Ma꞉tiu 9:22 - Panake Pi La: Ula: Buka pita: Kine Pieke Buka

²² Yesuma꞉ la꞉ka꞉la꞉moneao ipiki handolo alota꞉ Naka꞉ hone tulaale ekima꞉ neke epeleme leekeme. Koto leeke pa꞉ta꞉ koto kone mo wanda꞉na꞉ yeni paeyao epea hayekeme.

Ma꞉tiu 9:22 Mawu Ofanana

Ma꞉tiu 15:28

Koto leeke Yesuma꞉ hombo peaaso alota꞉ Neketa꞉ hone wopu tulaasa꞉ wanda꞉ ya꞉ka꞉ta꞉me. Koto ekina꞉ta꞉ naka꞉ hone pa꞉la꞉ hauta꞉ ota꞉ pealueke leekeme. Yesuma꞉ koto alo haena꞉ kone mo wanda꞉na꞉ waneketa꞉ paa epeke tupa꞉ tiao hayekeme.

Ma꞉tiu 17:18

Kutupa Yesuma꞉ Mo hoke temoko hando alo hata꞉ mo weki mina꞉pa꞉lae leeke handaata꞉ mo hoke temokoma꞉ mo weki mina꞉pa꞉layekeme. Kutu pieketa꞉ pa koto toma꞉na꞉ kone mo weki epea tiao hayekeme.

Ma꞉tiu 8:13

Yesuma꞉ mo ami you hali pa꞉ta꞉ alota꞉ Naka꞉ hone tulale ekima꞉ kone pealiekema꞉ da pue leekeme. Mo ami you halina꞉ e pokaeyeke halita꞉ koto kone tiaeyekeme.

Ma꞉tiu 9:2

Kutu pieketa꞉ mandane wanda꞉halima꞉ dola꞉pake piki hali homeke ipiki pa꞉ta꞉ tilina꞉ mea tia epemekeme. Yesuma꞉ ika꞉ hone tulaemekeeki handaa mo dola꞉pake piki hali handolo alota꞉ Apa꞉ma꞉ta꞉ epolo pila꞉taa. Naka꞉ hoke hauta꞉ pa paeyaasome leekeme.

Ma꞉tiu 9:29

Koto lepeke pi Yesuma꞉ opua ipilika꞉ leke wataaso alota꞉ Koto ipilika꞉ hone ti lalepe tupa꞉ kone pina꞉e leekeme.

Maka 10:52

Yesuma꞉ ipiki pa꞉ta꞉ alota꞉ Neke pue. Naka꞉ hone tulaasa꞉ ekima꞉ epeaasa꞉me leekeme. Kutupa koto kone ipika꞉ leke yaapo epeeketa꞉ Yesuna꞉ hoki nane teli mea peekeme.

Maka 5:34

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Luku 17:19

laata꞉ Yesuma꞉ mo hali pa꞉ta꞉ alota꞉ Naka꞉ hone tulale ekima꞉ neke mea epeaala꞉me. Tiao pue leekeme.

Luku 18:42

Yesuma꞉ mo hali pa꞉ta꞉ alota꞉ A꞉pa꞉la꞉me. Handa꞉e. Naka꞉ hone tulale ekima꞉ neke epeaala꞉me.

Luku 7:50

Koto leekepate Yesuma꞉ mo wanda꞉ pa꞉ta꞉ alota꞉ Naka꞉ hone tulale ekima꞉ta꞉ neke pa꞉ta꞉la꞉la꞉me. Puki lopao pue leekeme.

Luku 8:48

Koto ekina꞉ta꞉ Yesuma꞉ mo wanda꞉ pa꞉ta꞉ alota꞉ Ya wandikio. Naka꞉ hone tulale ekima꞉ naka꞉ yeni ame do kone mea epeaasa꞉me. Puki lopao pue leekeme.

Dioni 4:53

Atekema꞉ hone witolota꞉ Ambaneke koto natena꞉ kone Yesuma꞉ I̱ pa꞉ta꞉ alota꞉ Naka꞉ weki tiaalieke laa lea꞉me hone wiekeme. Koto ekina꞉ mo halima꞉ make ipika꞉ weki wanda꞉ma꞉ make hone tulaemekeme.

Aposolo 14:9

Ipikana꞉ma꞉ Poloma꞉ pi alo haena꞉ pi opiekeme. Kutupa Poloma꞉ ipiki pa꞉ta꞉ wotu handaata꞉ Do halita꞉ Koda꞉ma꞉ epeaena꞉yeke hone tulaapeke ya꞉la꞉me hone witolo hata꞉

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Hibulu 4:2

Mo Pi Seliapota꞉ ikana꞉ma꞉ opimiki tupa꞉ nikana꞉ma꞉ make opu haoma꞉me. Ikana꞉ma꞉ epeke opimikipate kone hone tulao na miniki haemeke ekima꞉ mo pima꞉ta꞉ iki tamba꞉ mea꞉peke na yekeme.