Pilipai 1:7 - Panake Pi La: Ula: Buka pita: Kine Pieke Buka

⁷ Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Pilipai 1:7 Mawu Ofanana

Aposolo 20:23

mo Holi Sipitidima꞉ daoni paeyao pa꞉ta꞉ mo dipula pita꞉ tanda pulu pa꞉la꞉eki I̱ la ku hala꞉me lea꞉me.

Aposolo 21:33

Kutupa mo hande a꞉nda꞉ tumiki halima꞉ a꞉pa Polo minata꞉ seni pu yaapoma꞉ hotape leekeme. Kutupa Polota꞉ hane halipe eki hau pia꞉pe laa lota꞉ piekeme.

1 Kotindi 13:7

Pukima꞉ homa꞉la꞉ hau pu hala꞉ somema꞉ta꞉ soka꞉la꞉ma꞉ na homilieke. Dia꞉me. Ipika꞉ hone tulao hao haasa꞉eki make hone ti lao haasa꞉eki make kutupa ipika꞉ kima꞉ na homeke Koda꞉ pa꞉ta꞉ yu wia haasa꞉eki make kutupiki haumanu pea꞉tiki pu haluekema꞉ta꞉ ana꞉na꞉ honkopu hao halieke.

1 Kotindi 9:23

Do pitolo ekita꞉ hande Pi Seliapo daeyaena꞉yeke pitolome. Kutupa koto ekima꞉ta꞉ mo Koda꞉ma꞉ wanda꞉hali epeaasa꞉eki manuna꞉ putupiliki ma꞉nda꞉ I̱ma꞉ muluekema꞉yeke pitolome.

2 Kotindi 3:2

Dia꞉me iki kone nika꞉ wape pea ula꞉ tameiya꞉e. Paeyaoma꞉ yata꞉pa hone wina꞉yeke ikita꞉ nika꞉ pukina꞉ wape pea ula꞉me.

2 Kotindi 7:3

I̱ma꞉ doeki alo ekita꞉ ikana꞉ma꞉ hoke hau pelememe laa ma̱leke litolo na loa꞉me. I̱ma꞉ amba꞉ titina꞉ loa꞉ tupa꞉ ikita꞉ niki pa꞉ta꞉ yole pelemeeki yalota꞉ nika꞉ temokota꞉ hoto paeyao iki ame̱le̱ mandakena꞉ haloma꞉me. Niki pa haloma꞉ dina꞉ make homoloma꞉ dina꞉ make loa꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Epesese 6:20

I̱ta꞉ dipula pita꞉ kone mo hande Koda꞉na꞉ Pi Seliapo wala꞉tiki pitolo halie. Koto ekina꞉ do Pi Seliapo honkopu hao walonoyeke yeni pea꞉tiki pea꞉pa꞉peke.

Pilipai 1:12

Ya Ketiso yankeke tonuo I̱ma꞉ ya hone pa꞉la꞉ ekita꞉ iki paeyaoma꞉ mo hande I̱ pa꞉ta꞉ a꞉pa pia꞉ ekimanu hone uemena꞉e. Koto hande hau manuma꞉ta꞉ mo Koda꞉na꞉ Pi Seliapo sa꞉sa꞉ na pita꞉la꞉pate ota꞉ kende tupa꞉ wina꞉ ala꞉me.

Pilipai 1:13

Koto ekima꞉ta꞉ mo hande Sisana꞉ da handeteke haleme a꞉ndeli miniki haliweki paeyaoma꞉ make pa do haleme wanda꞉halima꞉ make I̱ma꞉ Ketisona꞉ e pokaaso hali halo ekina꞉ dipula mea pitalemeke handelememe.

Pilipai 1:14

Koto mo Ketiso yankeke tonu anekema꞉ta꞉ mo Tekehali hone wotu tulaena꞉ ya dipula pilu ekima꞉ta꞉ iki wele peaala꞉me. Koto ekima꞉ta꞉ ikana꞉ma꞉ hoto paeyao paala꞉ma꞉ na homeke pipita꞉ pa pua hata꞉ pi wala꞉tiki pu halememe.

Pilipai 1:5

Pa ekipeke mo amba꞉ hande titi panake pa꞉ta꞉ kone kini pea a꞉pa ame do natena꞉ I̱ma꞉ mo Koda꞉na꞉ Pi Seliapo walono ikana꞉ma꞉ I̱ tamba꞉ mimi hau manuna꞉ hone witolo hata꞉ loa꞉me.

Pilipai 2:22

Ikana꞉ma꞉ make Timodita꞉ handolota꞉ ota꞉ epeke halie la handelememe. Kutupa make a꞉tala꞉ leke hata꞉ Timodi dikana꞉ma꞉ Koda꞉na꞉ Pi Seliapo daeyaena꞉ poko hapa꞉ eta꞉ hone wilimime.

Pilipai 4:14

Koto polopateta꞉ mo ikana꞉ma꞉ ya ka꞉nda꞉ma꞉ homoa꞉ ekimanu tamba꞉ mimi ekita꞉ ota꞉ epeke hau pimime.

Pilipai 4:15

Iki Pilipai wanda꞉halima꞉ta꞉ I̱ma꞉ amba꞉ hande Ketisona꞉ Pi Seliapo waloa꞉ta꞉ mo hande Ma꞉sedonia mina꞉pa꞉lao poa꞉ dina꞉ koto pita꞉ma꞉ siosi tapake ma꞉nda꞉ma꞉ dia꞉ya꞉pate ikana꞉ma꞉ homeke I̱ tamba꞉ muma꞉me laa ota꞉ hone witolo pitememe. Siosi tapake ma꞉nda꞉ma꞉ ika꞉ manima꞉ I̱ ota꞉ na tamba꞉ mimipate ikana꞉ma꞉ homeke koto hau pimime.

Pilipai 4:3

Kutupa ya Ketiso ta꞉ma꞉ni epekeo. Neke pa꞉ta꞉ make mo wanda꞉ yaapoma꞉ hone homeke wina꞉ tamba꞉ mia꞉peke alome. Pa ekipeke mo wanda꞉ yaapo make Ka꞉lemiti make mo ya e mandake pokoloma꞉ wanda꞉hali paeyaoma꞉ tonka꞉na꞉ mo Ketisona꞉ Pi Seliapota꞉ peo lao daeyaena꞉yeke I̱ma꞉ iki ame̱le̱ weleke we wopu pea e tieke pokoma꞉me. Koto wanda꞉halina꞉ biki paeyaota꞉ mo Koda꞉na꞉ deto hala꞉ tapakena꞉ biki ula꞉ bukana꞉ wape pa ula꞉me.

Kolosi 4:18

Ota꞉ ya kikima꞉ doeki laasome. Poloma꞉ a꞉talo alome. I̱ta꞉ seni manuma꞉ tonkao dipula pilueki hone na yonka꞉lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki iki ame̱le̱ wina꞉e.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

1 Desalonaika 5:5

Iki paeyaota꞉ nate pa̱a̱ pa꞉la꞉ ekina꞉ wanda꞉hali halememe. Nikita꞉ timba꞉ pa꞉ta꞉ na haloma꞉me.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

Pailimono 1:13

I̱ma꞉ Yesuna꞉ Pi Seliapo wala꞉tiki pu haoweke handaa dipula do pilume. Do pilu pa꞉ta꞉ nakana꞉ma꞉ I̱ tamba꞉ mulu pele tupa꞉ta꞉ Onisimasima꞉ naka꞉ anke teke mina꞉ ipikita꞉ I̱ yaapo pa haena꞉e laa hone pa꞉la꞉me.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

2 Pida 1:13

Yaka honema꞉ta꞉ I̱ pa halo aneta꞉ I̱ma꞉ pea꞉pekeeki homeketa꞉ do hau manuna꞉ ika꞉ amba꞉ wilimi honemanu paa hone u tiatiki pulueke.

1 Dioni 3:14

Mo homa꞉la꞉eki mina꞉pa꞉lao da꞉ta꞉la꞉eki pa꞉ta꞉ epoloma꞉ ekita꞉ nika꞉ hone uluma꞉me. Koto mo nikana꞉ma꞉ nika꞉ kametonu pa꞉ta꞉ pukima꞉ homo haloma꞉ ekita꞉ hone ulume laa loa꞉me. Ma꞉nda꞉ epima꞉ pukima꞉ na homea꞉ka꞉na꞉ta꞉ ipikita꞉ mo homa꞉la꞉ ekina꞉ honkopu oto pa꞉ta꞉ paa hala꞉me.