Pilipai 1:6 - Panake Pi La: Ula: Buka pita: Kine Pieke Buka

⁶ Koto ekina꞉ Koda꞉ma꞉ iki pa꞉ta꞉ kini pia꞉ eta꞉ Yesu Ketiso ipilie natena꞉ poko paeyaaluekema꞉ ota꞉ pa pokolo ombu halieke hone ulume. Koto pa꞉la꞉ ekina꞉ta꞉ ya pukima꞉ iki pa꞉ta꞉ ta꞉na꞉ma꞉ homolo hata꞉ iki hone u halome.

Pilipai 1:6 Mawu Ofanana

Dioni 6:29

Yesuma꞉ ika꞉ pi hombo peaaso alota꞉ Koda꞉ma꞉ta꞉ ikana꞉ma꞉ dupa puemena꞉yeke hone pa꞉la꞉me la Koda꞉ ipikana꞉ma꞉ tapaala꞉ hali pa꞉ta꞉ hone tulaamina꞉ hone pa꞉la꞉me leekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 16:14

Wanda꞉ homeketa꞉ Lidiama꞉ mo Daetaeda daoni nane wanda꞉ a꞉pa wepiki alemanu hambo hatiki pina꞉ laata꞉ Koda꞉ pa꞉ta꞉ panda꞉puniao yeni pu haota꞉ nika꞉ pi opia꞉me. Poloma꞉ waleeke pi opina꞉yeke Tekehalima꞉ mo wanda꞉na꞉ puki la꞉ka꞉laeyekeme.

1 Kotindi 1:8

Kutupa ame kini pua pea pa mo paelo pa꞉la꞉ Natena꞉ epena꞉ kone Koda꞉ma꞉ iki wopu da̱o̱la haatiki puemena꞉ la꞉tiki pu halieke. Koto mo nika꞉ Tekehali Yesu Ketisona꞉ Natena꞉ iki pa꞉ta꞉ eki hau ma꞉nda꞉ na handa꞉ wilieke loa꞉me.

2 Kotindi 1:15

I̱ta꞉ doeki manuna꞉ hone lenkipa꞉ witolota꞉ iki yaapo peao epeaena꞉ honema꞉ iki handolo ipuluekema꞉ hone pambao ua꞉me.

2 Kotindi 2:3

Koto ekina꞉ta꞉ I̱ma꞉ koto tameiya꞉ tapaowa꞉me. Pa ekipeke I̱ma꞉ta꞉ iki pa꞉ta꞉ a꞉pa yaka ta꞉na꞉ma꞉ homa꞉ tiaapeke ya꞉la꞉ tapakema꞉ kone I̱ puki ka꞉nda꞉ma꞉ homo tiaaseme laa laapa꞉na꞉ alo pua꞉me. I̱ma꞉ hone witolota꞉ I̱ ta꞉na꞉ma꞉ homolo dina꞉ta꞉ iki paeyao make ta꞉na꞉ma꞉ homelememe.

2 Kotindi 7:16

I̱ta꞉ ika꞉na꞉ ti laapeke ya꞉ka꞉ta꞉me hone witolo hata꞉ ta꞉na꞉ tieke wopu pa꞉la꞉me.

2 Kotindi 9:4

Pate mo Ma꞉sedonia wanda꞉halita꞉ I̱ ame̱le̱ ipulu iki tikitiki yao na halemeeki handa꞉ wimika꞉na꞉ta꞉ kota꞉ nikita꞉ ota꞉ pulu pimime laa ekipiki yaala꞉ma꞉ homuluma꞉pe. Ika꞉ yaala꞉ pulu pa꞉la꞉eki make loa꞉me.

Ka꞉leisia 5:10

pa ya honema꞉ handolo ekita꞉ nikita꞉ mo Tekehali pa꞉ta꞉ tunao halomeke handa ikana꞉ma꞉ hone ma꞉nda꞉ na wiki pa I̱ma꞉ witolo hone kone ana꞉na꞉ wilimikie hone ulume. Kutupa mo ika꞉ hone la꞉ka꞉laasa꞉ halita꞉ epipe. Pa ipikita꞉ epi ya꞉ka꞉na꞉ make mo ipika꞉ kutu pita꞉la꞉ ekina꞉ta꞉ Koda꞉ma꞉ ipika꞉ hoke yenki ana꞉na꞉ halieke.

Epesese 4:12

Kutupieke ekima꞉ Koda꞉na꞉ wanda꞉hali paeyao ana꞉na꞉ kone hata꞉ ipika꞉ e pokaena꞉yeke piekeme. Kutu pita꞉la꞉ ekima꞉ Ketiso tapake wanda꞉halita꞉ daeya꞉ tia pena꞉yeke pa꞉la꞉me.

Pilipai 1:29

Ikana꞉ma꞉ Ketisona꞉ e pokawamena꞉ yeke Koda꞉ma꞉ iki pa꞉ta꞉ epeke waleke ka꞉la꞉me. Do e pokawaluekema꞉ pa ika꞉ hone tulaaso ombu halo peleme ekima꞉ dia꞉ ya꞉la꞉pate pa Ketiso ipika꞉ hauna꞉ ka꞉nda꞉ make meawaso ombu halimi ekima꞉ tonka꞉na꞉ ipika꞉ e pokalimikie.

Pilipai 2:12

Ya yankeke tonuo. Hande I̱ma꞉ iki ame̱le̱ mandake haoma꞉ pita꞉ma꞉ta꞉ ya kakena꞉ homo haeme ekita꞉ epea꞉pate ameta꞉ I̱ iki ame̱le̱ na halo dina꞉ ya kakena꞉ pa homo halimi ekita꞉ kota꞉ koto ekita꞉ ota꞉ titina꞉ haue. Ika꞉ Ketiso haleme ekita꞉ paala꞉ma꞉ make pututuma꞉ homolo hata꞉ pu paeyaaluekema꞉ hone wopu u hapa꞉peke.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Pilipai 2:16

Koto hau a꞉nda꞉ pimikina꞉ta꞉ kota꞉ I̱ma꞉ ikina꞉ Ketisona꞉ paa epolo pa꞉la꞉ natena꞉ ya paleke na hake halo polo ekina꞉ teke wilieke. Kota꞉ pa ekipeke ikana꞉ma꞉ koto peleme ekima꞉ta꞉ ya pokoa꞉ eta꞉ pa hameke e na pokea꞉ ya꞉ka꞉ta꞉me lolo pelemeeki walieke.

Kolosi 2:12

Ikita꞉ bapitaisi hau pimi natena꞉ta꞉ Ketiso ame̱le̱ mandakena꞉ lapa꞉ pelememe. Kutupa make bapitaisi hau pimikita꞉ ika꞉ Koda꞉na꞉ wele wopu piki honkopu pa꞉ta꞉ hone tulaleme ekima꞉ta꞉ ikita꞉ Ketiso yaapo paa tialememe. Mo Koda꞉na꞉ wele wopu piki honkopuma꞉ Ketiso mea tiala꞉ ekima꞉ loa꞉me.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

2 Desalonaika 1:11

Nikana꞉ma꞉ koto ekina꞉ hone witolo hata꞉ Koda꞉ pa꞉ta꞉ ikina꞉ yeni peawao haloma꞉me. Koda꞉ma꞉ ipika꞉ hau ikana꞉ma꞉ puemena꞉ wi lea꞉ ekina꞉ ikana꞉ma꞉ koto tupa꞉ ota꞉ ana꞉na꞉ hamena꞉ lena꞉ Koda꞉ pa꞉ta꞉ meme pea yeni peawao haloma꞉me. Koda꞉ma꞉ ikana꞉ma꞉ epeke haumanu puluekema꞉ witeleme hone paeyao ipika꞉ welema꞉ puemena꞉ lena꞉ kutupa make ika꞉ hone tulaaso pitelemeeki pu paeyawaena꞉ yeni peawao haloma꞉me.

2 Desalonaika 3:4

Kutupa ikana꞉ma꞉ta꞉ epeke tupa꞉ pilimikie hone witoloma꞉ ekita꞉ Koda꞉ma꞉ niki pa꞉ta꞉ ku hala꞉me. Koto ekina꞉ ota꞉ nika꞉ honema꞉ta꞉ nikana꞉ma꞉ iki pa꞉ta꞉ la ku haloma꞉eki manuta꞉ ame do piteleme tupa꞉ pa pu halimikie hone witoloma꞉me.

Pailimono 1:21

Ya honema꞉ta꞉ do wapena꞉ honke alo hauta꞉ pilipikie hone ota꞉ witolome. Kota꞉ ya alo tupa꞉ta꞉ ota꞉ lombei peao pilipikie hone witolome.

Hibulu 10:35

Ika꞉ aela꞉ baasa꞉ hau na mina꞉pa꞉lapa꞉peke. Pa ekipeke. Ika꞉ koto epeke hauna꞉ epeke yenki tieke milimikie.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

2 Pida 3:10

Koto pa꞉la꞉pate Tekehalina꞉ Nateta꞉ mo hande pake nala꞉ hali ipula꞉ tupa꞉ ipilieke. Koto Natena꞉ta꞉ oli yata꞉ pututu piki e̱ wi laa alupilieke. Oli yana꞉ hala꞉ ale manuta꞉ tima꞉ taa hoeyaota꞉ do kenke make kenke pa꞉ta꞉ ula꞉ ale paeyao make taa alupaalieke.