Ma꞉tiu 7:21 - Panake Pi La: Ula: Buka pita: Kine Pieke Buka

²¹ Mo I̱ pa꞉ta꞉ Tekehali Tekehali lo haleme wanda꞉hali paeyaoma꞉ oli hepenina꞉ Kilu Tombuao Hala꞉ pa꞉ta꞉ na pelimikie. Kotoeki na pulu pelemepate mo ya hepeni hala꞉ Apa꞉na꞉ hone pa꞉la꞉ hau pu haleme wanda꞉hali homeke homeke honda꞉ pambaa pelimikie.

Ma꞉tiu 7:21 Mawu Ofanana

Ma꞉tiu 12:50

Mo ya hepeni nane hala꞉ Apa꞉na꞉ hone pa꞉la꞉ haumanu peao haleme wanda꞉halita꞉ ikita꞉ ya ana꞉ ama꞉ kametonue leekeme.

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 18:19

Pa ameta꞉ do pi make apa꞉taaso iki pa꞉ta꞉ alome. Iki paeyao tukiki pa꞉ta꞉ epi yaapo a꞉nda꞉ma꞉ mo pea꞉peke hau homeke a꞉nda꞉ do pate puluekema꞉ epena꞉e laa homeke hone wia hata꞉ yeni pipika꞉na꞉ta꞉ kota꞉ oli ya hepeni hala꞉ Apa꞉ma꞉ opua ipilika꞉ hone pa꞉la꞉ ekita꞉ ota꞉ peawalieke.

Ma꞉tiu 18:3

Kutaa ipikana꞉ma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ hone topo pina꞉ lena꞉ laata꞉ mo weki siki leke na haemeka꞉na꞉ta꞉ kota꞉ ikana꞉ma꞉ hepenina꞉ Kilu Tombuao Hala꞉ pa꞉ta꞉ ota꞉ na honda꞉ pambilimikie.

Ma꞉tiu 18:35

Yesuma꞉ do onkoluma꞉ pi lo a꞉mbolo hata꞉ alota꞉ Ikana꞉ma꞉ ika꞉ yankekena꞉ hoke hau pimiki ekimanu ika꞉ pukima꞉ ota꞉ hone na yonka꞉laemeka꞉na꞉ta꞉ kota꞉ yaka hepeni hala꞉ Apa꞉ma꞉ mo hande Kini halima꞉ pieke tupa꞉ kone iki paeyao pa꞉ta꞉ make koto mandake tupa꞉ kone pilieke leekeme.

Ma꞉tiu 19:24

Iki pa꞉ta꞉ paa taa alo handa꞉e. Mo kemolo ma꞉na꞉ma꞉ mo no̱i̱ ka꞉ka꞉na꞉ pa꞉ta꞉ ana꞉na꞉ honda꞉ pamba yopua꞉peke ekina꞉ ka꞉nda꞉ta꞉ pa mo hamoko halima꞉ Koda꞉na꞉ Kilu Tombuao Hala꞉ tukiki pa꞉ta꞉ pua꞉peke ekina꞉ mia꞉peke ka꞉nda꞉ tupa꞉ na milieke alome leekeme.

Ma꞉tiu 25:10

Koto lemeketa꞉ hande hone wopu na wimiki wandiki tonuma꞉ iki mina꞉pa꞉lao mo ika꞉eki ta꞉ta꞉ hambuluekema꞉ pemekeme. Koto pemeke hoki naneta꞉ mo hande wanda꞉ mulu pieke some opolo epeekeme. Kutu pieke toma꞉na꞉ta꞉ mo hande hone wopu wia tikitiki yao haemeke yunki hata꞉ wandiki tonuta꞉ ipiki ame̱le̱ mo hande wanda꞉ mina꞉la꞉ ne noluekema꞉ mombelemeke pa꞉ta꞉ pua pota꞉ poka ne no pitulu pemekeme.

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Ma꞉tiu 26:39

Hosiki mo pate leke puaata꞉ kenkena꞉ puki yama peliniaaso dupiki yeni piekeme. Ya Apa꞉o. Nakana꞉ma꞉ pea꞉peke ya꞉ka꞉na꞉ta꞉ kota꞉ do ipula꞉ ka꞉nda꞉ tieke wopu tumbiki kapota꞉ I̱ pa꞉ta꞉ na epena꞉ leke yoka꞉ muelena꞉e laa hone pa꞉la꞉pate ya hone pa꞉la꞉eki dia꞉me. Pa naka꞉ hone pa꞉la꞉eki homekee leekeme.

Ma꞉tiu 26:42

Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.

Maka 3:35

Koda꞉na꞉ hone pa꞉la꞉ hau pu haleme wanda꞉hali ikita꞉ ya kame ya ana꞉ ya ama꞉ halememe leekeme.

Maka 9:47

Naka꞉ lekema꞉ hoke hau puelena꞉ lea꞉ka꞉na꞉ta꞉ naka꞉ leke yoka꞉ mea baapeke leekeme. Leke homeke hata꞉ Koda꞉na꞉ Kilu Tombuao Hala꞉eki pa꞉ta꞉ peka꞉na꞉ta꞉ epelieke. Leke yaapo haeka꞉na꞉ta꞉ mo ti to hala꞉ alena꞉ neke mea lopaeya꞉ka꞉na꞉ta꞉ hoelieke leekeme.

Luku 11:28

Koto leeke Yesuma꞉ alota꞉ Dia꞉me. Koda꞉na꞉ pi opua pu haleme wanda꞉hali ikana꞉ma꞉ta꞉ ta꞉na꞉ma꞉ wotu homa꞉peke ya꞉la꞉me leekeme.

Luku 13:25

Mo da teke halima꞉ta꞉ tiao pota꞉ pokilieke. Kutu pia꞉ka꞉na꞉ta꞉ iki hama hata꞉ta꞉ pota꞉ kake kilikili laaso alota꞉ Tiekeo. Niki epomono pota꞉ lomba꞉e lelimipate ipikana꞉ma꞉ hombo peaaso alota꞉ Ikita꞉ I̱ na handoloma꞉ Ikita꞉ hanema꞉ epelemepe laa lelieke.

Luku 18:25

Mo kemolo ma꞉na꞉ma꞉ mo no̱i̱ ka꞉ka꞉na꞉ pa꞉ta꞉ ana꞉na꞉ honda꞉ pamba yopua꞉peke ekina꞉ ka꞉nda꞉ta꞉ pa mo hamoko halima꞉ Koda꞉na꞉ Kilu Tombuao Hala꞉eki tukiki pa꞉ta꞉ pua꞉peke ekina꞉ mia꞉peke ka꞉nda꞉ tupa꞉ na milieke alome leekeme.

Luku 6:46

Pa ekipeke ikana꞉ma꞉ I̱ pa꞉ta꞉ Tekehalio. Tekehalio alo hata꞉ pu halemepe.

Dioni 14:7

Ikana꞉ma꞉ I̱ handemeka꞉na꞉ta꞉ yaka Apa꞉ make handilimikie. Ameta꞉ ipiki handolo pelemeeki ameta꞉ kini pitelememe laa ipikita꞉ amba꞉ handelememe la leekeme.

Dioni 15:23

Hali epima꞉ I̱ pa꞉ta꞉ a꞉nda꞉ lia꞉ka꞉na꞉ta꞉ kota꞉ yaka Apa꞉ pa꞉ta꞉ make a꞉nda꞉ lita꞉la꞉me.

Dioni 3:5

Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali homeke a꞉nda꞉ ikalima꞉ make Sipitidima꞉ make ipikita꞉ panake weki leke paa na mendia꞉ka꞉na꞉ta꞉ Koda꞉ ipika꞉ Kilu Tombuao Hala꞉eki pa꞉ta꞉ na honda꞉ pamba pelieke laa

Dioni 5:17

Koto ekina꞉ Yesuma꞉ ika꞉ pi hombo peaaso alota꞉ Yaka Apa꞉ma꞉ hoto paeyao e poko hala꞉me. Kutupu hala꞉ ekina꞉ I̱ma꞉ make e pokolome leekeme.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Dioni 7:17

Hali epima꞉ Koda꞉na꞉ hone pa꞉la꞉ hau puluekema꞉ hone pia꞉ka꞉na꞉ta꞉ kutu pita꞉la꞉ halima꞉ta꞉ I̱ma꞉ do waloloeki Koda꞉na꞉eki kone walaasoeki make o yaka hone wia waloloeki make handa꞉ wilieke.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Loma꞉ 2:13

Koda꞉ma꞉ta꞉ wanda꞉hali ipiki yaapo tikitiki yao haena꞉ ala꞉ ekita꞉ mo wanda꞉halima꞉ hande Lo Pimanu pa katakema꞉ homeke opiteleme ekina꞉ na pikita꞉ hande Lo Pimanu opua piteleme ekina꞉ haena꞉ lelieke.

Epesese 6:6

Handeteke hala꞉ haliweki ta꞉na꞉ma꞉ homaaluekema꞉ mo haliwekina꞉ leke popelekema꞉ hata꞉ homeke na piki Ketisona꞉ e pokaaseme haliweki hata꞉ Koda꞉ ipika꞉ hone pa꞉la꞉ hau puluekema꞉ honkopu hao pea꞉pa꞉peke.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

1 Desalonaika 4:3

Koda꞉ma꞉ iki pa꞉ta꞉ hone pa꞉la꞉ hauta꞉ dupae. Ikana꞉ma꞉ yakopiki wanda꞉hali hata꞉ta꞉ suseke haasa꞉ hau ma꞉nda꞉ na piki hamina꞉yeke hone pa꞉la꞉me.

1 Desalonaika 5:18

Kutupa eki a꞉nda꞉ paeyaona꞉ make Koda꞉ pa꞉ta꞉ keiyae pi lo hapa꞉peke. Do haumanu ikana꞉ma꞉ Yesu Ketiso ame̱le̱ ta꞉ma꞉ni pea hata꞉ puemena꞉yeke Koda꞉ma꞉ hone pa꞉la꞉me.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Hibulu 4:6

Mo Pi Seliapo titina꞉ opimiki wanda꞉halima꞉ ika꞉ hone na tulaemeke ekima꞉ta꞉ mo hande hoto pita꞉pekeeki na mimikime. Kutu pimikita꞉ ameta꞉ pa mandane wanda꞉halima꞉ mo koto hoto pila꞉eki mia꞉peke ya꞉la꞉me.

Dia꞉mesi 1:22

Hande pi ale manuta꞉ pa katakema꞉ homeke opitolo hata꞉ ika꞉ kone makeaasememe. Kotoeki na pikita꞉ pi opuata꞉ ota꞉ pea꞉pa꞉peke.

1 Pida 2:15

Koda꞉na꞉ hone pa꞉la꞉ ekita꞉ dupa Mo hone na wiki wanda꞉hali ika꞉ napeke na wiki pi aleme ekita꞉ ikana꞉ma꞉ ika꞉ epeke hau piteleme ekima꞉ sa꞉sa꞉ puemena꞉ hone ula꞉me.

1 Pida 4:2

Koto ekina꞉ ame do aneta꞉ ikana꞉ma꞉ do kenkena꞉ hata꞉ ika꞉ hone tiaaseme ekima꞉ iki na handeteke haena꞉ leketa꞉ Koda꞉na꞉ hone pa꞉la꞉ ekima꞉ iki handeteke haena꞉ lo hapa꞉peke.

Peneme Yaeyekeeki 2:27

Mo ayenima꞉ wepieke dopitama꞉ handeteke hamena꞉ laata꞉ mo kenkema꞉ wa꞉pa꞉la꞉ kanakema꞉ handaa yambolo sasape puemena꞉ lolueke.

Peneme Yaeyekeeki 22:14

Epi amedama꞉ ika꞉ aka꞉manu tanda꞉pa hake peaemeka꞉na꞉ta꞉ ta꞉na꞉ma꞉ homena꞉e. Ikita꞉ mo hande da꞉ta꞉la꞉eki hala꞉la꞉ tina꞉ kiliki nena꞉ make mo daonina꞉ pota꞉ kake pa꞉ta꞉ yama꞉ pena꞉ make waleke halieke.

Peneme Yaeyekeeki 3:5

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ dupiki hake piki dau yamilieke. Kutupa ika꞉ bikita꞉ mo deto haleme wanda꞉halina꞉ bukana꞉ ula꞉ ekita꞉ I̱ma꞉ na honulueke. Yaka Apa꞉ make ipika꞉ enisolo manuna꞉ leke popelekena꞉ peneme yao hata꞉ Ikita꞉ yaka tapakee lolueke lea꞉me.