Ma꞉tiu 6:23 - Panake Pi La: Ula: Buka pita: Kine Pieke Buka

²³ Pate naka꞉ leke yaapo a꞉nda꞉ hoeya꞉ka꞉na꞉ta꞉ kota꞉ mo naka꞉ loke paeyaota꞉ timba꞉ la꞉ pambilieke. Koto mo naka꞉ lokena꞉ pa̱a̱ a꞉nda꞉ timba꞉ lea꞉ka꞉na꞉ta꞉ a꞉pee kota꞉ kotota꞉ ota꞉ timba꞉ tiekee.

Ma꞉tiu 6:23 Mawu Ofanana

Ma꞉tiu 20:15

Ya manima꞉ta꞉ ya hone pa꞉la꞉ tupa꞉ kone pea꞉peke dia꞉ ya꞉la꞉pe o I̱ma꞉ ta꞉na꞉ma꞉ homolo hata꞉ mandane wanda꞉hali pa꞉ta꞉ ale mandaneeki pa halo halo ekina꞉ neketa꞉ I̱ yaapo ta꞉na꞉ma꞉ na homelepe laa lota꞉ piekeme.

Ma꞉tiu 6:22

Mo leketa꞉ lokena꞉ ola꞉pakee. Naka꞉ leke yaapo telipina꞉ epea꞉ka꞉na꞉ta꞉ kota꞉ naka꞉ loke paeyaota꞉ pa̱a̱ma꞉ tumbilieke.

Maka 7:22

tooli ka꞉taasa꞉ hau make we pamba꞉la꞉ hau make hoke hoke hau make yayapiki hau make pamba꞉ na piki hau make ne tunkula꞉la꞉ hau make pi lala pu handaena꞉ hau make hone na wiki hau make

Luku 11:34

Naka꞉ leketa꞉ naka꞉ lokena꞉ ola꞉pakee. Naka꞉ leke a꞉nda꞉ ota꞉ epea꞉ka꞉na꞉ta꞉ kota꞉ naka꞉ loke paeyaota꞉ pa̱a̱ma꞉ tumbilieke. Koto pa꞉la꞉pate naka꞉ leke a꞉nda꞉ hoeya꞉ka꞉na꞉ta꞉ naka꞉ loke paeyaota꞉ timba꞉la꞉ pambilieke.

Luku 8:10

Ipikana꞉ma꞉ ika꞉ pi hombo peaaso hata꞉ alota꞉ Koda꞉na꞉ Kilu Tombuao Hala꞉ ekina꞉ a꞉mbaala꞉eki manuta꞉ iki pa꞉ta꞉ amba꞉ wala꞉la꞉me. Pate mo mandane wanda꞉hali pa꞉ta꞉ta꞉ onkoluma꞉ pi homekema꞉ la halolome. Pa ekipeke. Ikana꞉ma꞉ handolo pelemepate na handena꞉ opulu pelemepate hone na wina꞉e leekeme.

Loma꞉ 1:22

Ikana꞉ma꞉ alota꞉ Nikita꞉ hone wopu uluma꞉ wanda꞉hali haloma꞉me laa lo halemepate ikita꞉ hone na wiki wanda꞉hali hata꞉ta꞉

1 Kotindi 2:14

Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

1 Dioni 2:11

Pate ma꞉nda꞉ epima꞉ ipika꞉ yankeke honditi pia꞉ka꞉na꞉ta꞉ ipikita꞉ timba꞉ leke pa꞉ta꞉ hala꞉me. Ipikita꞉ koto pa꞉ta꞉ pominolo hata꞉ timba꞉ la꞉la꞉ ekima꞉ leke holu peala꞉ ekiyalo hata꞉ta꞉ ipika꞉ pula꞉ pota꞉ta꞉ hone na ula꞉me.