Pilipai 4:5 - Panake Pi La: Ula: Buka pita: Kine Pieke Buka

⁵ Wanda꞉hali paeyao pa꞉ta꞉ ika꞉ pilimi hau manuma꞉ta꞉ ika꞉ homu piki hau walo hapa꞉peke. Mo Tekehalita꞉ niki teke pa꞉ta꞉ hala꞉me.

Pilipai 4:5 Mawu Ofanana

Ma꞉tiu 6:25

Do ekina꞉ yeke iki pa꞉ta꞉ dupa la kitolome. I̱ homaama꞉na꞉ ikali ne aleke nolua꞉pe laa make ya yama꞉peke ale tonka꞉na꞉ ekipa mulua꞉pe laa ka꞉nda꞉ma꞉ na homo hapa꞉peke. Do ekina꞉yeke loa꞉me. Mo ika꞉ da꞉ta꞉la꞉ ekima꞉ta꞉ mo ne na lombei pu make o ika꞉ lokema꞉ta꞉ mo aka꞉manu ota꞉ na lombei pa꞉lekeyeke yekea.

Ma꞉tiu 6:34

Koto ekina꞉ta꞉ beliana꞉ ka꞉nda꞉ manuta꞉ ame kone na mia꞉pa꞉peke. Beliana꞉ ka꞉nda꞉na꞉ ka꞉nda꞉ta꞉ beliaeki ipika꞉ ale homekee. Mandane nate manuna꞉ ka꞉nda꞉ manuta꞉ ame do natena꞉ ka꞉nda꞉ taapuna꞉ apa꞉taapeke na ya꞉la꞉me.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

1 Kotindi 6:7

Ikana꞉ma꞉ pa iki kone pi yokaalu puluekema꞉ mea pulimieki manuta꞉ kota꞉ iki ota꞉ lopa halememe laa peneme yaasa꞉me. Mo iki hoeya꞉ pa꞉la꞉eki manuta꞉ pa wina꞉ paapa꞉peke alee. Kutupa mo pake nala꞉ ekimanu make pa wina꞉ paapa꞉peke alee.

1 Kotindi 8:13

Koto ekina꞉ yaka kamena꞉ ne nala꞉ ekima꞉ta꞉ ipiki hoke hau pina꞉ mea lopaapeke yea꞉ka꞉na꞉ta꞉ kota꞉ I̱ma꞉ mo mindiki ma꞉nda꞉siki hoto homeke a꞉nda꞉ ota꞉ na nolueke. Yaka kame lopaapa꞉na꞉yeke loa꞉me.

1 Kotindi 9:25

Anke taline̱li pulu pa꞉la꞉ halima꞉ta꞉ titina꞉ amba꞉la moka꞉la hande hande pitolo hata꞉ ipika꞉ lokena꞉ hone pa꞉la꞉ ekimanu homao taka꞉lao haena꞉yeke pita꞉la꞉me. Kutu piki halima꞉ta꞉ mo kukutu pea꞉peke yenki ale muluekema꞉ do haumanu pita꞉la꞉pate nikana꞉ma꞉ta꞉ ota꞉ kukutu na pea꞉peke yenki ale muluekema꞉ pitoloma꞉me.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Desalonaika 2:2

Ma꞉nda꞉ma꞉ Tekehalina꞉ ponka꞉ di pilu wia꞉ nate a꞉pa꞉la꞉me lea꞉ka꞉na꞉ta꞉ opua hone ti yoko pomoma꞉ a̱i̱ na homa꞉pa꞉peke. Ma꞉nda꞉ma꞉ Koda꞉ma꞉ aleke handa loa꞉me ala꞉ pi o ma꞉nda꞉ma꞉ pi walolo walea꞉ pi o ma꞉nda꞉ma꞉ alota꞉ Polo amedama꞉ do wapena꞉ leleme pi tupa꞉ leliepate

Taitasi 3:2

Ikana꞉ma꞉ ma꞉nda꞉ pa꞉ta꞉ hoke pimanu na leketa꞉ a꞉nda꞉ pelia ta꞉ma꞉ni pea hata꞉ hoto paeyaota꞉ paeyao pa꞉ta꞉ yopu a꞉ta꞉ma꞉ homolo hata꞉ hapa꞉peke lapeke.

Hibulu 10:25

Mo nika꞉ Ketiso kametonu ame̱le̱ mombolo haloma꞉eki manuta꞉ mandane wanda꞉halima꞉ mina꞉pa꞉lao haleme tupa꞉ nikana꞉ma꞉ na mina꞉pa꞉lamana꞉e. Kotoeki na pikita꞉ mo Tekehalina꞉ epolo pa꞉la꞉ nate teke pa꞉ta꞉ yoma꞉ a꞉pa꞉la꞉ ekina꞉ta꞉ nikana꞉ma꞉ nika꞉ nika꞉ kone hone utia alualu pumana꞉e.

Hibulu 10:37

Kutu pea꞉peke ekina꞉ta꞉ mo Baiboloma꞉ alota꞉ Pa hosiki siki yu wia hao wetepena꞉ta꞉ mo epolo pa꞉la꞉ hali opolo ipuluekema꞉ta꞉ hoi hoi na piki opolo ipilieke.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

Peneme Yaeyekeeki 22:20

Do wape pa꞉la꞉ pi manuta꞉ ota꞉ pie laa la꞉ wita꞉la꞉ somema꞉ alota꞉ Aowe. Ota꞉ a꞉pa꞉la꞉me. I̱ta꞉ teke pa꞉ta꞉ ipulume lea꞉me. Koto ekina꞉ta꞉ kutu pia꞉peke. Tekehali Yesuo. Epoe.

Peneme Yaeyekeeki 22:7

Yesuma꞉ alota꞉ Opie. I̱ta꞉ teke pa꞉ta꞉ ipulume. Do buka pa꞉ta꞉ ula꞉ wetepena꞉ pulu pa꞉la꞉ pimanu pa꞉ta꞉ opua pu haleme wanda꞉halita꞉ ta꞉na꞉ma꞉ homilimikie.