Pilipai 1:4 - Panake Pi La: Ula: Buka pita: Kine Pieke Buka

⁴ Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Pilipai 1:4 Mawu Ofanana

Maka 5:5

Ipikana꞉ma꞉ tikene da pa꞉ta꞉manu pote pa꞉ta꞉manu make timba natena꞉ hoto paeyao e̱ wi alo hata꞉ ipika꞉ kone toopima꞉ litolo hata꞉ hao hayekeme.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Pilipai 2:2

Kutu pu haleme ekina꞉ta꞉ kota꞉ ika꞉ hone mandake wilimieki tekena꞉ make ika꞉ mandake pukima꞉ homa꞉ alualu peleme ekina꞉ make ika꞉ mandake hone peleme ekina꞉ make ika꞉ homeke hone wilimi ekina꞉ make kotoeki paeyaoma꞉ I̱ ta꞉na꞉ wopu homa꞉ tiaamena꞉ iki sutiaasome.

Pilipai 3:18

Ame do lolo polo pita꞉ I̱ma꞉ amba꞉ iki pa꞉ta꞉ hoto eleke eleke wopu la ku haowa꞉pate ameta꞉ I̱ma꞉ e̱ alo alo hata꞉ paa ta la kitolo handa꞉e. Mandane wanda꞉hali ika꞉ pu haleme hauma꞉ kone mo a꞉ka꞉tei wapepiki ti manda Ketiso homa꞉la꞉eki pa꞉ta꞉ ikita꞉ a꞉nda꞉ tunkulao haena꞉ lo haleme.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

Kolosi 2:5

I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

1 Desalonaika 1:2

Hoto paeyao nikana꞉ma꞉ta꞉ iki pa꞉ta꞉ hone witolo hata꞉ Koda꞉ pa꞉ta꞉ keiyae pi la꞉tiki pea yeni peao haloma꞉me.

Pailimono 1:7

A꞉ta꞉e. Ya kameo. Naka꞉ pukima꞉ homele ekima꞉ ya puki pa꞉ta꞉ ta꞉na꞉ tieke peaya꞉ ekima꞉ hana꞉ noka꞉paeya꞉me. Koto pele ekima꞉ta꞉ nakana꞉ma꞉ mo Koda꞉na꞉ wanda꞉hali paeyaona꞉ puki mea tiawaaleme.

2 Dioni 1:4

Naka꞉ mandane weki wandikita꞉ mo hande Apa꞉ma꞉ niki pa꞉ta꞉ ota꞉ pia꞉pa꞉peke la꞉la꞉ tupa꞉ ota꞉eki pa꞉ta꞉ halemeeki handa꞉ u hao I̱ta꞉ ta꞉na꞉ tiekema꞉ homoa꞉me.