Pilipai 1:11 - Panake Pi La: Ula: Buka pita: Kine Pieke Buka

¹¹ Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Pilipai 1:11 Mawu Ofanana

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Dioni 15:8

Ikana꞉ma꞉ kiliki wotu a꞉eteleme ekima꞉ta꞉ yaka Apa꞉na꞉ biki tieke wiaasememe. Kutu piteleme ekima꞉ta꞉ ikita꞉ yaka disaipolo haliweki halimikie leekeme.

Loma꞉ 15:28

Ikana꞉ma꞉ amu pea wialeme mani paeyao mea pua haloa꞉ka꞉na꞉ta꞉ kota꞉ koto eta꞉ poko paeyaalueke. Kotoeki pu paeyaota꞉ I̱ta꞉ koto pa꞉ta꞉ mina꞉pa꞉lao mo Sipeini kenke nane yopulu hata꞉ iki amba꞉la a꞉pa handulueke.

Loma꞉ 6:22

Kutupa halemepate hoke hauna꞉ wele pita꞉la꞉ ekima꞉ iki mea tonkao wieke ekita꞉ Koda꞉ma꞉ iki ka꞉la꞉pa꞉ tapaowala꞉me. Kutupa ikita꞉ ipika꞉ pa hameke e pokaaseme wanda꞉hali leke halememe. Koto peleme ekina꞉ ikana꞉ma꞉ ika꞉ loke tieke paeyao ipiki pa꞉ta꞉ halaata꞉ deto hala꞉eki make milimikie.

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

2 Kotindi 9:10

Kutupa mo noka꞉pa꞉la꞉ halina꞉ wae ale halo hala꞉ Koda꞉ma꞉ta꞉ mo napeke ne make halo hala꞉me. Koto Koda꞉ma꞉ta꞉ hoto paeyao mo ika꞉ dia꞉ya꞉la꞉ wae ale haka꞉ta꞉pao ku hata꞉ ika꞉ ma꞉nda꞉ pa꞉ta꞉ pa haleme hauna꞉ opena꞉ laa napeke tieke a꞉ena꞉ la꞉lieke.

Epesese 1:12

Koto pa꞉la꞉ ekina꞉ titina꞉ Ketiso pa꞉ta꞉ hone tulaaloma꞉ wanda꞉hali nikana꞉ma꞉ amba꞉la꞉ hande pa̱a̱ pa꞉la꞉ Koda꞉ ipika꞉ pi laamana꞉e.

Epesese 1:14

Holi Sipitidi ka꞉la꞉ ekita꞉ kota꞉ Koda꞉ma꞉ ipika꞉ wanda꞉hali pa꞉ta꞉ la꞉ wiekeeki ota꞉ yaalo pa꞉la꞉ ekina꞉ ti witolo pa꞉la꞉me. Dupa make Koda꞉ma꞉ ipika꞉ wanda꞉halita꞉ ota꞉ ka꞉la꞉pe tapao hao hamono la꞉la꞉eki wopu wala꞉la꞉me. Hande pa̱a̱ pa꞉la꞉ Koda꞉ ipika꞉ pi laamana꞉e.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 5:9

Mo hande pa̱a̱ pita꞉la꞉ ekima꞉ peaasa꞉ hau manuta꞉ dupae. Epeke hau pita꞉la꞉ ekimanu make tikitiki hau pita꞉la꞉ ekimanu make ota꞉ hau pita꞉la꞉ ekimanu make peaasa꞉me.

Pilipai 4:17

Ika꞉ pa hameke kiteleme alemanu muluekema꞉ pa na weitolo pateta꞉ pa mo oli hepeni nane ika꞉ epeke haumanu pitelemeeki dimina꞉la꞉eki haka꞉ta꞉pawao wiaena꞉yeke hone pa꞉leke handa iki pa꞉ta꞉ waleke kitolo alome.

Kolosi 1:10

Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.

2 Desalonaika 1:12

Koda꞉ma꞉ kutu pia꞉ka꞉na꞉ta꞉ ikana꞉ma꞉ nika꞉ Tekehali Yesuna꞉ biki yeiya꞉ lalimikie. Kutupa ipikana꞉ma꞉ iki make kutu pilieke. Kutupa nika꞉ Koda꞉ make Tekehali Yesu Ketiso ipilika꞉ a꞉ta꞉ma꞉ homolo tamba꞉ minelepe ekima꞉ta꞉ koto tupa꞉ pilipipikie.

Taitasi 3:14

Nika꞉ Ketiso tapakema꞉ a꞉pa꞉la꞉ haumanu puluekema꞉ ikana꞉ma꞉ mo ika꞉ nate leke epeke tupa꞉ handeteke hata꞉ pina꞉ moka꞉la꞉ tiatiki pea꞉pa꞉peke alee. Kutupa make mo wanda꞉halina꞉ ka꞉nda꞉ma꞉ homa꞉la꞉eki handa꞉ peteluekema꞉ ikana꞉ma꞉ mo napeke na pitiki epe na piki haumanu leke na pea꞉peke ya꞉la꞉me.

Hibulu 12:11

Yombita꞉la꞉ hauma꞉ta꞉ niki ta꞉na꞉ na pealo pa꞉la꞉pate kota꞉ koto pita꞉la꞉ hauma꞉ tikitiki yaeya꞉ wanda꞉hali ikita꞉ wetepena꞉ mo tikitiki piki hauna꞉ homu pea puki lopao hasa꞉ kilikimanu milimikie.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 2:5

Iki make da꞉ta hala꞉ toopi ula꞉ tupa꞉ halememe. Kutupa ikana꞉ma꞉ Koda꞉ma꞉ ikita꞉ mea ipika꞉ yakopiki temokona꞉ da a꞉ena꞉ lapa꞉peke. Do da tukiki pa꞉ta꞉ ikana꞉ma꞉ yako piki yeni peao hala꞉ haliweki hata꞉ Koda꞉ ta꞉na꞉ma꞉ homolo hata꞉ mina꞉ ika꞉ temoko Yesu Ketiso pa꞉ta꞉ yama꞉ Koda꞉ pa꞉ta꞉ halo hapa꞉peke.

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.

1 Pida 4:14

Ikita꞉ Ketisona꞉ telia꞉la꞉ wanda꞉hali haleme ekina꞉ ma꞉nda꞉ma꞉ iki pa꞉ta꞉ hoke pi lemeka꞉na꞉ta꞉ ta꞉na꞉ma꞉ homa꞉pa꞉peke ya꞉la꞉me. Koto lemeka꞉na꞉ta꞉ kota꞉ mo pa̱a̱ piki temokota꞉ Koda꞉na꞉ temoko kone iki pa꞉ta꞉ pitia꞉ka꞉ta꞉me.