Ma꞉tiu 8:8 - Panake Pi La: Ula: Buka pita: Kine Pieke Buka

⁸ Koto leeke handaata꞉ mo somema꞉ alota꞉ O dia꞉me. Neke ya da pa꞉ta꞉ epo alota꞉ I̱ta꞉ epeke hali dia꞉ ya꞉la꞉ ekina꞉ nakana꞉ma꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ hali tialieke.

Ma꞉tiu 8:8 Mawu Ofanana

Kini Pieke 32:10

I̱ta꞉ naka꞉ e pokaaso hali hata꞉ nakana꞉ma꞉ I̱ pa꞉ta꞉ a꞉ta꞉ma꞉ homa tamba꞉ mina꞉la꞉eki make kima꞉ na homa꞉la꞉eki make ki ekita꞉ I̱ta꞉ ana꞉ na pa꞉la꞉me. I̱ma꞉ta꞉ mone yopuluta꞉ mo hande Diodani ikalita꞉ ala꞉ta꞉ ma꞉nda꞉ na miniki pa tumapu piti homeke yumua꞉pate pa ame ipuluta꞉ do tapake yaapo ame̱le̱ ipulume.

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Ma꞉tiu 3:14

Kutu piekepate Yesuna꞉ hone topo pina꞉yeke Dionima꞉ ipiki pa꞉ta꞉ dupa leekeme. Nakana꞉ma꞉ I̱ bapitaisi peapekealeo. Pa neketa꞉ I̱ma꞉ bapitaisi peano I̱ pa꞉ta꞉ epeka꞉ta꞉me leekeme.

Ma꞉tiu 8:3

Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.

Ma꞉tiu 8:7

Yesuma꞉ ipika꞉ pi hombo peaaso alota꞉ Epeaalo pulueke leekeme.

Ma꞉tiu 8:9

Pa ekipeke. I̱ta꞉ mandane ami you haliweki oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa ya pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Luku 15:19

Koto polo ekima꞉ I̱ta꞉ naka꞉ weki au lapeke na ya꞉la꞉me. Koto ekina꞉ naka꞉ e pokalo polo hali hano lolena꞉e laa lolueke hone wiekeme.

Luku 15:21

Hande eiyekema꞉ ateke pa꞉ta꞉ alota꞉ Apa꞉o. Neke pa꞉ta꞉ make Koda꞉ pa꞉ta꞉ make hoke hau polome. Koto polo ekima꞉ I̱ta꞉ naka꞉ weki au lapeke na ya꞉la꞉me leekepate

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Dioni 1:27

Koto halita꞉ ya hoki nane ipula꞉pate ipika꞉ anke dake limbiti pa꞉la꞉ pu I̱ma꞉ ka꞉la꞉papeke ana꞉ na pa꞉la꞉me leekeme.