Ma꞉tiu 9:16 - Panake Pi La: Ula: Buka pita: Kine Pieke Buka

¹⁶ Ma꞉nda꞉ma꞉ amba꞉ dau tombulu epeaaluekema꞉ mo panake dau sinkipikieki mea talao na tombulu hala꞉me. Kutu pia꞉ka꞉na꞉ta꞉ panake dau sinkipiki talaasa꞉ ekima꞉ amba꞉ dau paa sinkipa ka꞉ka꞉na꞉ tieke wilieke.

Ma꞉tiu 9:16 Mawu Ofanana

Kini Pieke 33:14

Koto ekina꞉ pilisi neke amba꞉la pue. I̱ta꞉ neke telia꞉ mea yopusiki mo yaka ma꞉na꞉manu make mo wekiwandiki ame̱le̱ honkopu hao kone a꞉pa mo Idomo da a꞉pa tolu minuluekee leekeme.

Ma꞉tiu 9:15

Koto lemeke Yesuma꞉ iki pa꞉ta꞉ alota꞉ Wanda꞉ panake ta꞉ma꞉ni pita꞉la꞉ natena꞉ wanda꞉ tekehalima꞉ mo ipika꞉ wi leeke epemeke wanda꞉hali ame̱le̱ mandake hao haya꞉ka꞉na꞉ta꞉ ikana꞉ma꞉ ka꞉nda꞉ma꞉ homo halimikie hone witemepe. Dia꞉me. Koto pea꞉peke na ya꞉la꞉me. Pate ipiki mea polo pa꞉la꞉ nate ipilia꞉ natena꞉ta꞉ mo wanda꞉ teke halita꞉ iki ame̱le̱ na halieke. Koto natena꞉ta꞉ ikana꞉ma꞉ nee pi wilimikie.

Ma꞉tiu 9:17

Koto tupa꞉ kone ma꞉nda꞉ma꞉ panake waini ikalita꞉ amba꞉ ma꞉na꞉ yonkelekema꞉ wa꞉pa꞉la꞉ ipi kanake manuna꞉ na holo pambo hala꞉me. Kutu pia꞉ka꞉na꞉ta꞉ mo waini ikali hoelolu baalieke. Kutu pilia꞉ ekima꞉ta꞉ mo ma꞉na꞉ yonkeleke make ota꞉ hoeya pa wilieke. Kutu piliepate panake ma꞉na꞉ yonkelekema꞉ wa꞉pa꞉la꞉ kanakemanu mea panake waini ikali holo pambea꞉ka꞉na꞉ta꞉ kota꞉ mo ikali kanake yaapota꞉ ota꞉ epeke tupa꞉ endialipipikie laa leekeme.

Maka 2:21

Ma꞉nda꞉ma꞉ amba꞉ dauna꞉ panake dau sinkipiki mea talao na tumbulu hala꞉me leekeme. Kutu pia꞉ka꞉na꞉ta꞉ panake dau sinkipiki talaasa꞉ ekima꞉ amba꞉ dau sinkipa ka꞉ka꞉na꞉ tieke wilieke leekeme. Amba꞉ titina꞉ sinkipi ekita꞉ ota꞉ hoelieke leekeme.

Luku 5:36

Yesuma꞉ iki pa꞉ta꞉ onkoluma꞉ pi ma꞉nda꞉ dupa leekeme. Hali ma꞉nda꞉ma꞉ ipika꞉ sinkipiki amba꞉ sedi ma꞉nda꞉ epeaaluekema꞉ta꞉ ipika꞉ panake sedi tunkulu mea mo amba꞉ ekina꞉ na tombilieke. Koto hau pia꞉ka꞉na꞉ta꞉ kota꞉ ipikana꞉ma꞉ ipika꞉ panake sedi tunkulieke make mo panake aka꞉ta꞉ tunkulu mieke mo ambisanake sedi mandakena꞉ apa꞉tao tombilia꞉ka꞉na꞉ta꞉ mandake na pilieke.

Dioni 16:12

Mandane pi eleke eleke iki pa꞉ta꞉ lolo polopate pomoma꞉ weleke taapa꞉na꞉ ame do na la kulueke.

1 Kotindi 13:13

Kutu pulu pa꞉la꞉ natemanu epena꞉ yu wia hata꞉ ame do hande hau tepota꞉ pa pu hapeke ya꞉la꞉me. Dupa. Hone tulaasa꞉eki make ta꞉na꞉ma꞉ homa Koda꞉ pa꞉ta꞉ handeteke hala꞉eki make pukima꞉ homa꞉la꞉eki make do hau tepota꞉ pa pu hapeke ya꞉la꞉pate ota꞉ titina꞉ tumiki hau homeketa꞉ pukima꞉ homa꞉la꞉ekie.

2 Kotindi 9:12

Do ikana꞉ma꞉ pokeleme ema꞉ta꞉ Koda꞉na꞉ wanda꞉halina꞉ dia꞉ya꞉la꞉eki homeke na epeaasa꞉pate pa Koda꞉ pa꞉ta꞉ keiyae tieke ala꞉ pi wopu lena꞉ la꞉la꞉me