Ma꞉tiu 9:1 - Panake Pi La: Ula: Buka pita: Kine Pieke Buka

¹ Yesuma꞉ mo kawaso pa꞉ta꞉ pitulu pua mo ikali leke tunkula paa la꞉ka꞉la mone tea꞉na꞉ ipika꞉ teke da pa꞉ta꞉ opolo peekeme.

Ma꞉tiu 9:1 Mawu Ofanana

Ma꞉tiu 4:13

Ipikana꞉ma꞉ Na꞉sa꞉tete da na hao hake mo ikali leke Ka꞉lili tea꞉ nane hayeke da homeke bikita꞉ Kapeneami halo peekeme. Koto data꞉ mo Sebuloni kenke pita꞉ Na꞉petali kenke yaapo pa꞉ta꞉ wiekeme.

Ma꞉tiu 7:6

Ika꞉ Koda꞉ pa꞉ta꞉ haluekema꞉ wia꞉ haleme alemanu kika pa꞉ta꞉ na hala꞉pa꞉peke. Pa ekipeke ikana꞉ma꞉ paa la꞉ka꞉la iki lu naama꞉na꞉ loa꞉me. Kutupa ika꞉ yenki tiekema꞉ hambeeke munduku teke manuta꞉ mo ma꞉na꞉na꞉ leke pa꞉ta꞉ na lopa moneaapa꞉peke. Kutu pimika꞉na꞉ta꞉ kota꞉ koto munduku manuta꞉ mo ma꞉na꞉manu ika꞉ ankema꞉ pa tombua tombua piliekee.

Ma꞉tiu 8:18

Yesuma꞉ mo hande ipiki a꞉pa ambulaemeke wanda꞉hali handaa hone wiaata꞉ ipika꞉ hoki nane telimiki haliweki pa꞉ta꞉ alota꞉ Mo ikali leke mone tea꞉na꞉ baape leekeme.

Ma꞉tiu 8:23

Yesuma꞉ kawaso homeke pa꞉ta꞉ honda꞉ pamba pitulu peeketa꞉ ipika꞉ disaipolo haliweki make telimea pemekeme.

Maka 5:21

Yesu mo kawasona꞉ pita mone tea꞉na꞉ paa la꞉ka꞉la peeketa꞉ wanda꞉hali wopu ipiki pa꞉ta꞉ a꞉pa mombelemekeme. Ipikita꞉ tunkulu pa ula꞉ ikali tea꞉na꞉ haena꞉ mombelemekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Luku 8:40

Yesu mo kawasona꞉ pita ikali leke mone tea꞉na꞉ paa la꞉ka꞉la peeke pita꞉ma꞉ta꞉ wanda꞉halima꞉ ipika꞉ opolo polo pieke ekina꞉ yu wia handeteke haemeke ekina꞉ ta꞉na꞉ma꞉ wopu homemekeme.

Peneme Yaeyekeeki 22:11

Epi a꞉nda꞉ hoke temoko haeka꞉na꞉ta꞉ kota꞉ ota꞉ hoke hau homeke pa pu hapeke. Epi a꞉nda꞉ ha̱i̱piki some pu haeka꞉na꞉ta꞉ kota꞉ ota꞉ ha̱i̱piki hau homeke pa pu hapeke. Epi a꞉nda꞉ epeke some haeka꞉na꞉ta꞉ kota꞉ ota꞉ epeke hau homeke pa pu hapeke. Kutupa epi a꞉nda꞉ yakopiki some haeka꞉na꞉ta꞉ kota꞉ ota꞉ yako piki hau homeke pa pu hapeke.