Ma꞉tiu 7:28 - Panake Pi La: Ula: Buka pita: Kine Pieke Buka

²⁸ Yesuma꞉ do koto pimanu walo paeyaeyeketa꞉ mo hande mombelemeke wanda꞉hali paeyaoma꞉ta꞉ leke opo handaake wimikime.

Ma꞉tiu 7:28 Mawu Ofanana

Ma꞉tiu 11:1

Yesuma꞉ ipika꞉ 12 disaipolo haliweki pa꞉ta꞉ koto mana꞉ pimanu la hala paeyeke hoki naneta꞉ koto kenke mina꞉pa꞉lao pa mo teke pa꞉ta꞉manu haemeke daonimanu pa꞉ta꞉ pua mo Koda꞉na꞉ mana꞉ pimanu walo moka꞉la꞉ tiao make mo Pi Seliapo walo hayekeme.

Ma꞉tiu 19:1

Koto piekeeki manuna꞉ pimanu la paeyeketa꞉ Yesuma꞉ mo Ka꞉lili kenke mina꞉pa꞉laota꞉ mo Diodani ikali mone tea꞉na꞉ wieke Diudia kenke nane peekeme.

Ma꞉tiu 22:33

Mo mombelemeke wanda꞉halima꞉ koto leeke pi opitolota꞉ mo pina꞉ paala꞉ pieke penkili polo hata꞉ leke opo handa꞉ hake wimikime.

Ma꞉tiu 26:1

Koto waleeke mana꞉ pimanu paeyaaso hata꞉ Yesuma꞉ ipika꞉ disaipolo tonu pa꞉ta꞉ alota꞉

Ma꞉tiu 7:27

Nate ma꞉nda꞉na꞉ lako tieke lopeeke ekima꞉ ikalimanu paeyao too make po tilipu tiekema꞉ mo dana꞉ ambula ambula pieke ekima꞉ mo data꞉ mea lombayekeme. Ota꞉ hoeya꞉hapu mea lombao hoeyaeyekeme.

Ma꞉tiu 7:29

Pa ekipeke ipikita꞉ mo ika꞉ hande Lo Pimanu walo haemeke haliwekima꞉ walo haemeke tupa꞉ na waleekeme. Pate ipikita꞉ biki ula꞉ halima꞉ waleke nono pieke handaa pimikime.

Maka 1:22

Kutupa wanda꞉halima꞉ta꞉ Yesuma꞉ waleeke pi opuaata꞉ leke opo handake wimikime. Wape pea wala꞉tiki pu haemeke haliwekima꞉ walo haemeke tupa꞉ na waleke ipikana꞉ma꞉ biki ula꞉ halima꞉ wala꞉la꞉ tupa꞉ waleeke handa pimikime.

Maka 11:18

Wanda꞉hali wopuma꞉ Yesuna꞉ waleeke pimanu opuaata꞉ penkili pimiki handaata꞉ mo yeni peao haemeke you haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ paala꞉ma꞉ homolo hata꞉ ipiki lu alu palo pimiki pota꞉ weimikime.

Maka 6:2

Kutupa mo Hoto Pila꞉ Natena꞉ Diu haliwekina꞉ pi hotu haemeke da tukiki pa꞉ta꞉ honda꞉ pamba puaata꞉ pi waleekeme. Mo yeni pu haemeke da pa꞉ta꞉ pitimiki wanda꞉hali wopuma꞉ opua penkilipa꞉tia pominolo hata꞉ alota꞉ Do wala꞉la꞉eki paeyaota꞉ ipikana꞉ma꞉ hando pa꞉ta꞉ opua pa꞉la꞉pe. Do halima꞉ ipikana꞉ma꞉ epeke honemanu ekipa handa꞉ wia mea pa꞉la꞉pe laa ipikana꞉ma꞉ wele pita꞉la꞉ ekimanu do aleke welema꞉ pita꞉la꞉pe.

Luku 19:48

Kutu pimikipate ikana꞉ma꞉ pota꞉ ma꞉nda꞉ na handa꞉ wimikime. Pa ekipeke. Wanda꞉hali paeyaoma꞉ ipika꞉ pi pa oputia pulu hata꞉ ipika꞉ pi ma꞉nda꞉ hosiki siki make mina꞉pa꞉laluekema꞉ na taapemekeme.

Luku 2:47

Yesuma꞉ta꞉ tandapiki hombo peatiki pieke ekina꞉ mo ipika꞉ pi opimiki wanda꞉hali paeyaota꞉ penkilipa꞉tia pomimikime.

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Luku 4:32

Mo wanda꞉halima꞉ta꞉ Yesuma꞉ waleekeeki opuaata꞉ leke opo handake wimikime. Pa ekipeke. Ipikana꞉ma꞉ biki ula꞉ halima꞉ wala꞉la꞉ tupa꞉ waleeke handaa pimikime.

Luku 7:1

Kutupa Yesuma꞉ mo wanda꞉hali pa꞉ta꞉ koto pimanu lo paeyaota꞉ mo Kapeneami daoni nane peekeme.

Dioni 7:15

Mo Diu haliwekima꞉ penkilipitolo hata꞉ alota꞉ Do halita꞉ sukulu na piki halima꞉ kone wopu handa ula꞉ ekita꞉ ekipa pa꞉la꞉pe lemekeme.

Dioni 7:46

Mo tembolo da handeteke haemeke haliwekima꞉ ika꞉ pi hombo peaaso alota꞉ Amba꞉ hata꞉ make do halima꞉ ala꞉ tupa꞉ ma꞉nda꞉ma꞉ dupiki pi na leekeme.