Ma꞉tiu 6:14 - Panake Pi La: Ula: Buka pita: Kine Pieke Buka

¹⁴ Kutupa ikana꞉ma꞉ mo iki pa꞉ta꞉ hoke hau pimiki wanda꞉hali ika꞉ hoke haumanu pa paeyaemeka꞉na꞉ta꞉ kota꞉ ika꞉ hepeni hala꞉ Apa꞉ma꞉ ika꞉ pimi hoke haumanu make pa paeyawalieke.

Ma꞉tiu 6:14 Mawu Ofanana

Ma꞉tiu 5:7

Mandane wanda꞉hali pa꞉ta꞉ a꞉ta꞉ma꞉ homo haleme wanda꞉halima꞉ta꞉ ta꞉na꞉ma꞉ homo halememe. Koda꞉ma꞉ iki pa꞉ta꞉ make a꞉ta꞉ma꞉ homilieke.

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Ma꞉tiu 7:2

Pa ekipeke ikana꞉ma꞉ mo mandane wanda꞉hali pa꞉ta꞉ pi yokaalu pimika꞉na꞉ta꞉ kota꞉ ika꞉ pi yokaalu pimi tupa꞉ta꞉ Koda꞉ma꞉ make iki pa꞉ta꞉ mandake piki pi yokaalu kone kilieke. Kutupa ikana꞉ma꞉ ma꞉nda꞉ pa꞉ta꞉ manda꞉ mineme manda꞉ma꞉ kone Koda꞉ma꞉ iki make homeke manda꞉ma꞉ kone milieke.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Luku 6:37

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Kutupa ma꞉nda꞉ na teli pimika꞉na꞉ta꞉ kota꞉ Koda꞉ma꞉ make iki na teli pilieke. Mandane wanda꞉halima꞉ iki pa꞉ta꞉ hoke hau pelemeeki ikana꞉ma꞉ pa paeyaemeka꞉na꞉ta꞉ kota꞉ Koda꞉ma꞉ make ika꞉ hoke hauta꞉ pa paeyaalieke.

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Kolosi 3:13

Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.