Taitasi 2:10 - Panake Pi La: Ula: Buka pita: Kine Pieke Buka

¹⁰ mo ika꞉ ala꞉ta꞉ ala꞉ta꞉ make pake na napa꞉peke. Kotoeki na pikita꞉ ki na hake epeke e poka꞉la꞉ hali hala꞉me hone wina꞉ ika꞉ e pokeleme ekima꞉ lena꞉ lapa꞉peke. Dupiki haumanu pimika꞉na꞉ta꞉ koto ika꞉ hau paeyaoma꞉ta꞉ nika꞉ Da꞉taasa꞉ Koda꞉na꞉ mana꞉ pimanu yeiya꞉ la walieke.

Taitasi 2:10 Mawu Ofanana

Ma꞉tiu 24:45

Hande hone wopu wia pi wopu opua epeke e poko hala꞉ someta꞉ epiyekea. Kutu piki halita꞉ mo e teke halima꞉ ipika꞉ e pokaaseme mandane haliweki handeteke hawaaso hata꞉ ika꞉ nemanu ota꞉ epeke tupa꞉ hala꞉tiki pina꞉ mea halieke.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Luku 1:47

I̱ Mea Da꞉taasa꞉ Hali Koda꞉ma꞉ta꞉ I̱ta꞉ ipika꞉ e pokaaso wanda꞉siki pa꞉ta꞉ kone hone ula꞉ ekina꞉ yaka temokoma꞉ta꞉ ta꞉na꞉ma꞉ homa꞉la꞉me.

Luku 1:80

Kutupa mo wekita꞉ epeke tupa꞉ daeyaata꞉ ipika꞉ temoko make daeyatia pulu hata꞉ mo Isulai wanda꞉halina꞉ leke popelekena꞉ haluekema꞉ handeteke hata꞉ mo hapu hayeke alena꞉ hao hayekeme.

Luku 16:10

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

Dioni 12:6

Do leeke pita꞉ nate hali wanda꞉hali pa꞉ta꞉ a꞉ta꞉ma꞉ homolo na leke pake hali hata꞉ leekeme. Mani pausata꞉ ipikana꞉ma꞉ miniki hata꞉ mea pomiekepate ipika꞉ hone wia yoka꞉ mea꞉tiki piekeme.

1 Kotindi 4:2

Mo e poka꞉la꞉ haliweki paeyao pa꞉ta꞉ta꞉ hau pitelemeeki homeke homeke weiyu haleme ekita꞉ dupa. Ika꞉ teke halina꞉ pita꞉ na tunkuliki ipikana꞉ma꞉ ala꞉eki paeyao opua piteleme ekina꞉ weiyu halememe.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Pilipai 1:27

Ketisona꞉ Pi Seliapoma꞉ puemena꞉ wala꞉la꞉ tupa꞉ pu haleme hauta꞉ ota꞉ tumiki haue. Kutu pilimipate I̱ epoa꞉ka꞉na꞉ make o pa ika꞉ pilimi hauna꞉ pi lalimieki opua꞉ka꞉na꞉ make kota꞉ ikita꞉ taka꞉lao haemeka꞉ta꞉me hone ulueke. Kutupa mo wanda꞉halima꞉ Ketisona꞉ Pi Seliapo pa꞉ta꞉ hone tulaena꞉ ikana꞉ma꞉ ota꞉ homeke hone wia hata꞉ tamba꞉ mualualu pu haemeka꞉ta꞉me hone ulueke.

Pilipai 4:8

Ya yankeke tonuo. Ya paeyaaso pita꞉ dupa alome. Ika꞉ honema꞉ mo epeke hau pita꞉la꞉ haumanu make mo yeiya꞉ lapeke ya꞉la꞉ haumanu make kota꞉ haumanu homeke hone u moneao hapa꞉peke. Dupiki hauna꞉ loa꞉me. Ota꞉ hau pita꞉la꞉eki leke tendepiki hau pita꞉la꞉eki tikitiki hau pita꞉la꞉eki aleta꞉ ma꞉nda꞉ na ta̱leke hau pita꞉la꞉eki hau seliapo seliapo pita꞉la꞉eki yole hau pita꞉la꞉ ekimanu make koto haumanu paeyao homeke hone u hamena꞉ alome.

1 Timodi 1:1

Polo I̱ta꞉ mo Ketiso Yesuna꞉ aposolo hali halome. Nika꞉ da꞉taasa꞉ Koda꞉ma꞉ make mo epena꞉ yu wia haloma꞉ Ketiso Yesu yaapoma꞉ do e pokono lelepeme.

1 Timodi 5:17

Ika꞉ you haliwekima꞉ wanda꞉hali handeteke hata꞉ e epeke tupa꞉ pokemeka꞉na꞉ta꞉ ika꞉ biki a꞉meiyaaso yenki ana꞉na꞉ haka꞉ta꞉pao mina꞉e hone wia꞉peke ya꞉la꞉me. Mo pi wala꞉pekeeki o mana꞉ moka꞉la꞉ tiaaso hata꞉ ota꞉ honkopu hao wopu pokemeka꞉na꞉ta꞉ kota꞉ kutu piki you haliweki pa꞉ta꞉ amba꞉la hone wia pea꞉peke.

1 Timodi 6:1

Mandane pa hameke e pokaaseme tapake ikana꞉ma꞉ ika꞉ you haliweki pa꞉ta꞉ hone witolo hata꞉ homu pea hapa꞉peke. Kutu pimika꞉na꞉ta꞉ kota꞉ mo pa haleme wanda꞉halima꞉ Koda꞉na꞉ biki pa꞉ta꞉ make nika꞉ aloma꞉ mana꞉ pimanu pa꞉ta꞉ make ikana꞉ma꞉ hoke pimanu na lelimikie.

1 Timodi 6:3

Ma꞉nda꞉ epima꞉ mo hande nika꞉ Tekehali Yesu Ketisona꞉ ota꞉ pi make mo nika꞉ hone tulao yeni pita꞉la꞉ hauna꞉ mana꞉ pimanu make kota꞉ waloma꞉ pi yaapo mandake na piki pa ta꞉ta꞉ piki mana꞉ pimanu a꞉pa walea꞉ka꞉na꞉ta꞉

Taitasi 1:3

Koto hoki naneta꞉ mo yapekeyeke nate opolo epeke pita꞉ma꞉ta꞉ mo koto deto hala꞉ ekita꞉ ipika꞉ pi walaasa꞉ haliwekima꞉ walemeke pima꞉ peneme yaeyekeme. Koto ka꞉la꞉ pita꞉ I̱ma꞉ walawano mo nika꞉ da꞉taasa꞉ Koda꞉ma꞉ peae la꞉leke walaasome.

Taitasi 3:4

Kutu puma꞉pate mo hande nika꞉ da꞉taasa꞉ Koda꞉na꞉ a꞉ta꞉ma꞉ homa꞉la꞉eki make pukima꞉ homa꞉la꞉eki make peneme yaalo epeke pita꞉ma꞉ta꞉

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 3:16

Koto pa꞉la꞉pate ikana꞉ma꞉ hombo peaemeka꞉na꞉ta꞉ epeke hone witolo hata꞉ homu pikima꞉ lapa꞉peke. Ika꞉ hone teke tikitiki yao hala꞉ tupa꞉ kone haena꞉ lo hapa꞉peke. Koto pimika꞉na꞉ta꞉ iki mo Ketisona꞉ hoki nane telia꞉la꞉ wanda꞉hali hata꞉ epeke hau pu halemeeki handata꞉ mo mandane wanda꞉halima꞉ do hauta꞉ hokeekie lemeka꞉na꞉ta꞉ wetepena꞉ koto leme ekina꞉ yaala꞉ma꞉ homena꞉ yeke ika꞉ hone teke tikitiki yao haena꞉ lapa꞉peke.

2 Dioni 1:9

Ma꞉nda꞉ epima꞉ Ketisoma꞉ waleekeeki pa꞉ta꞉ na hake pa ankulao mo pate leke pea꞉ka꞉na꞉ta꞉ kota꞉ Koda꞉ta꞉ koto some yaapo na hala꞉me. Pate epima꞉ mo wala꞉la꞉eki pa꞉ta꞉ haya꞉ka꞉na꞉ta꞉ kota꞉ Koda꞉ A꞉taala꞉ta꞉ koto some pa꞉ta꞉ halepeme.