Pilipai 3:7 - Panake Pi La: Ula: Buka pita: Kine Pieke Buka

⁷ Koto pa꞉la꞉pate I̱ma꞉ Ketiso pa꞉ta꞉ hone tulaaluekema꞉ yeke mo hande ya biki wia꞉ alemanu paeyaota꞉ ameta꞉ pa alee hone ulume.

Pilipai 3:7 Mawu Ofanana

Kini Pieke 19:17

Kutupa mo enisolo ma꞉nda꞉ma꞉ alota꞉ Ota꞉ homa꞉la꞉eki weiya honkopu hao pototo laa pupe. Na handa꞉neake make mo hawetena꞉ na pua hando hapa꞉peke. Iki na lulu pa꞉la꞉ tupa꞉ oli pote pa꞉ta꞉manu pindipa pupe leekeme.

Kini Pieke 19:26

Pate Lodana꞉ weteketa꞉ paa la꞉ka꞉la꞉ handa꞉moneao hao ipikita꞉ epi punka au laa hayekeme.

Ma꞉tiu 16:26

Hali epima꞉ do kenke ala꞉ta꞉ ala꞉ta꞉ paeyao ipika꞉eki wina꞉ la halia꞉pate kone ipika꞉ da꞉ta꞉la꞉eki alupaeya꞉ka꞉na꞉ta꞉ kota꞉ epekeeki ma꞉nda꞉ta꞉ aleke milia꞉pe. Dia꞉ma꞉ ala꞉ta꞉ ma꞉nda꞉ ota꞉ na milieke. Ipika꞉ da꞉ta꞉la꞉eki paa muluekema꞉ topo peapeke ala꞉ta꞉ ma꞉nda꞉ a꞉nda꞉ ota꞉ na ula꞉me leekeme.

Maka 10:50

Koto lemeke ipika꞉ make aka꞉ holo baota꞉ anekema꞉ tiaa lupao Yesu pa꞉ta꞉ peekeme.

Luku 14:26

I̱ telia꞉ mea ipuluekema꞉ ipilimi wanda꞉hali ma꞉nda꞉ hondoma꞉ I̱ ame̱le̱ pominolota꞉ ana꞉ na pa꞉la꞉me. Pate ipikana꞉ma꞉ I̱ pa꞉ta꞉ puki kuluekema꞉ta꞉ ipika꞉ apa꞉ ama꞉ make ipika꞉ wanda꞉ make wekiwandiki make ipika꞉ kame ana꞉ tonu make ipiki tonka꞉na꞉ kiaota꞉ I̱ pa꞉ta꞉ puki tiekema꞉ homea꞉ka꞉na꞉ta꞉ kota꞉ kutu pilia꞉ someta꞉ ana꞉ pa꞉la꞉me leekeme.

Luku 14:33

Yesuma꞉ a꞉mbolo hata꞉ alota꞉ Koto tupa꞉ kone iki ma꞉nda꞉ epima꞉ yaka hoki nane telia꞉ mea ipulueke hone wia꞉ka꞉na꞉ta꞉ kota꞉ ipika꞉ hone pa꞉la꞉ ale paeyao mina꞉pa꞉lao I̱ telia꞉ mea ipilieke leekeme.

Luku 16:8

Kutu pieke handa wetepena꞉ mo hande you hali tiekema꞉ mo hande e handeteke hayeke halima꞉ta꞉ hone wotu wiki halina꞉ hau tupa꞉ pieke ekina꞉ta꞉ ipika꞉ biki anekema꞉ mina꞉liaeyekeme. Pa ekipeke. Do kenkena꞉ hau pu haleme wanda꞉halita꞉ ika꞉ e pokuluekema꞉ta꞉ hone wotu wia pokolo hata꞉ta꞉ mo pa̱a̱ piki hau pu haleme wanda꞉halita꞉ lu ankulao halememe leekeme.

Aposolo 27:38

Kutupa ne ana꞉na꞉ naaka꞉na꞉ mo kawaso yapa꞉ pu liaena꞉yeke mo widi palaowana꞉ kiliki pusemanu dawala tukiki pa꞉ta꞉ mea lopaememe.

Hibulu 11:26

Ipika꞉ honema꞉ta꞉ I̱ma꞉ mo Ketiso bikina꞉ yaala꞉ma꞉ homoa꞉ka꞉na꞉ta꞉ kota꞉ koto hauma꞉ta꞉ mo Idiepi nane ula꞉ mani make koloma꞉ wepiki alemanu paeya tapao ota꞉ lombei pa꞉la꞉me hone wiekeme. Kutu pieke ekita꞉ ipikana꞉ma꞉ mo wetepe mulu pieke epeke yenkina꞉ hone u hayekeme.