Pilipai 4:10 - Panake Pi La: Ula: Buka pita: Kine Pieke Buka

¹⁰ O I̱ma꞉ mo Tekehali pa꞉ta꞉ halo ekina꞉ta꞉ ta꞉na꞉ tiekema꞉ wopu homolome. Pa ekipeke. Mo nate eleke eleke wopu paeya꞉ hoki naneta꞉ ikana꞉ma꞉ I̱ pa꞉ta꞉ ika꞉ a꞉ta꞉ma꞉ homelemeeki paa waluekema꞉ pota꞉ handa꞉ wimika꞉ta꞉me. Ikana꞉ma꞉ I̱ hone yonka꞉laememe pi na alopate pa mo ika꞉ a꞉ta꞉ma꞉ homelemeeki wala꞉peke pota꞉ na handa꞉ witolo pia꞉ka꞉ta꞉me alome.

Pilipai 4:10 Mawu Ofanana

2 Kotindi 11:9

Kutupa iki ame̱le̱ haowa꞉ natena꞉ta꞉ I̱ mani dia꞉yeketa꞉ I̱ tamba꞉ mipe laa iki pa꞉ta꞉ ka꞉nda꞉ peaapeke honke na loa꞉me. Pa ekipeke mo Ma꞉sedonia nanema꞉ epeme kame tonuma꞉ I̱ dia꞉ya꞉la꞉ ale paeyao aneke mea a꞉paememe. Amba꞉ pua꞉ tupa꞉ wetepe nina꞉ make I̱ta꞉ iki ka꞉nda꞉ homaaluekema꞉ na taapulueke.

2 Kotindi 6:7

mo ota꞉ pi waloma꞉ ekima꞉ make Koda꞉na꞉ honkopuma꞉ make paeyaoma꞉ puma꞉me. Nikana꞉ma꞉ta꞉ nika꞉ tikitiki piki hau pita꞉la꞉ ekita꞉ mo a꞉nda꞉ pita꞉la꞉ kolepe a꞉ndeli pita꞉ hanka꞉ yaapoma꞉ handa꞉la꞉me.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Ka꞉leisia 6:6

Koda꞉na꞉ pi wala꞉la꞉eki opua mina꞉la꞉ somema꞉ ipika꞉ mina꞉la꞉ alemanu ipika꞉ wala꞉la꞉ hali yaapo putupa alu pia꞉pa꞉peke ya꞉la꞉me.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pilipai 1:3

Iki hone u moneaaso pita꞉ma꞉ paeyaota꞉ I̱ma꞉ Koda꞉ pa꞉ta꞉ ikina꞉ keiyae pi la꞉tiki pu halome.

Pilipai 2:30

Ketisona꞉ e pokaaluekema꞉ hone witolo hata꞉ta꞉ ipiki homaapa꞉na꞉ hone na wieke ekima꞉ ipikita꞉ tekepa꞉ta꞉ homeekepate piekeme. Kutupiki hauta꞉ ikana꞉ma꞉ I̱ tamba꞉ mea꞉pa꞉peke na ya꞉la꞉ ekita꞉ ipikana꞉ma꞉ pealuekema꞉ piekeme.