Ma꞉tiu 8:26 - Panake Pi La: Ula: Buka pita: Kine Pieke Buka

²⁶ Yesuma꞉ hombo peaaso alota꞉ Ekipeke handa paala꞉ tiekema꞉ homelemepe. Ikita꞉ hone wotu na tulake some hombo ya꞉ka꞉ta꞉me laata꞉ Ipikana꞉ma꞉ tia liao hata꞉ mo hande po tilipu pita꞉ ikali ho yaapo tunkulina꞉ pi leekeme. Koto leeketa꞉ mo hande po ikali yaapo tunkula la꞉ma꞉ na piki e pondo na leke wiekeme.

Ma꞉tiu 8:26 Mawu Ofanana

Ma꞉tiu 16:8

Kutupa Yesuma꞉ ika꞉ hone wimikieki handolo hata꞉ iki pa꞉ta꞉ alota꞉ Ne dia꞉ ya꞉leke ekipeke pi pi alemepe. Ika꞉ hone tulaaseme ekita꞉ ota꞉ hosiki siki ya꞉ka꞉ta꞉me.

Ma꞉tiu 17:20

Yesuma꞉ hombo peaaso alota꞉ Ika꞉ hone tulaleme ekita꞉ aneke hapu na tulaemeke handa pia꞉me. I̱ma꞉ iki pa꞉ta꞉ ota꞉ ota꞉ pi alome. Ika꞉ hone tulaleme ekita꞉ mo ki̱mi̱le̱ma꞉ handeke ale masidadi waema꞉ handekeeki wimika꞉na꞉ta꞉ kota꞉ ikana꞉ma꞉ do pote pa꞉ta꞉ alo hata꞉ Mo pate leke pue laa la halemeka꞉na꞉ta꞉ kota꞉ koto pa꞉ta꞉ yola꞉ monealieke. Kutu piki hone tulalimi ekima꞉ta꞉ hau paeyao pea꞉pa꞉peke yelimikie.

Ma꞉tiu 6:30

Mo ame homeke opa haena꞉ laa tunkula hapuao beliata꞉ tina꞉ yanka꞉peke yeke moma manuna꞉ auta꞉ Koda꞉ma꞉ lawao haya꞉ka꞉na꞉ta꞉ a꞉pee kota꞉ ika꞉ hone tulaaseme ekita꞉ ota꞉ hodikale siki ya꞉ka꞉ta꞉me. Koto alemanu pa꞉ta꞉ kone Koda꞉ma꞉ kutu pu haya꞉ka꞉na꞉ta꞉ kota꞉ ipikana꞉ma꞉ iki make ota꞉ ana꞉na꞉ kone handeteke halieke.

Ma꞉tiu 8:27

Kutu piekeeki handolo hata꞉ paeyaoma꞉ penkilipa꞉tia pomimikime. Mo ikali pita꞉ po tilipu yaapoma꞉ ipika꞉ pi ota꞉ opita꞉la꞉ ekita꞉ do someta꞉ eki piki some yekea lemekeme.

Luku 4:35

Koto ekina꞉ Yesuma꞉ mo hoke temoko pa꞉ta꞉ tandapiki pi alo hata꞉ alota꞉ Neketa꞉ koto hali ota꞉ mina꞉pa꞉lao naka꞉ pi na leke a̱i̱ hosiki ya꞉la꞉na꞉ kone yopue leekeme. Koto pi leekeeki opua mo hoke temokoma꞉ mo wanda꞉halina꞉ leke taapuna꞉ mo hali mea wato lopao yopusiki hama nane opolu baeyekepate mo halina꞉ loke ma꞉nda꞉ na mea hoeyaeyekeme.

Loma꞉ 4:20

Koda꞉ma꞉ la꞉ wieke pita꞉ ipikana꞉ma꞉ hone ti na yokeke hone tulatiki pu hao hayekeme. Kutu pia꞉tiki pu hayeke ekima꞉ da̱o̱la hata꞉ Koda꞉na꞉ pi laatiki pu hayekeme.

Peneme Yaeyekeeki 10:2

Ipika꞉ kikina꞉ta꞉ pi ula꞉ buka hosiki ale siki lumbu wia haya꞉me. Ipika꞉ popeke nane anketa꞉ dawala manda wia ipika꞉ hoe nane anketa꞉ kenkena꞉ wia haya꞉me.