Ma꞉tiu 6:13 - Panake Pi La: Ula: Buka pita: Kine Pieke Buka

¹³ Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Ma꞉tiu 6:13 Mawu Ofanana

Kini Pieke 22:1

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

Ma꞉tiu 26:41

Handeteke hata꞉ yeni pu hapa꞉peke. La handa꞉la꞉eki a꞉paama꞉na꞉ loa꞉me. Ika꞉ pukima꞉ hone pa꞉la꞉pate ika꞉ loke mindikima꞉ta꞉ soka꞉la꞉ma꞉ homaa ada꞉ ada꞉ pea witelememe leekeme.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Ma꞉tiu 5:37

Ikana꞉ma꞉ta꞉ pa Aowe o Dia꞉me homeke lapa꞉peke. Mandane pi apa꞉taemeka꞉na꞉ta꞉ kota꞉ kotota꞉ hoke Sadanima꞉ wala꞉la꞉ pie.

Ma꞉tiu 6:10

Naka꞉ Kilu Tombuao Haleeki do ane opolo epena꞉e. Naka꞉ hone pa꞉la꞉eki oli hepeni nane peao haleme tupa꞉ do kenkena꞉ make peawaenae.

Dioni 17:15

I̱ma꞉ do honke alo ekita꞉ do haliweki kenke pa꞉ta꞉ na haena꞉ yoka꞉ muelena꞉ laa na loa꞉pateta꞉ hande Hoke Halima꞉ iki hoeyaama꞉na꞉ nakana꞉ma꞉ handeteke halena꞉yeke honke alome.

1 Kotindi 10:13

Mo iki pa꞉ta꞉ la handa꞉la꞉eki manuta꞉ mo wanda꞉hali paeyao pa꞉ta꞉ pa ipu hala꞉eki kone ipula꞉pate pa Koda꞉ma꞉ ipika꞉ pi la꞉ wita꞉la꞉ ekita꞉ ota꞉ yao hala꞉me. Kutupa ipikana꞉ma꞉ta꞉ mo iki mea ota꞉ lombeipiki lopaapeke ya꞉la꞉ la handa꞉la꞉eki ma꞉nda꞉ na epena꞉ lelieke. La handa꞉la꞉ ekimanu ipulu haena꞉ kone Koda꞉ma꞉ ika꞉ pota꞉ pilao iki tamba꞉ milieke. Mo tamba꞉ mina꞉la꞉ ekina꞉ iki honkopu hao ana꞉na꞉ hamina꞉ lelieke.

1 Kotindi 14:16

Neketa꞉ pa naka꞉ temoko homekema꞉ da ta꞉ta꞉ piki pima꞉ Koda꞉ pa꞉ta꞉ keiyae pi laa yeni pika꞉na꞉ta꞉ kota꞉ mo iki ame̱le̱ pila꞉ hali ma꞉nda꞉ma꞉ hande da ta꞉ta꞉ piki pi ale ekita꞉ na opiki hata꞉ta꞉ Koda꞉ pa꞉ta꞉ Aowe. Kutu pina꞉e laa ekipa opua lena꞉pe.

2 Kotindi 1:20

Pa ekipeke Koda꞉na꞉ pi la꞉ ula꞉ ekimanu paeyaota꞉ ipiki pa꞉ta꞉ yama꞉ Aowe la꞉la꞉me. Koto ekina꞉ta꞉ Koda꞉na꞉ biki tieke wina꞉ loluekema꞉ta꞉ nika꞉ Kutu pina꞉e. Keiyae pita꞉ Yesu Ketiso pa꞉ta꞉ yama꞉ aloma꞉me.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

1 Desalonaika 1:10

ipika꞉ Eiyeke hepeni nane hao epena꞉yeke handeteke haluekema꞉ pimime. Koda꞉ma꞉ta꞉ ipika꞉ Eiyeke Yesuta꞉ ipikana꞉ma꞉ homa wieke lapa꞉ pa꞉ta꞉ mea tiaeyekeme. Kutupa Yesuma꞉ta꞉ Koda꞉ ipikana꞉ma꞉ wetepe mineke panka꞉la꞉eki niki pa꞉ta꞉ a꞉paapa꞉na꞉ niki pa꞉ta꞉la꞉ minolo pa꞉la꞉me.

2 Desalonaika 3:3

Mo Tekehalima꞉ hone homeke u haleke handa ikita꞉ wele pealieke. Kutupa make Sadanima꞉ iki hoeyaapa꞉na꞉ handeteke halieke.

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

Hibulu 11:36

Iki mandane tapaketa꞉ mandane wanda꞉halima꞉ hoke tupa꞉ kitata pu make dopitama꞉ yombu pimikime. Mandane wanda꞉halita꞉ kiki anke tonkao dipula mea pua꞉tiki pimikime.

1 Pida 5:8

Leke leke lo hata꞉ a꞉nda꞉ ipula꞉eki handoemena꞉ pota꞉ pua tunkulu hapa꞉peke. Ika꞉ a꞉nda꞉ tunkiliki hali Sadanima꞉ mo sayale hali ma꞉na꞉ tiekema꞉ handa wanda꞉hali lia noluekema꞉ wei mea pomu hala꞉me.

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 19:1

Doeki hoki naneta꞉ oli hepeni nane wanda꞉hali tiekema꞉ leke nono pea alota꞉ Haleluya. (Nika꞉ pima꞉ta꞉ Koda꞉na꞉ biki miniliamana꞉e) Da꞉ta꞉mono yeke pa꞉ta꞉la꞉la꞉eki make pa̱a̱ peaasa꞉eki make wele tieke make nika꞉ Koda꞉ pa꞉ta꞉ ula꞉me.

Peneme Yaeyekeeki 19:4

Mo hali tieke homekena꞉ tonkopu you haliweki make mo deto haleme tonkopu ale manuma꞉ make panda꞉puniao lopa mo kini seana꞉ pitia꞉ Koda꞉ pa꞉ta꞉ yeiya꞉ laaso hata꞉ yeni pimime. Ikana꞉ma꞉ alota꞉ Kutu pina꞉e. Haleluya lememe.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Peneme Yaeyekeeki 21:4

Ipikana꞉ma꞉ta꞉ ika꞉ e̱ pankekemanu honialieke. Koto pa꞉ta꞉ta꞉ homa꞉la꞉eki pa na handilimikie. Kutupa puki tanda pitolo a꞉ta꞉ma꞉ homa꞉la꞉eki make e̱ ala꞉eki make tanda mina꞉la꞉eki make ota꞉ dia꞉ya꞉lieke. Mo amba꞉ haumanu paeyaota꞉ alu paeya꞉me laa lea꞉me.

Peneme Yaeyekeeki 3:10

Mo kenkena꞉ haleme wanda꞉hali paeyao la handuluekema꞉ ipula꞉ ka꞉nda꞉manu pa꞉ta꞉ta꞉ I̱ma꞉ iki handeteke halueke. Pa ekipeke ikana꞉ma꞉ta꞉ mo ka꞉nda꞉ pa꞉la꞉eki pa꞉ta꞉ hata꞉ kone kima꞉ na homeke honkopu hao hapa꞉peke laa la꞉ ua꞉ ekita꞉ na mina꞉pa꞉lake pa pea꞉tiki peleme ekina꞉ loa꞉me.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.

Peneme Yaeyekeeki 5:13

Kutupa oli ya nane make kenkena꞉ make kenke oto nane make dawala pa꞉ta꞉ da꞉ta hala꞉ ala꞉ta꞉ ala꞉ta꞉ paeyaoma꞉ emeli lemeeki opua꞉me. Dupa lememe. Mo kini seana꞉ pila꞉ hali make mo Sipisipi Ma꞉na꞉ Ikiki make yeiya꞉ lao make biki miniliao make pa̱a̱ make wele make hoto paeyao pa u haena꞉e lememe.