Pilipai 3:12 - Panake Pi La: Ula: Buka pita: Kine Pieke Buka

¹² I̱ma꞉ koto haumanu paeyaota꞉ ana꞉na꞉ ana꞉lao amba꞉ mea hata꞉ I̱ta꞉ ana꞉ pa꞉la꞉me pi na alome. I̱ma꞉ mo kita꞉la꞉ epeke ale miono Yesu Ketisoma꞉ I̱ mea hala꞉ ekina꞉ I̱ma꞉ koto ale muluekema꞉ honkopu pa haaso ombu halome.

Pilipai 3:12 Mawu Ofanana

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 8:39

Do kenke manda hala꞉ eki ma꞉nda꞉ma꞉ make o do kenke oto pa꞉ta꞉ pila꞉eki ma꞉nda꞉ma꞉ make do wepia ula꞉ alemanu paeyao pa꞉ta꞉ kone ala꞉ta꞉ ma꞉nda꞉siki homeke a꞉nda꞉ma꞉ mo nika꞉ Tekehali Yesu Ketiso pa꞉ta꞉ yama꞉ Koda꞉ ipika꞉ pukima꞉ homa꞉la꞉eki niki pa꞉ta꞉ pa꞉la꞉ ekita꞉ ka꞉taalu peapeke na ya꞉la꞉me.

1 Kotindi 13:10

pa wetepe hande ana꞉ pulu pa꞉la꞉ ota꞉ hau tieke epea꞉ka꞉na꞉ta꞉ kota꞉ ame do hosikima꞉ pitoloma꞉ ekita꞉ paelieke.

1 Kotindi 13:12

Nikana꞉ma꞉ ame do hata꞉ handoloma꞉eki manuta꞉ pa mo ankupiki su̱a̱ta꞉na꞉ pa꞉ta꞉ handeke nono pitoloma꞉me. Kutu pitoloma꞉pate wetepe nina꞉ta꞉ ota꞉ leke popeleke wopu handa꞉ alualu pulumeke. Ameta꞉ hosikima꞉ handolopate wetepe nina꞉ta꞉ Koda꞉ma꞉ I̱ wopu handa꞉la꞉ tupa꞉ kone I̱ma꞉ make hau paeyao ota꞉ handulueke.

1 Kotindi 9:24

Hande anke teline̱li pita꞉la꞉eki nina꞉ta꞉ haliweki wopuma꞉ anke hao pelimipate titina꞉ pelie hali homekema꞉ epeke yenki pua milieke. Koto hauta꞉ paeyaoma꞉ amba꞉ hone wilimime. Koto ekina꞉ iki make titina꞉ pua epeke yenki muluekema꞉ honkopu haaso hata꞉ anke hao pua꞉pa꞉peke.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Ka꞉leisia 5:17

Pa ekipeke alo mo lokena꞉ hauma꞉ta꞉ mo Holi Sipitidi bepolaluekema꞉ taapo hala꞉me. Kutupa make mo Holi Sipitidima꞉ta꞉ mo lokena꞉ haumanu bepolaluekema꞉ taapo pu hala꞉me. Koto hau yaapoma꞉ta꞉ a꞉nda꞉ lu alu pu halepeme. Koto pitepe ekima꞉ta꞉ ikana꞉ma꞉ mo puluekema꞉ hone pa꞉la꞉ hau pia꞉peke ekita꞉ ota꞉ pea꞉peke na ya꞉la꞉me.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Epesese 4:12

Kutupieke ekima꞉ Koda꞉na꞉ wanda꞉hali paeyao ana꞉na꞉ kone hata꞉ ipika꞉ e pokaena꞉yeke piekeme. Kutu pita꞉la꞉ ekima꞉ Ketiso tapake wanda꞉halita꞉ daeya꞉ tia pena꞉yeke pa꞉la꞉me.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

2 Desalonaika 2:13

Tekehalima꞉ pukima꞉ homo hala꞉ kametonuo. Hoto paeyao ikina꞉ Koda꞉ pa꞉ta꞉ keiyae lo hamonoe. Koda꞉ma꞉ iki peteluekema꞉ titina꞉ amba꞉ ma̱leke lia mea haya꞉me. Mo Holi Sipitidima꞉ iki Koda꞉na꞉eki hamena꞉ sa̱ pa꞉la꞉ ekima꞉ make ika꞉ mo ota꞉ pi pa꞉ta꞉ hone tulaleme ekima꞉ make koto ekima꞉ta꞉ Koda꞉ma꞉ iki petelea꞉me.

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

1 Timodi 6:19

Koto hau a꞉nda꞉ pu haemeka꞉na꞉ta꞉ kota꞉ ika꞉ wetepe hapeke yolo pa꞉la꞉ ekina꞉ epeke teke u haena꞉ lelimikie. Kutu pimika꞉na꞉ta꞉ kota꞉ mo ota꞉ deto hala꞉eki miniki hao halimikie.

Hibulu 12:14

Wanda꞉hali paeyao ame̱le̱ a꞉nda꞉ pelia haluekema꞉ taapo hapa꞉peke. Kutaata꞉ ika꞉ halo pelemeeki tonka꞉na꞉ yako peao haluekema꞉ taapo hapa꞉peke. Pa ekipeke. Koto hau na piki wanda꞉hali homeke a꞉nda꞉ma꞉ta꞉ mo Tekehali ota꞉ na handilimikie.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Dia꞉mesi 3:2

Niki paeyaoma꞉ hoto elekeeleke hao hoeya꞉tiki pitoloma꞉pate hali homeke a꞉nda꞉ma꞉ pi alo hata꞉ hokeeki ma꞉nda꞉ na lea꞉ka꞉na꞉ta꞉ koto halima꞉ta꞉ ipiki pa꞉ta꞉ ala꞉ta꞉ ma꞉nda꞉ na wiki hali hata꞉ ipika꞉ hone puki pa꞉ta꞉ make ipika꞉ loke make ana꞉na꞉ handeteke hatiki pilieke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.