Ma꞉tiu 9:27 - Panake Pi La: Ula: Buka pita: Kine Pieke Buka

²⁷ Yesuma꞉ koto pa꞉ta꞉ mina꞉pa꞉lao pulu haena꞉ leke holu piki hali yaapoma꞉ ipika꞉ hoki nane wi tieke la꞉ paleke teli mea pulu alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉peke la꞉tia pepekeme.

Ma꞉tiu 9:27 Mawu Ofanana

Ma꞉tiu 1:1

Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.

Ma꞉tiu 11:5

Hande leke holu piki wanda꞉hali ameta꞉ ki lelememe. Dola꞉pake wanda꞉hali make tiao pominelememe. Kindi yeni haeme wanda꞉hali make ameta꞉ epea halememe. Katake pokeme wanda꞉halina꞉ katake make lumbula꞉me. Homea꞉ wanda꞉hali make paa da꞉taa tiao haena꞉ la꞉la꞉me. Kutupa mo Pi Seliapota꞉ natehali wanda꞉hali pa꞉ta꞉ wala꞉la꞉me.

Ma꞉tiu 15:22

Koto kenke nane hayeke Keinani wanda꞉ homeke Yesu pa꞉ta꞉ e̱ wi laa a꞉pa alota꞉ Deipidina꞉ eiyekeo. Ya wandiki pa꞉ta꞉ hoke temoko pila꞉ ekima꞉ ipiki ota꞉ epeke tupa꞉ na ula꞉me. Koto ekina꞉ I̱ pa꞉ta꞉ a꞉ta꞉ma꞉ homa꞉peke leekeme.

Ma꞉tiu 17:15

alota꞉ Tekehalio. Ya weki pa꞉ta꞉ a꞉ta꞉ma꞉ homa꞉peke laata꞉ Ipikita꞉ lu lopao mea keao weki yaalo tana꞉ eleke eleke ti tala꞉ pa꞉ta꞉ make ikali pa꞉ta꞉ make lu lopatiki pu hala꞉me.

Ma꞉tiu 20:29

Yesu ipika꞉ disaipolo tonu ame̱le̱ mo Dietiko mina꞉pa꞉lao pemekeme. Kutupa wanda꞉hali wopuma꞉ iki teli mea pemekeme.

Ma꞉tiu 21:15

Yesuna꞉ epeke epeke haumanu piekeeki make mo wekiwandiki sunuma꞉ Tembolo da tukiki pa꞉ta꞉ hata꞉ Yesuna꞉ biki daeyaluekema꞉ mo Deipidina꞉ eiyekena꞉ biki yeiya꞉ lamana꞉e lemekeeki opu pitolo hata꞉ta꞉ mo hande yeni peao haemeke haliwekina꞉ you haliwekima꞉ make hande pi ula꞉eki wape pea walo hala꞉ haliwekima꞉ make mineke tieke kini pea pankolo hata꞉

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Ma꞉tiu 9:28

Yesu da pa꞉ta꞉ honda꞉ pambolo haena꞉ koto leke holu piki hali yaapota꞉ ipiki pa꞉ta꞉ epepekeme. Kutu pipiki Yesuma꞉ ipiliki pa꞉ta꞉ lota꞉ pitolo alota꞉ Ipilika꞉ honema꞉ta꞉ I̱ pa꞉ta꞉ ipiliki epeapeke wele ula꞉me hone witolo hone ti lalepepe leekeme. Ipilikana꞉ma꞉ koto pi hombo peaaso alota꞉ Aowe lepekeme.

Maka 11:10

Nika꞉ apa꞉ Deipidi ipika꞉ kilu tombuao hala꞉eki ipula꞉ ekina꞉ ipika꞉ pi lamana꞉e. Hepeni nane Hosa꞉na꞉ pi lamana꞉e. Koda꞉na꞉ biki a꞉meiyaomana꞉e lemekeme.

Maka 9:22

Hoke temokoma꞉ hoto eleke eleke ti uleke pa꞉ta꞉ make ikali pa꞉ta꞉ make ipiki hoeyaaluekema꞉ mea lopaatiki pu haya꞉me leekeme. Kutu pia꞉pate nakana꞉ma꞉ ana꞉ pia꞉ka꞉na꞉ta꞉ kota꞉ niki pa꞉ta꞉ a꞉ta꞉ma꞉ homa pa꞉ta꞉la꞉peke leekeme.

Luku 17:13

Yesu wi la do lemekeme. Yesu Aneke Halio. Nakana꞉ma꞉ niki a꞉ta꞉ma꞉ homa꞉e lemekeme.

Luku 20:41

Yesuma꞉ iki pa꞉ta꞉ alota꞉ Ekipa wanda꞉halima꞉ Ketisota꞉ hande Deipidina꞉ tapake weki yelieke lapeke ya꞉la꞉pe.

Luku 7:21

Koto tomona꞉ kone Yesuma꞉ yeni ta꞉ta꞉ ta꞉ta꞉ hake wanda꞉hali make hoke temoko pitieke wanda꞉hali wopu make leke holu piki wanda꞉hali make paeyao mea epeatiki piekeme.

Dioni 7:42

Pa ekipeke mo Baibolo bukana꞉ la꞉la꞉ ekita꞉ Ketisota꞉ Deipidi tapake hali hata꞉ta꞉ hande Deipiti hao hayeke daoni pa꞉ta꞉ Beteleha꞉ma꞉ daoni pa꞉ta꞉ mendilieke la la꞉la꞉me lemekeme.

Loma꞉ 1:3

Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.