Pilipai 3:10 - Panake Pi La: Ula: Buka pita: Kine Pieke Buka

¹⁰ Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Pilipai 3:10 Mawu Ofanana

Ma꞉tiu 20:23

Yesuma꞉ ipiliki pa꞉ta꞉ alota꞉ I̱ma꞉ nolua꞉ kapona꞉ta꞉ ipilikana꞉ma꞉ ota꞉ nelipipikie. Pate ya popeke nane kiki pita꞉ hoeya꞉ nane kiki yaapo pa꞉ta꞉ ma꞉nda꞉ epi pitulu pa꞉la꞉ ekita꞉ laata꞉ I̱ma꞉ lapeke na ya꞉la꞉me. Koto ya Apa꞉ma꞉ wamo pea tikitiki yao ula꞉ pila꞉ ale yaapota꞉ mo ipika꞉ mulu pa꞉la꞉ hali yaapona꞉ ekie leekeme.

Dioni 10:18

Hali ma꞉nda꞉ma꞉ yaka da꞉ta꞉la꞉eki hoeyaapeke na ya꞉la꞉pate yaka hone wia kone yaka hone pa꞉la꞉ ekina꞉ loa꞉me. I̱ma꞉ homeke ana꞉na꞉ kia pa I̱ma꞉ homeke ana꞉na꞉ paa mea꞉peke ya꞉la꞉me. Do ekita꞉ yaka Apa꞉ma꞉ pea꞉pekee la꞉la꞉ ekina꞉ loa꞉me.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

Loma꞉ 8:36

mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

2 Kotindi 1:10

Dupiki ota꞉ hoke paala꞉piki homa꞉la꞉ ekimanu pa꞉ta꞉ ipikana꞉ma꞉ niki tamba꞉ mia꞉ ekina꞉ta꞉ nikana꞉ma꞉ta꞉ niki paa tamba꞉ milieke laa nika꞉ honeta꞉ ipiki pa꞉ta꞉ tulaaloma꞉me.

2 Kotindi 1:5

Nikita꞉ mo hande Ketisona꞉ tandamanu putu poloma꞉ tupa꞉ kone Ketiso pa꞉ta꞉ yama꞉ta꞉ Koda꞉na꞉ aneke tamba꞉ mina꞉la꞉eki putu poloma꞉me.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Ka꞉leisia 6:17

Ya paeyaaso pita꞉ dupae. Ma꞉nda꞉ma꞉ I̱ pa꞉ta꞉ mandane ka꞉nda꞉manu na kina꞉e. Pa ekipeke. Mo ya lokena꞉ hondo ula꞉eki manuma꞉ walolota꞉ I̱ta꞉ Yesuna꞉ pa hameke e pokaalo hali haloeki wala꞉la꞉me.

Epesese 4:13

Kutu pa꞉la꞉ ekima꞉ niki paeyao homeke tupa꞉ hata꞉ta꞉ hone tulaasoma꞉eki make homeke kone Koda꞉ ipika꞉ Eiyeke handoloma꞉eki make homekeeki kone handulumeke. Kutu puma꞉ka꞉na꞉ta꞉ nikita꞉ keileke haliweki hata꞉ Ketiso hala꞉ tupa꞉ kone halumeke.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Kolosi 2:13

Ikita꞉ amba꞉ a꞉nda꞉ta꞉ mo Lo pi dia꞉ya꞉la꞉ Diendaili wanda꞉hali hata꞉ ika꞉ pimi hoke hauma꞉ ika꞉ temokota꞉ homeeke wanda꞉hali haememe. Pate ameta꞉ Koda꞉ma꞉ ikita꞉ Ketiso yaapo paa mea da꞉taala꞉me. Koda꞉ma꞉ta꞉ nika꞉ hokeeki paeyao paeyawala꞉me.

Kolosi 3:1

Ikita꞉ Ketiso yaapo paa mea tiaala꞉ ekina꞉ta꞉ oli hepeni ula꞉ ale manuna꞉ ika꞉ hone wopu ti la꞉ pelia haena꞉ lapa꞉peke. Ketiso ipika꞉ handeteke hala꞉ seana꞉ Koda꞉na꞉ popeke nane kikina꞉ pila꞉ alena꞉ loa꞉me.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

2 Pida 1:13

Yaka honema꞉ta꞉ I̱ pa halo aneta꞉ I̱ma꞉ pea꞉pekeeki homeketa꞉ do hau manuna꞉ ika꞉ amba꞉ wilimi honemanu paa hone u tiatiki pulueke.

1 Dioni 2:3

Kutupa nikana꞉ma꞉ Koda꞉na꞉ pi ula꞉ ekimanu opua puma꞉ka꞉na꞉ta꞉ kota꞉ ipiki handoloma꞉me laa nika꞉ hone uluma꞉me.

1 Dioni 2:5

Pate ma꞉nda꞉ epima꞉ Koda꞉na꞉ pi opua pua꞉tiki pita꞉la꞉ someta꞉ kota꞉ ipiki Koda꞉ pa꞉ta꞉ puki hala꞉la꞉ ekita꞉ ota꞉ anekema꞉ handaa ula꞉me. Nikita꞉ Koda꞉ ame̱le̱ ta꞉ma꞉ni poloma꞉me laa hone uluekema꞉ pea꞉pekeeki dupa.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.