Pilipai 1:23 - Panake Pi La: Ula: Buka pita: Kine Pieke Buka

²³ Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

Pilipai 1:23 Mawu Ofanana

2 Kotindi 5:8

Nikita꞉ hali au la hata꞉ honkopu hao haloma꞉ ekima꞉ta꞉ nika꞉ honema꞉ do nika꞉ lokena꞉ data꞉ mina꞉pa꞉lao mo Tekehali ame̱le̱ oli da pua hao hawee hone uluma꞉me.

Peneme Yaeyekeeki 14:13

Kutupa oli hepeni nanema꞉ pi ho̱la̱꞉makema꞉ alota꞉ Doeki laaniae. Ame do kini pea mo Tekehalina꞉ e pokolo hata꞉ homeleme wanda꞉halita꞉ ta꞉na꞉ma꞉ homa꞉pa꞉peke ya꞉la꞉me lea꞉me. Koto leeke mo Sipitidima꞉ hombo peaaso hata꞉ alota꞉ Ota꞉e. Ikita꞉ ika꞉ ki hone na wiki honkopu hao pokelemeeki paeyaemeke handaa ta꞉na꞉ma꞉ homilimikie. Pa ekipeke ika꞉ e pokeleme ekina꞉ yenkita꞉ iki ame̱le̱ pa hala꞉me lea꞉me.

Aposolo 7:59

kutupa toopima꞉ litolo haena꞉ Sidipenima꞉ yeni pitolo alota꞉ Tekehali Yesuo. Yaka temoko nakana꞉ma꞉ handa꞉ mie leekeme.

Luku 23:43

Kutupa Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi la꞉ witolome. Ame do natena꞉ kone I̱ yaapo oli Pa꞉ta꞉daisi nane mandakena꞉ halupeke leekeme.

2 Timodi 4:6

I̱ pa꞉ta꞉ epolo pa꞉la꞉ hauta꞉ dupa. Mo hande hoteke lia hala꞉la꞉ tupa꞉ I̱ lu peleme nateta꞉ teke pa꞉ta꞉ ya꞉la꞉me. I̱ do kenkena꞉ haloeki paeyaalo polo nate teke pa꞉ta꞉ ya꞉la꞉me.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

1 Desalonaika 4:17

Kutu pilie pita꞉ta꞉ niki pa haluma꞉ wanda꞉hali make mo hande wanda꞉hali ame̱le̱ Koda꞉ma꞉ mea apa꞉tao hamono laa oli koa manda niki hatuku pua Tekehali manda꞉hande pea handulumeke. Kutupata꞉ nikita꞉ Tekehali ipiki ame̱le̱ hoto paeyao hao halumeke.

Dioni 14:3

Kutupa I̱ pua ika꞉ halo peleme alena꞉ wamo peaota꞉ I̱ halo alena꞉ mandake pa꞉ta꞉ a꞉pa hamina꞉yeke I̱ paa a꞉pa iki a꞉pa handa꞉ mulueke.

Luku 12:50

I̱ta꞉ bapitaisi pea꞉peke hau homeke mulueke hone ulupate pa a̱i̱ na pu paeyaaso ekina꞉ kota꞉ yaka weleke pukima꞉ ka꞉nda꞉ tieke minolome.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Luku 8:38

Kutu pitolo haena꞉ mo hoke temokomanu tolu lieke halima꞉ Yesu pa꞉ta꞉ honke alo alota꞉ I̱ta꞉ neke yaapo pana꞉e leekeme. Koto leeke Yesuma꞉ mo hali paa tapaaso hata꞉ alota꞉

1 Desalonaika 2:1

Kametitio. Nikana꞉ma꞉ iki ame̱le̱ titina꞉ a꞉pa haoma꞉ pita꞉ta꞉ nika꞉ e pokoma꞉ ekita꞉ pa pe ekina꞉ na pokoma꞉me. Koto ekita꞉ ika꞉ kone hone wilimime.

2 Kotindi 6:12

Nikana꞉ma꞉ta꞉ niki pukimanu iki pa꞉ta꞉ na a꞉mbo haloma꞉pate kone pa ikana꞉ma꞉ta꞉ ika꞉ pukimanu niki pa꞉ta꞉ a꞉mbo halememe.

Pilipai 1:24

I̱ma꞉ iki tamba꞉ muluekema꞉ pa hao halo ekita꞉ ota꞉ tumiki haue.