Ma꞉tiu 6:24 - Panake Pi La: Ula: Buka pita: Kine Pieke Buka

²⁴ Homeke ma꞉nda꞉ma꞉ mo you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ kota꞉ ma꞉nda꞉ pa꞉ta꞉ pukima꞉ homolota꞉ ma꞉nda꞉ta꞉ honditi pilieke o ma꞉nda꞉ pa꞉ta꞉ta꞉ hone wopu pitolo hata꞉ta꞉ ma꞉nda꞉ta꞉ kiaalieke. Kutaa ikana꞉ma꞉ make mo mani pita꞉ Koda꞉ yaapoma꞉ ika꞉ you hali yaapo haena꞉ laa ipilika꞉ e homeke dina꞉ pokaapa꞉peke na ya꞉la꞉me.

Ma꞉tiu 6:24 Mawu Ofanana

Kini Pieke 47:17

Koto leeke mo tapakema꞉ ika꞉ ma꞉na꞉manu mea Diosepe pa꞉ta꞉ epemekeme. Kutupa ipikana꞉ma꞉ mo wanda꞉halina꞉ hosi ma꞉na꞉manu make sipisipimanu make nanikosimanu make kaomanu make donkimanu make mea epemeke topo peata꞉ ne haleekeme. Koto bapina꞉ta꞉ mo ika꞉ ma꞉na꞉ manuna꞉ topo pea ne hala꞉tiki piekeme.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Luku 16:11

Koto ekina꞉ta꞉ nakana꞉ma꞉ do kenkena꞉ ula꞉ hamoko alemanu a꞉nda꞉ tikitikina꞉ na handeteke haeka꞉na꞉ta꞉ kota꞉ epima꞉ Neketa꞉ mo deto hala꞉ ekina꞉ hamoko alemanu epeke tupa꞉ handeteke hapeke laa hone tulao kilia꞉pe.

Luku 16:13

E pokaasa꞉ halima꞉ta꞉ you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ hali ma꞉nda꞉ta꞉ puki halolo hata꞉ta꞉ hali ma꞉nda꞉ta꞉ honditi pilieke o hali ma꞉nda꞉ pa꞉ta꞉ homu wopu pitolo hata꞉ta꞉ hali ma꞉nda꞉ta꞉ kiaalieke. Kutupa make ikana꞉ma꞉ Koda꞉ pita꞉ mani yaapo ika꞉ you hali yaapo haena꞉ laa ipilika꞉ e yaapota꞉ homeke dina꞉ pokaapeke ana꞉ na pelememe leekeme.

Luku 16:9

Kutupa Yesuma꞉ la꞉tia pulu hata꞉ alota꞉ I̱ma꞉ iki pa꞉ta꞉ alome. Do kenkena꞉ hamoko ale manuma꞉ta꞉ mandane wanda꞉hali naka꞉ yankeke halena꞉ lena꞉ lapeke. Kutu pika꞉na꞉ta꞉ mo hande hamoko alemanu paelia꞉ dina꞉ta꞉ neketa꞉ pa hao hala꞉ da nane handa꞉ milieke.

Ka꞉leisia 1:10

Do alo pima꞉ta꞉ mo wanda꞉hali ta꞉na꞉ma꞉ homa꞉ tiaaluekema꞉ alope. Dia꞉me. Ota꞉ dia꞉me. I̱ma꞉ta꞉ Koda꞉ma꞉ ta꞉na꞉ma꞉ homolo pa꞉la꞉eki weitolome. I̱ma꞉ta꞉ wanda꞉halima꞉ ya biki daeyaena꞉ taapolope. Dia꞉me. Koto hau puluekema꞉ taapoa꞉ka꞉na꞉ta꞉ kota꞉ I̱ta꞉ Ketisona꞉ e pokaaso hali na hapeke ya꞉la꞉me.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.