Ma꞉tiu 8:4 - Panake Pi La: Ula: Buka pita: Kine Pieke Buka

⁴ Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Ma꞉tiu 8:4 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 16:20

Koto leeke Yesuma꞉ iki hando alo alota꞉ I̱ta꞉ Ketiso yekeme laa wanda꞉hali ma꞉nda꞉ pa꞉ta꞉ na lapa꞉peke leekeme.

Ma꞉tiu 17:9

Potena꞉ hola꞉pa꞉niaaso haena꞉ Yesuma꞉ iki hando alo hata꞉ alota꞉ Oli hande upama꞉ handeke nono pimi hauta꞉ ma꞉nda꞉ pa꞉ta꞉ na lapa꞉peke laata꞉ Wanda꞉halina꞉ Eiyeketa꞉ ota꞉ homaa paa tiao haowa꞉ka꞉na꞉ alota꞉ ana꞉ pilieke leekeme.

Ma꞉tiu 3:15

Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.

Ma꞉tiu 5:17

Mo hande Mosesina꞉ Pi Ula꞉ ekimanu make o Potopede haliwekima꞉ walemeke pimanu make paeyaluekema꞉ a꞉pa꞉la꞉me hone na wia꞉pa꞉peke. Koto ika꞉ walemeke mana꞉ pimanu paeyaaluekema꞉ dia꞉ ya꞉pate pa yawaluekema꞉ epolome.

Ma꞉tiu 6:1

Koda꞉na꞉ pi miniki haleme wanda꞉halima꞉ ika꞉ tamba꞉ mina꞉la꞉ haumanu pea꞉pekeeki wanda꞉halima꞉ handena꞉ handaena꞉ tupa꞉ puluekema꞉ hone ota꞉ na wiki yopu kone pea꞉pa꞉peke. Pa ekipeke. Wanda꞉halima꞉ handena꞉yeke handaena꞉ hau pimika꞉na꞉ta꞉ kota꞉ mo naka꞉ hepeni hala꞉ Apa꞉ma꞉ kia꞉ka꞉na꞉ mulu peleme epeke yenkita꞉ homeke siki a꞉nda꞉ make ota꞉ na milimikie.

Ma꞉tiu 9:30

Koto pi alo haena꞉ kone ipilika꞉ leke ki leekeme. Kutu pieke Yesuma꞉ ipiliki hando alo hata꞉ alota꞉ Ma꞉nda꞉ pa꞉ta꞉ na pua lapa꞉peke leekeme.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Maka 3:12

Kutupa Yesuma꞉ mo hoke temokomanu pa꞉ta꞉ hando alo alota꞉ I̱ na peneme yaapa꞉peke leekeme.

Maka 5:43

Yesuma꞉ iki pa꞉ta꞉ hando alo hata꞉ alota꞉ Ma꞉nda꞉ pa꞉ta꞉ na lapa꞉peke leekeme. Kutupa wandiki pa꞉ta꞉ ne mea hala꞉pa꞉peke leekeme.

Maka 6:11

Da ma꞉nda꞉ nane pemeka꞉na꞉ta꞉ iki na handa꞉ mimika꞉na꞉ta꞉ ika꞉ pi na opimiki kiaemeka꞉na꞉ta꞉ kota꞉ koto da pa꞉ta꞉ na hake pemeka꞉na꞉ta꞉ ika꞉ ankena꞉ tala꞉la꞉ dokolo tandelapa꞉peke. Mo wanda꞉halima꞉ kiaemekeeki tombo waluekema꞉ tandelapa꞉peke leekeme.

Maka 7:36

Yesuma꞉ wanda꞉hali paeyao pa꞉ta꞉ mana꞉ honkopu hao alota꞉ Ma꞉nda꞉ pa꞉ta꞉ do pitoloeki na lapa꞉peke leekepate kone wanda꞉halima꞉ pa honkopu hao la꞉tia tia pea hande leeke pita꞉ kende tupa꞉ wina꞉ lemekeme.

Maka 8:30

Yesuma꞉ iki pa꞉ta꞉ hando alo hata꞉ alota꞉ I̱ pa꞉ta꞉ koto aleme pita꞉ wanda꞉hali ma꞉nda꞉ pa꞉ta꞉ na lapa꞉peke leekeme.

Maka 9:9

Potena꞉ hola꞉pa꞉niaaso hata꞉ Yesuma꞉ iki hando alo hata꞉ alota꞉ Oli handemeeki ma꞉nda꞉ pa꞉ta꞉ na lapa꞉peke. Wanda꞉halina꞉ Eiyeketa꞉ ota꞉ homa paa tiao haya꞉ka꞉na꞉ alota꞉ Ana꞉ pilieke leekeme.

Luku 17:14

Yesuma꞉ iki handa alota꞉ mo yeni peao hala꞉ haliwekima꞉ iki handena꞉ pupe leekeme. Kutupa mo haliwekita꞉ mo pota꞉na꞉ pulu haena꞉ kone mea epeaeyekeme.

Luku 21:13

Koto nateta꞉ ikana꞉ma꞉ mo hande Pi Seliapo la halo peleme ekina꞉ waleke wita꞉la꞉me.

Luku 4:41

Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Luku 5:14

Yesuma꞉ pi honkopu hao ipiki pa꞉ta꞉ alota꞉ Do pitolo ekita꞉ ma꞉nda꞉ pa꞉ta꞉ a̱i̱ na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Luku 8:56

Kotoeki handaata꞉ mo wandikina꞉ ateke inkiki yaapoma꞉ta꞉ dota꞉ ota꞉ pita꞉la꞉pe honema꞉ lapeke pi pea꞉ mamata꞉pa pekepate Yesuma꞉ mo tooli pa꞉ta꞉ pi tanda pikima꞉ alota꞉ Wanda꞉hali ma꞉nda꞉ pa꞉ta꞉ do pitoloeki na la hala꞉pa꞉peke leekeme.

Luku 9:21

Koto leeke Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ ota꞉ loa꞉ma꞉ do pita꞉ wanda꞉hali ma꞉nda꞉ pa꞉ta꞉ na lapa꞉peke leekeme.

Dioni 5:41

Wanda꞉halima꞉ yaka pi laena꞉yeke na weitolopate

Dioni 7:18

Hali epima꞉ ipika꞉ hone wia pi lea꞉ka꞉na꞉ta꞉ kota꞉ ipika꞉ biki kone a꞉meiyaasa꞉me. Koto pa꞉la꞉pate hali epima꞉ ipika꞉ biki kone na a꞉meiyaake ipiki tapaala꞉ halina꞉ biki a꞉meiyaluekema꞉ pia꞉ka꞉na꞉ta꞉ kota꞉ koto halita꞉ yayapiki hau pita꞉la꞉ hali dia꞉me. Ota꞉ hau pita꞉la꞉ halie.

Dioni 8:50

I̱ma꞉ta꞉ yaka pi kone na laasopate hali ma꞉nda꞉ma꞉ yaka pi laluekema꞉ pita꞉la꞉pate ipikita꞉ pi yokaalu pulu pa꞉la꞉ halie.