞉ naka꞉ pilipi hauma꞉ make naka꞉ lelipi pima꞉ make naka꞉ pukima꞉ homilipi ekima꞉ make naka꞉ hone tulalipi ekima꞉ make naka꞉ tikitiki piki hauma꞉ make koto hau paeyaota꞉ mo pi mineleme wanda꞉halima꞉ ota꞉ handena꞉ lapeke.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

1 Timodi 6:9

Mo hamoko haluekema꞉ hone pa꞉la꞉ wanda꞉halita꞉ ne wiaasa꞉eki muluekema꞉ pea꞉ka꞉na꞉ta꞉ ka꞉pei leke hondalieke. Ika꞉ hone wopu na wiki hoeyaapeke ya꞉la꞉ hoke hone manuma꞉ iki yola꞉ mea lopao ota꞉ hoeyaalieke.

2 Timodi 3:12

Aowe. Koto tupa꞉ kone mandane wanda꞉hali epima꞉ Ketiso Yesu pa꞉ta꞉ ta꞉ma꞉ni pea hata꞉ Koda꞉na꞉ pi tolu haemeka꞉na꞉ta꞉ kota꞉ iki pa꞉ta꞉ta꞉ mandane haliwekima꞉ mo hoeya꞉ hapu lu yombua꞉la꞉ haumanu pilimikie.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Hibulu 8:11

Koto nate nina꞉ta꞉ hali ma꞉nda꞉ma꞉ ipika꞉ da haliweki pa꞉ta꞉ make o ipika꞉ ateke hameke tonu pa꞉ta꞉ make pi walolo hata꞉ alo alota꞉ Tekehali hone wipee pi na lelieke. Pa ekipeke. I̱ta꞉ ota꞉ mo natehali wanda꞉halina꞉ kini pea pua ota꞉ hamoko tieke hala꞉ wanda꞉hali paeyao sikima꞉ta꞉ I̱ ana꞉na꞉ hone wilimikie.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.

2 Pida 3:11

Do ala꞉ta꞉ ala꞉ta꞉ paeyao dupa hoeyaalo pa꞉la꞉eki ya꞉leke loa꞉ma꞉ ikita꞉ ekipiki wanda꞉hali hapa꞉peke ya꞉la꞉pe. Ikana꞉ma꞉ta꞉ Koda꞉na꞉ Nate epolo pa꞉la꞉ dita꞉ honema꞉ kimaaso hata꞉ a̱i̱ epena꞉e laa honkopu hao hapa꞉peke. Kutu pitolota꞉ ika꞉ haleme ekita꞉ yako pina꞉ laa Koda꞉na꞉ hau leke pu hapa꞉peke ya꞉la꞉me. Koto dina꞉ta꞉ mo yata꞉ ta꞉ta꞉ pao hoeyao mo yana꞉ hala꞉ ale manuta꞉ mo titipuma꞉ taa o̱ la꞉ palieke.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.

Peneme Yaeyekeeki 14:12

Koto ya꞉leke handaa mo Koda꞉na꞉ pi ula꞉ ekimanu opua Yesu pa꞉ta꞉ kima꞉ na homeke hone tulao hala꞉ wanda꞉hali lopaama꞉na꞉yeke ika꞉ pa pina꞉e laa yu wia hala꞉ ekita꞉ ana꞉na꞉ pilieke.