Ma꞉tiu 6:12 - Panake Pi La: Ula: Buka pita: Kine Pieke Buka

¹² Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Ma꞉tiu 6:12 Mawu Ofanana

Ma꞉tiu 26:28

ipikana꞉ma꞉ iki pa꞉ta꞉ alota꞉ Panake pi la꞉ uluekema꞉ yaka we doe. Wanda꞉halina꞉ hoke hau paeyaena꞉ loluekema꞉ yaka we lopilieke laa

Ma꞉tiu 9:2

Kutu pieketa꞉ mandane wanda꞉halima꞉ dola꞉pake piki hali homeke ipiki pa꞉ta꞉ tilina꞉ mea tia epemekeme. Yesuma꞉ ika꞉ hone tulaemekeeki handaa mo dola꞉pake piki hali handolo alota꞉ Apa꞉ma꞉ta꞉ epolo pila꞉taa. Naka꞉ hoke hauta꞉ pa paeyaasome leekeme.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Luku 11:4

Mandane wanda꞉halima꞉ niki pa꞉ta꞉ hoke hau pimieki nikana꞉ma꞉ pa paeyaasoma꞉ ekina꞉ nika꞉ hoke hau puma꞉eki make nakana꞉ma꞉ koto tupa꞉ pa paeyawapeke. Ka꞉nda꞉ piki la handa꞉la꞉eki pa꞉ta꞉ niki na hatuku a꞉pa꞉peke laa lapa꞉peke leekeme.

Luku 13:4

Kutupa make mo hande Sailoa꞉me da pa꞉ta꞉ haliao a꞉emeke da hokulu tieke lombolo hata꞉ lu sesape pieke 18 wanda꞉hali pa꞉ta꞉ta꞉ eki hone witelemepe. Mo hande dama꞉ lieke ekina꞉ta꞉ ika꞉ hoke hauta꞉ mo Diutuseleme haleme wanda꞉hali paeyaona꞉ pimiki hoke hau ota꞉ lombei peake tupa꞉ pimikieki peneme yaasa꞉pe.

Luku 6:37

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Kutupa ma꞉nda꞉ na teli pimika꞉na꞉ta꞉ kota꞉ Koda꞉ma꞉ make iki na teli pilieke. Mandane wanda꞉halima꞉ iki pa꞉ta꞉ hoke hau pelemeeki ikana꞉ma꞉ pa paeyaemeka꞉na꞉ta꞉ kota꞉ Koda꞉ma꞉ make ika꞉ hoke hauta꞉ pa paeyaalieke.

Aposolo 13:38

Ya kametitio. Iki paeyaoma꞉ doeki ota꞉ hone wia꞉pa꞉peke. Yesu ipikana꞉ma꞉ pa꞉la꞉ ekima꞉ kone ika꞉ hoke hau pimiki ekimanu pa hameke paeyaapeke pi iki pa꞉ta꞉ waloloma꞉me. Wanda꞉hali epi amedama꞉ ipiki pa꞉ta꞉ hone tulaeya꞉ka꞉na꞉ta꞉ kota꞉ ipika꞉ hoke hau piekeeki manuta꞉ Mosesima꞉ wape pea ula꞉ Lo Pi manuma꞉ ka꞉la꞉pa꞉ tapaapeke na ya꞉la꞉pate Yesuma꞉ ka꞉la꞉pa꞉ tapawalieke.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Kolosi 3:13

Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.