Taitasi 1:5 - Panake Pi La: Ula: Buka pita: Kine Pieke Buka

⁵ Nakana꞉ma꞉ niki na puma꞉ ekimanu tikitiki yao epeaota꞉ mo siosi tapake handeteke halo peleme haliweki make mo daoni paeyao pa꞉ta꞉ haena꞉ lolena꞉yeke neke hae laa poma꞉me. Neke mo Kotiti ikali hoki tukikina꞉ mina꞉pa꞉lao poa꞉ ekita꞉ do ekina꞉ pua꞉me. I̱ma꞉ hande dupa pia꞉peke loa꞉ ekita꞉ hone wia꞉peke.

Taitasi 1:5 Mawu Ofanana

Aposolo 11:30

Koto ekina꞉ kotoeki peata꞉ oli siosi tondiki haliweki pa꞉ta꞉ Banabasi Solo yaapoma꞉ mea puaena꞉ laa tapaemekeme.

Aposolo 14:23

Polo Banabasi yaapoma꞉ mo siosi tapake handeteke haena꞉ tondiki haliweki tamba꞉ mipi peaata꞉ kutupa ne na neke yeni pitolo hata꞉ mo hande Koda꞉ pa꞉ta꞉ hone tulaasa꞉ wanda꞉hali Koda꞉ma꞉ handeteke haena꞉ lepekeme.

Aposolo 2:11

mo Kotiti A꞉teibia yaapo nane hao epoloma꞉ haliweki haloma꞉pateta꞉ Koda꞉ma꞉ hau tieke pa꞉la꞉ ekimanu mo haliwekima꞉ aleme ekita꞉ niki paeyaoma꞉ nika꞉ da pi ta꞉ta꞉ ta꞉ta꞉ piki pimanu kone opitoloma꞉me lemekeme.

Aposolo 27:12

Kutupa koto pa꞉ta꞉ kosa꞉ ki epea꞉ka꞉na꞉ hapeke na ya꞉la꞉me laa haliweki paeyaoma꞉ alota꞉ Dawala tukiki pa꞉ta꞉ pua mo Kotiti nane sisima u hayeke alena꞉ Pinikisi da pa꞉ta꞉ opolo poluma꞉pe mata꞉la꞉me laa lememe. Koto pa꞉ta꞉ hamono kosa꞉ ki epea꞉ka꞉na꞉ta꞉ ana꞉ pilieke laa lememe.

Aposolo 27:13

Kutupa po hosiki ipulu haena꞉ Ameta꞉ pua꞉peke ya꞉la꞉me hone wia mo a꞉nka yola꞉ mea a꞉meiyao mo Kotiti nepoko nanema꞉ poma꞉me.

Aposolo 27:21

Kutupa nate paeyao ne na nemeke handa Poloma꞉ta꞉ tiao iki pa꞉ta꞉ pua alota꞉ Haliwekio. I̱ma꞉ hande loa꞉ pi opua꞉pa꞉peke aleo. Kotiti nane na mina꞉pa꞉laemeka꞉na꞉ yoluta꞉ do ala꞉ta꞉ ala꞉ta꞉ la꞉tieke na hao weleke we puma꞉ ekita꞉ na pulu puma꞉me lea꞉me.

Aposolo 27:7

Nate mandaneeki manuna꞉ta꞉ yopusiki pua꞉tiki pea ka꞉nda꞉ taapuna꞉ mo Sinaidasi da pa꞉ta꞉ opolo poma꞉me. Kutupa mo po tilipu nika꞉ wenoko nanema꞉ ipulu hata꞉ sa꞉sa꞉ pieke handa mo Kotiti hoki oto pa꞉ta꞉ mo Sa꞉lomono da teke pa꞉ta꞉ poma꞉me.

1 Kotindi 11:34

Kutupa ika꞉ momba꞉la pita꞉ pu hoeyaasemeeki Koda꞉ma꞉ handaa iki pa꞉ta꞉ eki a꞉nda꞉ peaama꞉na꞉ mo tea꞉ma꞉ homa꞉la꞉ halima꞉ta꞉ ipika꞉ da pa꞉ta꞉ pita꞉ kone ne napeke alee. Kutupa mo hande mandane pea꞉pekeeki manuta꞉ I̱ a꞉pa hata꞉ tikitiki yalueke.

1 Kotindi 14:40

Kutupa ika꞉ pitelemeeki paeyaota꞉ tiki tiki yao hata꞉ epeke tupa꞉ pea꞉pa꞉peke.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

Kolosi 2:5

I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

1 Timodi 1:3

I̱ma꞉ mo hande Ma꞉sedonia nane pulu hata꞉ loa꞉ tupa꞉ ame make neketa꞉ mo Epesese nane pa hao hapeke alome. Koto pa꞉ta꞉ haleme mandane haliwekima꞉ iki makeaasa꞉ haumanu walo halemeeki na walepepee loelena꞉yeke loa꞉me.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

Taitasi 1:12

Ika꞉ Kotiti tapake hali homeke ma꞉nda꞉ma꞉ ipikita꞉ hone wopu wiki some hata꞉ mo ipika꞉ Kotiti tapake pa꞉ta꞉ ota꞉ pimanu dupa leekeme. Kotiti haliweki ikita꞉ hoto paeyao ya pi ombu lo halememe. Kutupa ikita꞉ hoke sayalema꞉ handa꞉ hata꞉ weleke pamba pita꞉ ne tieke naa soka꞉la꞉ pambeke some hombo hao halememe leekeme.