Ma꞉tiu 7:25 - Panake Pi La: Ula: Buka pita: Kine Pieke Buka

²⁵ Nate ma꞉nda꞉na꞉ lako tieke lopeeke ekima꞉ ikalimanu paeyao too make po tilipu tiekema꞉ mo dana꞉ ambula ambula piekepate mo data꞉ toopi manda a꞉eyeke ekima꞉ na lombiekeme.

Ma꞉tiu 7:25 Mawu Ofanana

Ma꞉tiu 16:18

Koto ekina꞉ dupa alome. Neketa꞉ Pidae. (nika꞉ pima꞉ta꞉ Toopie) Koto toopi mandaata꞉ ya siosi a꞉elueke. Kutupa mo homo hala꞉ ekina꞉ honkopuma꞉ kone koto siosi ota꞉ na bepolao halieke.

Ma꞉tiu 7:24

Kutaata꞉ wanda꞉hali epima꞉ do ya pimanu opuaata꞉ koto alo ekimanu ota꞉ pu haya꞉ka꞉na꞉ta꞉ kota꞉ ipikita꞉ mo hande hone wopu wia toopi manda da a꞉eyeke hali tupa꞉ hala꞉me.

Ma꞉tiu 7:26

Pate wanda꞉hali epima꞉ do ya pimanu opuaata꞉ koto alo ekimanu na pu haya꞉ka꞉na꞉ta꞉ kota꞉ ipikita꞉ mo hande hone wopu na wiki hou manda da a꞉eyeke hali tupa꞉ hala꞉me.

Ma꞉tiu 7:27

Nate ma꞉nda꞉na꞉ lako tieke lopeeke ekima꞉ ikalimanu paeyao too make po tilipu tiekema꞉ mo dana꞉ ambula ambula pieke ekima꞉ mo data꞉ mea lombayekeme. Ota꞉ hoeya꞉hapu mea lombao hoeyaeyekeme.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Kolosi 2:7

Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

1 Pida 1:5

Koda꞉na꞉ pa꞉ta꞉la꞉la꞉ ekita꞉ mo paetolo natena꞉ peneme yao opolo epena꞉ ana꞉lao hala꞉me. Koto ekina꞉ ikana꞉ma꞉ do pa꞉ta꞉ la꞉la꞉ ekita꞉ muluekema꞉ yu wia haaso hata꞉ta꞉ ika꞉ Koda꞉ pa꞉ta꞉ hone tulaasemeke handa ipika꞉ wele pita꞉la꞉ ekima꞉ta꞉ iki handeteke hala꞉me.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.