Ma꞉tiu 7:15 - Panake Pi La: Ula: Buka pita: Kine Pieke Buka

¹⁵ Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Ma꞉tiu 7:15 Mawu Ofanana

Ma꞉tiu 10:17

Mo haliwekima꞉ iki pa꞉ta꞉ pulu peleme ekimanu wopu handeteke hao hapa꞉peke. Ikana꞉ma꞉ iki da꞉ka꞉pa꞉ mina pi yokaaluna꞉ mea pua make mo ika꞉ pi hotu haleme da pa꞉ta꞉manu iki yombilimikie.

Ma꞉tiu 16:11

Ekieki pea ikana꞉ma꞉ hone na witemepe. I̱ma꞉ta꞉ mo ota꞉ palaowana꞉ na loa꞉pate pa mo Pa꞉tisitonu pita꞉ Sa꞉dusi haliweki yaapona꞉ palaowa pombei yaasa꞉ yisitima꞉ handeke pimanu alemeeki handeteke hapa꞉ laa alome.

Ma꞉tiu 16:6

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi Sa꞉dusi tapake yaapona꞉ palaowa pombei yaasa꞉eki wotu handa꞉pa꞉peke leekeme.

Ma꞉tiu 24:11

Koto mandake dina꞉ koneta꞉ yayapiki pi walaasa꞉ potopede haliweki wopu tiaaso hata꞉ wanda꞉hali wopu makealieke.

Ma꞉tiu 7:14

Kutu pu halemepate mo wanda꞉halima꞉ deto hala꞉eki mia꞉peke ya꞉la꞉ pota꞉ kaketa꞉ ota꞉ dekepeke pota꞉ kakee. Kutupa ipika꞉ pota꞉ make ka꞉nda꞉ pa꞉leke handaa wanda꞉hali hosikima꞉ homeke handa꞉ u halememe.

Luku 12:15

Koto laa Yesuma꞉ paeyao pa꞉ta꞉ alota꞉ Handeteke hapa꞉peke. Hande pasa꞉tei hau ta꞉ta꞉ ta꞉ta꞉ pikieki a꞉paapa꞉na꞉ ika꞉ kone wopu handeteke hata꞉ leke leke lo hapa꞉peke. Wanda꞉hali paeyaoma꞉ hamoko tieke ekipa haena꞉ kone ika꞉ da꞉ta꞉la꞉ ekina꞉ teketa꞉ ika꞉ wia haleme alemanu pa꞉ta꞉ na ula꞉me leekeme.

Luku 6:26

A꞉pei. Wanda꞉hali paeyaoma꞉ ika꞉ hauna꞉ pi laemeka꞉na꞉ta꞉ ka꞉nda꞉ tieke ipula꞉me. Ekipeke amba꞉ kiake koto wanda꞉halina꞉ apa꞉meima꞉ mo makeaaso potopede haliweki tonu pa꞉ta꞉ lo haemeke tupa꞉ kone alo alememe leekeme.

Dioni 10:12

Mo yenki e poka꞉la꞉ somema꞉ pa ma꞉nda꞉na꞉ sipisipi ma꞉na꞉manu handeteke hawaaso hata꞉ mo tikene kika epea꞉ka꞉na꞉ta꞉ ipikita꞉ teke some dia꞉yalo hata꞉ mo ma꞉na꞉manu mina꞉pa꞉lao pindipa pelieke. Koto ekina꞉ mo tikene kikama꞉ hande ma꞉na꞉manu lu nea꞉ka꞉na꞉ta꞉ ta꞉ta꞉ ta꞉ta꞉ pea pindipa pelimikie.

Aposolo 13:40

Koto pa꞉la꞉ ekina꞉ wotu handeteke hapa꞉peke. Mo hande potopede haliwekima꞉ leeke ekimanu iki pa꞉ta꞉ a꞉paama꞉na꞉ loa꞉me. Dupa

Aposolo 13:6

Mo hoki paeyao pa꞉ta꞉ waloendi pu haota꞉ mo Peiposi da nane puaata꞉ ti̱o̱ hali homeke bikita꞉ Ba Yesu handepekeme. Ipikita꞉ Diu hali hata꞉ pa yayapiki potopede hayekeme.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Epesese 5:6

Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

Pilipai 3:2

Koto ekina꞉ mo kikama꞉ leke hoke haumanu puluekema꞉ taapolo hata꞉ mo wanda꞉halina꞉ loke yonkeleke kialuekema꞉ hoto paeyao hone u haleme haliwekima꞉ta꞉ iki hoeyaama꞉na꞉ wopu handeteke hapa꞉peke.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

2 Timodi 3:13

Hoke hau pu hala꞉ haliweki make yayapiki hau pita꞉la꞉ haliweki make ika꞉ ika꞉ kone makea alu alu pitolo hata꞉ ika꞉ hoke hau manuta꞉ ota꞉ mea daeyalimikie.

2 Timodi 4:3

Wanda꞉halima꞉ mo epeke mana꞉ pi wopu na opulu pa꞉la꞉ nate make ipilieke. Kutaa make wanda꞉halima꞉ ika꞉ hone pa꞉la꞉ ekimanu pitolo hata꞉ ika꞉ opulueke hone peleme pimanu la hala꞉peke yolo pa꞉la꞉ haliwekima꞉ iki handeteke haena꞉ handa꞉ mea꞉tiki pilimikie.

2 Pida 3:17

Pate iki yaka yankeke tonuo. Ikana꞉ma꞉ta꞉ koto ekita꞉ amba꞉ hone wilimime. Koto ekina꞉ta꞉ wopu handeteke hapa꞉peke. Pa ekipeke mo lo pi yambolo haleme wanda꞉halina꞉ yayapikieki manuma꞉ iki hatuku pua ika꞉ epeke haleme alena꞉ mea lopaama꞉na꞉ loa꞉me.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.

Peneme Yaeyekeeki 16:13

Kutupa ki̱ma꞉ handeke ha̱i̱ pambeke temoko tepo handoa꞉me. Ikita꞉ mo popake itiki hake sina꞉ handeke alena꞉ kake pa꞉ta꞉ make mo hoke sayale hombelekena꞉ kake pa꞉ta꞉ make mo yayapiki potopedena꞉ kake pa꞉ta꞉ make pita꞉ opolu bao epememe.

Peneme Yaeyekeeki 17:6

Kutupa mo wanda꞉ta꞉ Koda꞉na꞉ wanda꞉halina꞉ make Yesu pa꞉ta꞉ hone tulaa pelia haemeke handa limiki wanda꞉halina꞉ we na̱a̱ keaya꞉eki handoa꞉me. I̱ma꞉ moeki hando haota꞉ ota꞉ hoke tupa꞉ penkilipa꞉tia pomua꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.

Peneme Yaeyekeeki 20:10

Kutupa mo wanda꞉hali makeaeya꞉ Sadanita꞉ oni ti uleke kiake make titipupiki lanka꞉ ma꞉nda꞉ biki solopa pa꞉ta꞉ yola꞉ mea lopaeya꞉me. Kotota꞉ amba꞉ hande sayale tieke hombeleke make mo makeaaso potopede hali make lopala꞉ pa꞉ta꞉e. Kutupa ikita꞉ timba꞉ ala꞉eki make natepa yolao hoto paeyao puki tandama꞉ homo halimikie.